الموضوع: سلانسيه النوبيرا على الغيار الاوول ولا التانى

خلاص علشان تحافظ على الاول والتانى يبقى امشى على الخامس وبكده لا الاول ولا التانى ولا الماتور هتلاقيه الكلام ده ذى ما قلك الاستاذ ممدوح

الوقتى احنا لما بنغير من الاول الى التانى مش المفروض ان rpm بيكون على 20
انا على السلانسيه باكون اقل من كده بك

المهم
انت يا استاذ ممدوح تنصحنى ان فى السلانسيه امشى على الاول ولا التانى
مع العلم ان لما بمشى على التانى سلانسيه واشد او ازود بنزين بحس ان العربية صوتها بيعلى زى متكون بتكركر

المشاركة الأصلية كتبت بواسطة MMamdouh

اولا مينفعش كلمة سلانسية تيجى فى نفس الجملة اللى فيها اى نقلة لان باختصار سلانسية يعنى دوران بدون حمل... لفات الموتور عند 850 و الفتيس فى المور... حلو الكلام؟

انا مقدرش انصح بحاجة لانى مش انا اللى سايق ولا انا اللى شايف ظروف الطريق و بالتالى احسن واحد يحكم فى الموضوع دة هو اللى قاعد ورا الدكسيون

الكركرة و كدة محتاجة تضبيط من رجلك... متتوقعش العربية تتجاوب معاك بسلاسة لما تكبسلها و انت على التانى و الRPM على 900 او 950 لفة... واحدة واحدة

MMamdouh

كلام ميه ميه و أنا شخصيا بمشي هادي علي الجير التاني عادي جدا و لما بزود بزود تدريجي

انا متفق معاك بدليل المطبات
فيه مطبات بتتاخد على الاول
وفيه مطبات بتتاخد على التانى وهنا بقى لما انا بطلع باطلع تدريجى جدا بحيث ان العربية مبتكركرش ولا بتبطل ولا صوتها يعلى
واحيان باكبس شوية لما الجو بيبقى زحمة وهنا ممكن صوت العربية يعلى او تنتش او تكركر


لكن كل اللى انا كنت اقصدة هو اختيار الغيار المناسب اللى ميضرش الغربية

الخلاصة زى ما حضرتك قلت اللى بيحكم الموضوع ده حالة الشارع او الظروف اللى انا ماشى فيها
والخلاصة بردة ان استعمال الاول او التانى مفيهاش ضرر المهم الظروف اللى انا ماشى فيها هيا اللى بتحكم
وشكرا على الردود

المشي على الأول أو التاني كتير مبيعملش أي حاجة ، كان ممكن في العربيات القديمة تضطر تمشي على التاني لكن الأول لأ علشان العربيات القديمة بتسخن ، لكن كل الجديد عادي ، ده انت ممكن كمان تمشي في طرق فيها مطبات تخليك تمشي على الأول ودايس دبرياج علشان تعدي عليها بأقل سرعة ممكنة وكل ده عادي مبيأثرش على اي حاجة

هوه ده فعلا اللى انا قصدى عليه
انا كنت خايف لانى بامشى فى طرق طويلة كلها اعمال حفر فكنت باضطر امشى بشويش قوى وكنت محتار امشى على الاول وابوظه زى ما سمعت ولا اومشى على التانى وده سمعت انه بسضعف عزم الموتور لانى كنت حاولت امشى هادى جدا عليه

لكن طالما المشى على الأول وفقا لظروف الطريق لا يضر فكده الحمد لله انا وصلت للى انا محتاجه
وشكرا مرة تانية على ردود ومشاركات الجميع