قولهم و النبي يا بنز:):)
عرض للطباعة
الحدود دى انصلحك بالاتى من حيث القوة والثبات
1- فوكاس
عربية غاوية فى الروعه والجمال
ثبات عالى جدا وقوة خرافيه
عيبها الوحيد انها تقيله فى الطلعه بتفكرنى بالفكترا ال 1600
كماليات خرافه وزوق عالى جدا
نظام الصوت بتاعها ملوش حل :)
2- امبريزا
ثبات وقوة خصوصا ب 4wd
عيبها الطلعه بطيئة الى حد ما استهلاك بنزين يعتبر عالى قطع غيار فى السما محدش بيفهم فيها غير توكيلها
3- استرا
طبعا مش هتكلم عليها عشان كلنا عارفينها
4- بيجو 307
عربية شيك وقوية بس بسمع ان الكنبه الخلفيه مش مريحه وكان فى مشاكل فى الفتيس بس قالوا ده عيب سوفتوير وبيتغير فى التوكيل (انا مجربتهاش)
5- مازدا
فيها كل حاجة تتمناها ومش عارف ازاى انت بتقول ثباتها مش حلو
يمكن عشان خفيفه شويه فمش بتحس بنفس احساس الاسترا بس هى ثباتها عالى اوى
عيبها الوحيد توكيلها ده لو هنعتبر ان ليها وكيل
6- سيفيك
موتور قوى تصميم خرافى تابلوه شيك عربيه محترمه جدا
عيبها كماليتها ضعيفه جدا وواطيه شويه مع مطبات بلدنا هتتبهدل
7- ميجان
بحب العربيه دى جدا
تصميم فرنساوى شيك اداء كويس ثبات حلو طالع عليها اشاعات كتييييييييييير بس توكيلها محترم ومهما قابلك مشاكل هو هيقوم بيها من غير ما تدفع جنيه
المشكله الحقيقيه فعلا كانت فى الكويل والفتيس
الفتيس بردو كان سوفت وير بيتصلح فى التوكيل
وصلحوا كل العيوب دى فى الموديل الجديد
اختار انت بقى يا معلم
جربها ولو معجبتكش جرب الفوكاس
عربيه محترمه جدا
احكيلكو بقه اخر الاخبار:
مديري في الشغل بدا يقنعني بالسكودا اوكتافيا ففكرت اشتري A4 اوتو بس للاسف التوكيل قاللي انها السنادي مبتنزلش الا مانيوال وطبعا ال A5 خارج الميزانيه
بس رحت معرض اسكودا وشفت الرومستر بصراحه امكانيات كويسه بسعر 126 الف للاوتو بس عاوز اخد رايكو في الشكل هل هوه عواجيزي شويه ولا ايه؟؟
واخذت كتالوج الميني فابيا بصراحه عربيه شكلها جميل بس حاسس انها هتكون صغيره و ضيقه شويه
وصعقت لما لقيت ان بداية الاوتو ب 125 الف( ثمن ميجان) بس فيها مثبت سرعه و2 ايرباج و فوج ومبرد وabs و نظام ثبات الكتروني كاسيت سي ديmp3
بس الجميل بجد في الاسكودا انها قويه وثابته زي الفولكس وقطع الغيار رخيصه
يعني مثلا الزجاج الامامي للرومستر بحوالي 900 جنيه و الاكصدام بحوالي 700 الفانوس الخلفي في رينج ال 300 و الامامي في رينج ال 700 يعني اسعار كويسه بالنسبه لعربيه الماني
حد بقه يقول رايه .......