قطه نايمه ع العربيه

**ahmdmagdy** · 22-10-2012 02:34 AM

السلام عليكم

كل يوم انزل عشان اروح الشغل اشوف قطه شكل مريحه ع الكبوت لما تحس ان في حد جاي جمب العربيه تروح ماشيه
الا القطه دي قعدت ابسبس لها مفيش فايده خبطت علي الصاج مفيش فايده روحت شديت الغطاء من تحت لفوق رحت ناطرها طلعت تجري ودي صورتها لما كانت في سابع نومه

**ibn_seena** · 22-10-2012 03:01 AM

طب كويس انهم بيناموا عالغطا
انا يوم نسيت اغطي العربيه.
واااااه
نزلت لقيت القطط راسمين لوحة فن تشكيلي بضوافرهم عالكبوت .
واتبهدل الكبوت خرابيش والحمد لله

**eldell** · 22-10-2012 04:08 AM

ههههههههههههههههههههههههه هههههههه شكلها كانت شاربه حاجه وكانت فى حاله لا وغى بس حرام عليك تصحيها من نومها كده انا لو منك اسيبها زى ماهى واروح الشغل بتاكسى هههههههه بعد كده لو وقعت فى الموقف ده شويه مايه صغيرين على دماغها هتلاقيها اتنفضت اسال مجرب والقطط عندى مش قطط ديه ديابه يعنى اسخم من الكلاب

**windofchange** · 22-10-2012 04:52 AM

الرحمة حلوة يعني صحيها براحة هي نايمة عالغطاء علشان تدفا من البرد اللي داخل علينا "امم امثالكم"

**S O P H O S** · 22-10-2012 05:05 AM

وقطة ارحم كتير من الي بينام علي الغطاء عندنا ..

**dodo2000** · 22-10-2012 10:41 AM

معلش هشها براحة و بلاش حوار المية ده

**ahmdmagdy** · 23-10-2012 02:13 AM

بعد كده الواحد و هو نازل يجيب بخاخه مياه و يرشها عليها عشان تصحصح

**grand hand** · 23-10-2012 02:20 AM

مش عارف ليه شكلها صعب عليا

**mr_vampire** · 23-10-2012 02:25 AM

كان فيه واحدة برده مستلماني كللللللللللل يوم ولو نقلت العربية بتعرفها وتروحلها ... بهدلت الغطا وريحته بقت وحشة وساعات بتسن دوافرها عليه وتخربش الصاج قما راشش مية عليها كذا مرة وساعات كنت بخضها ههههههههههه اجي بشويش جمب العربية واخبط جامد تقوم قايمة جرررررررررري بس متلبسش في حاجة كانها نايمة مغمضة عين ومفتحة عين ..

**windofchange** · 23-10-2012 07:45 AM

يارجالة القطط دي روح ولازم نرحمها وربنا قال "امم امثالكم" علي الحيوانات فلما نخضها ممكن نموتها كده تجري تدوس عليها عربية وممكن تتشل وتقعد ايام عقبال ماتموت انا شقت قطط كده تقعد يومين تعاني ومشلولة علشان عربية خبطتها ولا موتوسيكل ... بس هما بيناموا عالغطاء علشان يدفوا ممكن ترش مياه خفيف علشان متطلعش تاني عالغطاء وتخربش بويه العربية, وانا كنت فاكر زمان انهم مش بيجوعوا ولا يعطشوا لغاية محطيت لقطة مياه عالسلم وكانت بتخلصها كل يوم وحاجات بسيطة بنعملها تدخلنا الجنة قال صلي الله عليه وسلم "امراه دخلت النار في هرة حبستها لا هي اطعمتها ولا تركتها تأكل من خشاش الارض" وقال ايضا "ارحموا من في الارض يرحمكم من في السماء"

الموضوع: قطه نايمه ع العربيه

LinkBack

أدوات الموضوع

عرض

قطه نايمه ع العربيه - انشر الموضوع فى :

-

-

-

-

المواضيع المتشابهه

ايه رأيكم في تهبيط العربيه ، ناوي اظبط العربيه بمساعدة أيمن مومو

تحذير من انذار كاذب بان العجله نايمه

جبت بطاريه جديده وبرده نايمه

العربيه نايمه

واخيرا" الوزه نايمه تحت البيت

الكلمات الدلالية لهذا الموضوع

المفضلات

المفضلات

ضوابط المشاركة