حد بيربى حيوانات أليفه او غير أليفه

**AHMED_DINAMO** · 22-10-2012 11:14 PM

المشاركة الأصلية كتبت بواسطة abogogo

الحمد لله عندي قطتين جنة

وجودي

ربنا يبارك لي فيهم

تربية الحيوانات الأليفة شيء جميل بس مسئولية لأن الحيوان بيكون متعلق في رقبتك وربنا هيسئلك عنه عشان كدة لازم تكون قد المسئولية أيضاً تختار الحيوان المناسب للمكان المناسب قط

او كلب

"للحراسة" سمك للزينة

بيكون حلو للتأمل وراحة الاعصاب او طيور

... إنما نمر

وثعبان وثعالب

وقرد

مش أليفة حتى لو تم استئناثها بتفضل طبيعة البراري فيها بتغلب التطبع

فعشان كدة مش أمان .... زمان ربيت كلاب وقطط وطيور "عصافير وحمام" وسمك وثعابين وصقور وسحالى وكنت من رواد سوق الجمعة بتاع السيدة عائشة وبحكم ان ساكن في بيت ملك فسطح البيت كان مرتع لأصناف حيوانات من كل صنف ونوع بس الحمدلله مرحلة وعدت :10d5c8w1107: وتقبلوا تحياتي

ربنا يخليهوملك يا باشا وتشوفهم عرايس ان شاء الله
واحبك اجييك على الايموشنزالكتير ال مخليه شكل رد حضرتك رائع ودمه خفيف
ومشكوور على رد حضرتك وانا عارف ان هى بتبئا فترة اهتمام وبعدها بوووف كل ده بيروح
وان شاء الله تعدى بالف سلامه وانا برده كنت من زوار وليس رواد سوق الجمعه وفى مره فكرت اربى تمساح ههههههه كان بيتباع هناك ب 20 جنيه بس

**moody_687** · 22-10-2012 11:23 PM

انا عندى 5 قطط بس مدوخني بقى خاصا الواد مشمش بتاع جواز بريمو قط فظيع وشقي وماشاء الله الخمسة اذكية

**dede_dodo88** · 23-10-2012 12:56 AM

المشاركة الأصلية كتبت بواسطة AHMED_DINAMO

يا باشا تربية الحيوانات دى متعه لوحدها بس انت تراعيها وتخلى بالك منها ومتهملهاش لانك ستحاسب عليها اهم حاجه

ان شاء الله تجيب بس انت ناوى تجيب نوع ايـــــــه ؟؟

هي متعة فعلاً بس مش سهلة و محتاجة مجهود و متابعة..

أنا بحب الretrievers سواء golden أو labrador,, فيوم ما هفكر أجيب تاني هيكون حاجة من الأتنين دول..

و ده صورة اللي كان عندي :(

**ahmedfathi** · 23-10-2012 01:03 AM

انا مربى سمك
عندى حوض كبير فيه سمكتين فان تيل وسمكتين من اللى بيمسحوا الزجاج

**aif** · 23-10-2012 01:11 AM

كنت زمان باربي قطط
دلوقتي بأربي محمود وابراهيم بس ... كفاية قوي
لكن اختي بتربي قطط شيرازي وباحب العب معاهم خصوصا الصغننين
....
واعرف واحد في البلد بيربي براغيت .... بس مش باحب اشوفه خالص
http://www.facebook.com/photo.php?fb...type=3&theater

**AHMED_DINAMO** · 23-10-2012 04:18 AM

المشاركة الأصلية كتبت بواسطة lanos2004

انا بربى نمل -نمل بيتى ونمل اصفر صحراوى

من ده يا باشا بس هو ايه المتعه فى تربيتهم مبتعرفش تلعب معاهم ولا اى حاجه يأكلو وتشوفهم بيتحركو وبس

**AHMED_DINAMO** · 23-10-2012 04:19 AM

المشاركة الأصلية كتبت بواسطة moody_687

انا عندى 5 قطط بس مدوخني بقى خاصا الواد مشمش بتاع جواز بريمو قط فظيع وشقي وماشاء الله الخمسة اذكية

هههههههههههه الله يكرمك انا عندى هنا Toty اليومين دول بتوع جواز مطلعه عينى نونوه وتتقلب على الارض وحاجه ازعاج جداً بس انا منفضلها لحد ما المرحله دى تعدى المره الجايه هجوزها ان شاء الله ربنا يباركلك فيهم يا باشا ويا ريت معلومات اكتر وصور

**AHMED_DINAMO** · 23-10-2012 04:25 AM

المشاركة الأصلية كتبت بواسطة dede_dodo88

هي متعة فعلاً بس مش سهلة و محتاجة مجهود و متابعة..

أنا بحب الretrievers سواء golden أو labrador,, فيوم ما هفكر أجيب تاني هيكون حاجة من الأتنين دول..

و ده صورة اللي كان عندي :(

ما شاء الله لا راح لحاله متزعلش عليه وربنا يكرمك ب Golden او Labrador الاتنين فيهم شبه من بعض لو بعدت عن الاسود فى ال Labrador انا ان شاء الله ناوى اجيب يا Rottweiler يا golden retriever ان شاء الله مع الكلب ال عندى بس شويه كده لما يكبر ده ان شاء الله
وربنا يقدرنا وتراعيهم عشان هنحاسب عليهم وربنا يسترها ان شاء الله

**AHMED_DINAMO** · 23-10-2012 04:32 AM

المشاركة الأصلية كتبت بواسطة ahmedfathi

انا مربى سمك
عندى حوض كبير فيه سمكتين فان تيل وسمكتين من اللى بيمسحوا الزجاج

ربنا يباركلك فيهم يا باشا الفانتيل من اجمل اسماك الزينه بس انا مكنتش بعرف افرخه كنت مربى فانتيل وكوى وجوبى ومولى وانجيل وكات فيش وجولدن وفايتر بس يلا الحمدلله مكنتش فاضيلهم كانو 43 سمكه فطرقتهم وزعتهم على ناس صحابى