الموضوع: موضوع الماف ده مزعل ناس كنير اوى ... ايه الحل ؟؟

المشاركة الأصلية كتبت بواسطة ahmed_fahmy

هو قطعه غيار عاديه جداً راكبه فى خرطوم الهوا اللى داخل للمتور وطبعاً هى لها عمر افتراضى زى اي قطعه يعنى بتعمل ٢٠٠ الف كيلو عادى جداً وممكن اكتر بس المشكله انها غاليه بسبب ندرة بوظانها بس لمي بتبوظ الناس بتشتري استيراد عشان ارخص وبيبقى اكيد مش تمام فبيبوظ فيروحو يشترو جديد صينى فيبوظ لكن لو واحد اشتراه جديد اصلى مش مضروب وبيقولو عليه اصلى مش هيحصل حاجه

ندره بوظنها !!!! معلش اسمحلي
ندره بوظنها فالعربيات الفيكترا ماشي لكن الاسترا ال 1200 موديل 2000 و 2001 والكورسا ال1000 دمار شامل .... دا كتير من الناس بتزهق من كتر تغييره وبتمشي فاصله الفيشه بتاعته عشان العربيه متكتمش.
ايام مكنت فالتوكيل كان بتاع الاسترا ب 1200 جنيه والكورسا ب 2500 جنيه والاتنين واحد !!! وكنا بركب بتاع الاسترا للكورسا رأفتا بالناس


والماف هو حساس كميه الهواء اللي داخل للموتور (غرف الحريق) mass of air flow
وكمان هوا feed forward control loop عكس حساس الاكسجين اللي feed back control loop

فالبدايه دواسه البنزين مش بتعمل غير انها بتفتح بلف الهواء اللي قبل المنافولد اللي رايح على
صمامات السحب (خليط البنزين والهواء) اللي داخل على غرف الحريق (البساتم)
يعني دوستك علي دواسه البنزين كل ما زادت كل ما فتحت بلف الهواء دا اكتر و دخلت كميه هواء اكتر لغرف الحريق.

(ملاحظه عالسريع :بلف الهواء ده اسمه throttle valve والاسم الدارج ليه البوابه و في حاله الاسترا ال 1200 موديل 2001 البوابه بتفتح و تقفل بموتور بياخد اشارته من الكنترول ECU بناءا على دوست رجلك على دواسه البنزين وطبعا الدواسه فالحاله دي سينسور بيدي اشاره للكنترول على خلاف الاسترا 1200 موديل 2000 والكورسا 1000 البوابه فيهم واصله بالدواسه ميكانيكل بكبل صلب
وملحوظه كمان بدون متفتح الكبوت وعايز تعرف العربيه بوابه كهربه ولا عاديه .. العاديه هتفصل والكهرباء لا ... متوقع حد يقولي يعني اه تفصل :) )

وطبعا المحرك محتاج نسبه محدده من خليط البنزين مع الهواء ( هواء 14: بنزين1) والنسبه بتتغير طبعا على حسب درجه الحراره و التعجيل (القرص عالموتور الكبس يعني)

النسبه دي بتتحسب ازاي بقا ؟؟؟؟

ال ECU محتاج معلومات عشان يحسب النسبه دي والمعلومات كالاتي

1-درجه الحراره (حساس الكولنت ) كل ما درجه الحراره زادت كل ما نسبه البنزين زادت.
2-RPM ودا بييجي من حساس الكرنك
3-الماف وكل ما كميه الهواء اللي داخله كتير الكنترول بيبعت اشاره للرشاشات تبخ بنزين كنير
(بالمناسبه الرتاشات عشان تبخ كتير اللي بيتغير ال duty cycle وليس ال frequency )
4-TPS ال throttle posisioning sensor زاويه فتح البوابه
5-نسبه الاكسجين في العادم من خلال حساس الاكسجين

يا رب مكنش ناسي حاجه تاني ...


