لو شاطر ميكانيكا محتاج مساعده في السينا ١٤٠٠

**macdiv** · 22-10-2012 12:59 AM

العربيه بطلت مني ونا لسه طالع من الركنه بعد ٢ك تقريبا ... و التشخيص كالتالي :
تيجي تدور تديك صوت زي بالظبط اما ترس البندكس بتاع المارش يكون صولونويده معلق .. يعني المارش بيلف عالفاضي .. قبل مدورها زق شيكت على الكتينه عشان ملبسي حوارات كبيره ولقيت الكتينه سليمه و حساسها سليم .
١- درجه ح حراره الموتور اقل من العاديي يعني تحت التسعيين بكتيير
٢ - فيها زيت وشفته بالمقاس ،، وطبعا لمبه الزيت منورتشي لو حد هيقولي طرمبه زيت
٣- طبعا فيها بنزيين و الكهربا تمام و البوبينتيين شغالييين
٤- عشقت التاني و حركيت العربيه و فتحت فتحه شباك الكتينه لقيت السير و الكتينه مبيتحركوش !!!!
٥- عشقت الاول و دورت نطت ادام ..... عشقت المارشيدير و دروت .. نطت لوراء ،،،،، هو فيه ايه ...
٦ تقريبا الماتور قافش ولا فيه تفسير تاني و لو قافش ،،ايه اللي قفشه ... الزيت متغير قريب و العربيه مسخنتشي .. ده لو افترضنا ان طرمبه الزيت باظت ....
يا ريت اللي يعرف تفسير يقلي عشان هضطر ايجيب ونش واوديها مش عارف لميكانيكي ولا بتاع جيربوكس ...ارجو الافاده

**ملك فرنا** · 22-10-2012 02:41 AM

ولا تقلق ده الترس التحتانى بتاع الكتينة مفوت
او سير الكتينة فوتت السنون بتعتها
ربنا يستر و مكنش جابت صباب
المهم يا معلم ده كتينة

**macdiv** · 22-10-2012 02:50 AM

المشاركة الأصلية كتبت بواسطة ملك فرنا

ولا تقلق ده الترس التحتانى بتاع الكتينة مفوت
او سير الكتينة فوتت السنون بتعتها
ربنا يستر و مكنش جابت صباب
المهم يا معلم ده كتينة

شكرا لردك ... بس السير شيكت عليه و لقته سليم و ترسه كمان سليم ... حاجه تحير بجد

**misoalex** · 22-10-2012 03:38 AM

دى عاوزه مكانيكى ايه علاقتها بالجربوكس

**macdiv** · 22-10-2012 03:55 AM

المشاركة الأصلية كتبت بواسطة misoalex

دى عاوزه مكانيكى ايه علاقتها بالجربوكس

عشان الكرنك و الكامه و حدافه المارش كله قافش مع وضع التعشيق

**misoalex** · 22-10-2012 04:20 AM

المشاركة الأصلية كتبت بواسطة macdiv

عشان الكرنك و الكامه و حدافه المارش كله قافش مع وضع التعشيق

طب مهو لو المشكله فى الجزء ده يبقى محتاجه مكانيكى لكن اللى اعرفه ان وظيفه الفتيس يتنتهى لما بتدوس دبرياج ولو حاجه قافشه فى الفتيس العربيه حتدور وانت دايس دبرياج
فعشان كده رأيى انها محتاجه مكانيكى ممكن يكون حساس الكرنك بايظ مثلا او حاجه داخليه فى الموتور زى الترس الكبير بتاع المارش اللى فى الموتور نفسه مثلا

مجربتش تدورها زق ؟؟ لو مره واحده وتشوف النتيجه لو دارت يبقى تمام مدارتش بلاش تحاول تانى

اصل مره الترس ده عمل كده فى ال 128 والمارش مكانش عاوز يدور العربيه ولما دورناها زق بعد كده دارت عادى من المارش

هى ال 128 كانت عجيبه