عمالقة السيراتو افيدونى ارجوكم هل من الممكن تغيير فتيس السيراتو 4 سرعه الى فتيس سيراتو 6 سرعه؟
عمالقة السيراتو افيدونى ارجوكم هل من الممكن تغيير فتيس السيراتو 4 سرعه الى فتيس سيراتو 6 سرعه؟
السؤال الاهم ليه ؟؟؟؟
علشان انا حاسس ان الفتيس 4 غيار بيتعب الماتور
ال 4 مفيش منه اى مشاكل
4 غيارات افضل في السحب والتجميع عن 6 غيارات
6 افضل في استهلاك البنزين والهدوء
بس 4سرعات مش بيتعب الموتور ولا حاجه
مانصحكش انك تعمل كده
اولا التوكيل مستحيل يرضى يعملك حاجه زى كده وده معناه انك هتعمل الكلام ده بره
ثانيا انت هتجيب الفتيس ال 6 ده منين لو اشتريته جديد سعره هيكون عالى ولو استيراد مش هتضمن حالته ايه
ابعد الفكره دى عن دماغك
العربيه جديده و تغيير الفتيس يا فندم هيستدعى ان الميكانيكى يفتى و يلعب فيها و عمرها ما هتبقى زى الفابريكه تانى. أكيد المصنع اللى عملها هو ادرى حد بيها و هو عملها ٤ سرعات و لو حضرتك محتاج ال ٦ سرعات يبقى الاسلم انك تبيع عربيتك و تشترى واحده ٦ سرعات خارجه كده من الفابريكه
للأسف،
حتى لو الـGearbox-casing والـattachment-points والمساحة فـ حوض الموتور -هى هى واحد.. وتركب direct-replacement
- هتضطر تغير كنترول الموتور -أيوه كنترول!!
(وطبعا الجيربوكس الجديد بييجى بالـgearbox control unit بتاعته)،
بس برضه أساسى هتغير ECU بواحدة بتاع سيراتو بالفتيس الـ6-سرعات؟؟!!!
عارف ان الموتور واحد 124 حصان/157 نيوتن..
بس فيه State-of-Tune متغيره عشان يضبط منحنى-العزم مع نسب الجيربوكس أو الـGear-ratios لأنها إتغيرت؟!!
- يعنى عمل re-calibration لعزم الموتور فـ رينج الـrpm ليتوافق مع نسب التخفيض بتاع التروس الجديدة.
غير كده لو عملتها -بلدى- كده، حتى لو الفتيس هيركب Perfect-Fit (مش متأكد بصراحة)..
هتلاقى حاجات غريبة بقى:
- زى غيار/نقلة مابتسحبش، أو غيار بيحرق عـ الفاضى دون عزم والعربية مش بتجرى؟!!
- إستهلاك بنزين زيادة فـ الغيارات -اللى مفروض بتقلل الـrpm وتريح الموتور!
- ممكن التسارع يقل (من الطلعة وفـ الـovertaking) أو العربية ماتجيبش التوب-سبيد؟؟!!!
صعب أوى.. أصلها مش Plug&Play
دا فتيس بـgear-ratios مختلفة خالص، وبيتعامل مع rpmــات ومنحنى عزم مختلف؟!!
فيه حل واحد (ومش recommended برضه) انك تعمل remap بعد ماتركب الفتيس الجديد
بس ده عايز تيونر عالى أوى، وهيجرب كتيييييييييير لحد مايضبطها (تكلفة)!!
Rgds،