اي خلل فالاشارات دي هينتج عنها تضليل ال ECU (الكنترول) وبالتالي هيحسب كميه البنزين غلط ولو النسبه بين الهواء والبنزين غلط بالزياده او النقصان ... بالشفا العربيه اتكتمت و الengine مش هيديك البور والتورك المفروض يخرجه.


بالتالي لو كميه الهواء متحسبتش صح نتيجه خلل في الماف كميه البنزين هتكون مش مناسبه


وبالنسبه للحفاظ على الماف :الهوا اللي معدي عالماف بيكون عدا على فلتر الهواء الاول .. أظن وضحت :)

في انتظار الاسئله

المشاركة الأصلية كتبت بواسطة ashourashour

ندره بوظنها !!!! معلش اسمحلي
ندره بوظنها فالعربيات الفيكترا ماشي لكن الاسترا ال 1200 موديل 2000 و 2001 والكورسا ال1000 دمار شامل .... دا كتير من الناس بتزهق من كتر تغييره وبتمشي فاصله الفيشه بتاعته عشان العربيه متكتمش.
ايام مكنت فالتوكيل كان بتاع الاسترا ب 1200 جنيه والكورسا ب 2500 جنيه والاتنين واحد !!! وكنا بركب بتاع الاسترا للكورسا رأفتا بالناس


والماف هو حساس كميه الهواء اللي داخل للموتور (غرف الحريق) mass of air flow
وكمان هوا feed forward control loop عكس حساس الاكسجين اللي feed back control loop

فالبدايه دواسه البنزين مش بتعمل غير انها بتفتح بلف الهواء اللي قبل المنافولد اللي رايح على
صمامات السحب (خليط البنزين والهواء) اللي داخل على غرف الحريق (البساتم)
يعني دوستك علي دواسه البنزين كل ما زادت كل ما فتحت بلف الهواء دا اكتر و دخلت كميه هواء اكتر لغرف الحريق.

(ملاحظه عالسريع :بلف الهواء ده اسمه throttle valve والاسم الدارج ليه البوابه و في حاله الاسترا ال 1200 موديل 2001 البوابه بتفتح و تقفل بموتور بياخد اشارته من الكنترول ecu بناءا على دوست رجلك على دواسه البنزين وطبعا الدواسه فالحاله دي سينسور بيدي اشاره للكنترول على خلاف الاسترا 1200 موديل 2000 والكورسا 1000 البوابه فيهم واصله بالدواسه ميكانيكل بكبل صلب
وملحوظه كمان بدون متفتح الكبوت وعايز تعرف العربيه بوابه كهربه ولا عاديه .. العاديه هتفصل والكهرباء لا ... متوقع حد يقولي يعني اه تفصل :) )

وطبعا المحرك محتاج نسبه محدده من خليط البنزين مع الهواء ( هواء 14: بنزين1) والنسبه بتتغير طبعا على حسب درجه الحراره و التعجيل (القرص عالموتور الكبس يعني)

النسبه دي بتتحسب ازاي بقا ؟؟؟؟

ال ecu محتاج معلومات عشان يحسب النسبه دي والمعلومات كالاتي

1-درجه الحراره (حساس الكولنت ) كل ما درجه الحراره زادت كل ما نسبه البنزين زادت.
2-rpm ودا بييجي من حساس الكرنك
3-الماف وكل ما كميه الهواء اللي داخله كتير الكنترول بيبعت اشاره للرشاشات تبخ بنزين كنير
(بالمناسبه الرتاشات عشان تبخ كتير اللي بيتغير ال duty cycle وليس ال frequency )
4-tps ال throttle posisioning sensor زاويه فتح البوابه
5-نسبه الاكسجين في العادم من خلال حساس الاكسجين

يا رب مكنش ناسي حاجه تاني ...


اي خلل فالاشارات دي هينتج عنها تضليل ال ecu (الكنترول) وبالتالي هيحسب كميه البنزين غلط ولو النسبه بين الهواء والبنزين غلط بالزياده او النقصان ... بالشفا العربيه اتكتمت و الengine مش هيديك البور والتورك المفروض يخرجه.


