يا جماعه الحقوني انا واقع في كارثه
السلام عليكم ورحمه الله وبركاته وكل عام وانتم بخير
انا يا رجاله كنت عامل حادثه بعربيتي الشيفورليه سبارك 2011 وكنت لسه معملتش غير 2500 كيلو علي العموم الكلام ده من سنه تقريبا والحمد لله وقدر الله ما شاء فعل وانا صلحتها ورجعت زي الفل علي العموم هو الي كان فيها ان العفشه كلها من تحت اخترشمت وادمرت فخالي خدها الشرقيه واعدت هناك شهرين وصلحها علي مزاج وطبطها وانا مرضتش اعملها في التوكيل علشان كان هيدبحني دبح في السعر فخالي كان بيقول ان هو جاب العفشه حاجات جديده وحاجات استيراد يعني المقصات كانت جديده وفي حاجات كانت استيراد بس انا الشهاده لله انها من ساعت ما استلمتها بعد ما اتصلحت العربيه والعفشه زي الفل ...
فاستفساري يا رجاله هل الحاجات الاستيراد ديه بتبقي كويسه ولا نص عمر ؟؟يعني كمان شويه هلاقي العفشه باظت وشخللت ولا اه ؟؟
وشكرا ليكم يا رجاله واسف علي الاطاله والرغي وكل عام وانتم بخير...