بالتالي لو كميه الهواء متحسبتش صح نتيجه خلل في الماف كميه البنزين هتكون مش مناسبه


وبالنسبه للحفاظ على الماف :الهوا اللي معدي عالماف بيكون عدا على فلتر الهواء الاول .. أظن وضحت :)

في انتظار الاسئله

الله ينور يا باشا على الشرح
بس معنى كلام حضرتك ان بوظان الماف بيخلى العربيه تستهلك بنزين وماتسحبش .... كلام جميل
ايه هى الاعراض اللى اعرف بيها ان الماف بايظ ... بس يا ريت الاعراض اللى مش متشابهه مع عطل تانى
وكام سعره جديد واستيراد ؟؟؟
تحياتى

اعراض تلف الماف:
1- 70% لمبه ال check engine او اعطال الموتور هتنور.
2-استجابه الموتور للكبس او الدوس المفاجيء على دواسه البنزين بطيئه جدا جدا.

بمعنى والعربيه مموره دوس بنزين جامد مره واحده (لمده 5 ثواني بس) لو ال RPM زاد بمعدل طبيعي (احساس الموتور الفايق) و استجاب مع دوستك الفجائيه بسرعه كدا مفيش مشاكل

لو عملت نفس الموضوع دا ولقيت الموتور تنح شويه عند 2.5 rpm مع ارتفاع صوت البوابه (صوت البوابه صوت كتمه الهواء وليس المقصود صوت الموتور بسبب RPM عالي) و بعدين لقيت ال RPM بدأ يزيد عادي ووصل لاخره ... دا 90% ماف.

لو المشكله في طرمبه البنزين او تسريب هواء من المنافولد التتنيحه اللي اتكلمنا عليها دي مش هتفك الموتور هيفضل متنح.

و لو اتكلمنا والعربيه ماشيه عالطريق ... لو انت مش بتشد وبتحسس على دواسه البنزين مش هيكون في اي مشاكل خالص لكن لو وانت ماشي دوست بنزين جامد مره واحده وال rpm كان تحت 2 العربيه هتلقيها تنحت ومستجبتش معاك و مع استمرار دوس البنزين هتلقيها استجابت مره واحده وسحبت.

طبعا موضوع عدم السحب لو اسطوانه السحب الموتور مش هيتكتم بالعكس ال RPM هيزيد جدا و KM/H مش بيزيد بنفس النسبه وغالبا هتشم ريحه الاسطوانه زي ريحه تيل الفرامل لو فرملت جامد.

وعشان تقطع الشورت فالبسين ممكن تفك فيشه الماف وتجرب من غيره ..اكيد العربيه مش هتبقا زي لو الماف شغال كويس لكن هتكون احسن بكتير لو فيها ماف تالف و لو عملت الحركه دي ولمبه الاعطال كانت مش منوره اكيد هتنور و عشان تطفيها لما تركب فيشه الماف تاني افصل كبل البطاريه شويه و ركبه تاني و طبعا الكاسيت هيطلب كود عشان يشتغل فلو مش معاك كود الكاسيت متعملش كدا ولو دخلت الكود غلط 3 مرات الكسيت هيقفل خالص.

معلومه الاسترا 1200 موديل 2001 لو فيها ماف تالف وسجلت كود الماف عالكنترول لمبه الاعطال بتنور لاكن مش بتتكتم اوي زي موديل 2000 والكورسا 1000 عشان الكنترول بيضيف فكتور بالزياده او النقصان لل fuel trim يعوض بيها خلل الماف و لو سعادتك روحت مسكت كود الماف الكنترول هيشيل الفاكتور دا وهيصفر ال fuel trim وهتحس بأعراض الماف بفا و متلومش الا نفسك ساعتها ... المختصر متمسحش كود الماف لو مش هتغيرو.

بالنسبه للاسعار اللي انا كتبتها دي اسعار منصور لكن زمان لغليه سنه 2008 بعد كدا سبت التوكيل ومعنديش فكره عن الاستيراد.

معلش يا جماعة سؤال هو دة موجود في فكترا 1600 مانيوال موتور منصور الاسود