ما العمل فى فرع ابورواش

**aftr** · 22-10-2012 07:49 AM

ياجماعه انا عملت صيانه فى فرع جسر السويس كنت اشتكيت دبه يمين وشمال وكان فى مشكله فى انذار الامان وكان المشكله علبه دريكسيون ولوحه عدادات وتم تغير لوحة العدادات ولسه علبه الدريكسيون طبعا كده داخل على 3 شهور مع اتصال بفرع جسر السويس وفرع ابورواش ولسه مفيش حاجه وصلت --- دلوقت ياجماعه كذا واحد عفشجى قال فى مشكله فى المساعدين وبيض المقص ومسمار بيض الميزان وتم تغير بيض المقص لان خارج الضمان اتصلت بفرع جسر السويس قال المساعدين 60 الف كيلو--- اتصلت على مركز خدمه المختار فى فاقوس قال تعاله المساعدين موجوده المهم روحت المهندس جرب طبعا لماشاف ان مكتوب تم الفحص وتبين انه علبه دريكسيون قال المساعدين مفهاش حاجه وروحت المشوار على الفاضى طبعا شوفت الضمان مش مكتوب فى كلمه 60 الف دى خالص اتصلت على فرع ابورواش قال المساعدين 100 الف كيلو او 36 شهر طبعا اتصلت على فرع جسر السويس وكلمت المهندس يوسف قولتله انا كلمت الفرع الرئيسى على المساعدين ازاى حضرتك تقول 60 الف كيلو رد قال انا مقولتش كده وبعدين انته مفيش مشكله فى المساعدين انته عندك مشكله فى علبه الدريكسيون قولتله بس فى مشكله فى المساعدين قال خلاص روح الفرع الرئيسى حجزت الفرع الرئيسى والمعاد 23/10 وطبعا سالت على علبه الدريكسيون مش موجوده طيب ما العمل دلوقت لان ممكن المهندس يقول مفيش مشكله فى المساعدين رئيكم بلاش اوريه بيان الفاتوره اللى مكتوب فيها علبه الدريكسيون المشكله الواحد لسه عامل عملية الغضروف ربنا يعلم المشوار متعب جدا عليه --------وفى نقطه كمان انا لما كلمت الفرع الرئيسى قال علبه الدريكسيون مش موجوده وممكن فى قطعه فى فرع الهرم اتصل عليهم اتصلت على فرع الهرم قال مفيش علبه دريكسيون وقال لما يكون الفرع الرئيسى معندوش علبه دريكسيون انا عندى وقال روح اعمل جنايه هناك وخليهم يطلعو واحد من خط الانتاج انا بصراحه مش عارف اعمل ايه والمعاد بكره اسف ياجماعه طولت عليكم بس بجد مخنوق جدا

**AMRSPEED** · 23-10-2012 12:29 AM

نفس مشكلتك دى عندىوقالولى المساعد سليم بالرغم من ان صوته باين واقوله سامع يقولى عادى اقوله اشمعنى ده يعنى اللى بيعمل صوت يقولى لا المساعد سليم
المهم ريح دماغك وهات مساعدين مونرو الوحد ب 250 جنيه وضمان سنه واشترى نفسك
انا هعمل كده عن نفسى وعندى زيك قطمه الدركسيون + عليه الدركسيون وهما هيغيروهم ضمان بس لسه مش موجودين للأسف
فنصيحه وفر بنزينك وتب اعصابك واشترى مونرو

**aftr** · 23-10-2012 03:31 AM

المشاركة الأصلية كتبت بواسطة amrspeed

نفس مشكلتك دى عندىوقالولى المساعد سليم بالرغم من ان صوته باين واقوله سامع يقولى عادى اقوله اشمعنى ده يعنى اللى بيعمل صوت يقولى لا المساعد سليم
المهم ريح دماغك وهات مساعدين مونرو الوحد ب 250 جنيه وضمان سنه واشترى نفسك
انا هعمل كده عن نفسى وعندى زيك قطمه الدركسيون + عليه الدركسيون وهما هيغيروهم ضمان بس لسه مش موجودين للأسف
فنصيحه وفر بنزينك وتب اعصابك واشترى مونرو

المشكله اللى تجنن الواحد ان المهندس يحسسك انه بيدفع من جيبه بس انا مش هسيب حقى

**aftr** · 23-10-2012 04:02 AM

طبعا المفروض ان معاد الصيانه النهارده قولت سبحان الله حاجه كده قالت اتصل وشوف الحجز وبالمره تاكيد على قطع الغيار كلمت قسم قطع الغيار قال ولا مساعدين ولا علبه دريكسيون موجوده طيب ازاى فرع رئيسى ومفيش قطع غيار المهم خد تهزيق بعينه فى التليفون قال انا زنبى ايه قال انا هحولك للمهندس المهم كلمت المهندس حكيت على المشاكل اللى فى العربيه وان بناء على كده حجزت فى ابورواش طيب يابشمهندس ازاى مفيش قطع غيار وازاى انا جاى اغير علبه دريكسيون ومساعدين طيب معنى كده انا بلاش اجى خالص قال مين قال ان عندك مشكله فى علبه الدريكسيون قولت فرع جسر السويس قال مليش دعوه قولته ازاى حضرتك مش ده سستم واحد قال لازم اشوف العربيه حسسسنى انه رئيس جمهوريه قولتله حضرتك انا عامل عمليه وربنا يعلم المشوار عامل ازاى قال بكل برود خلاص خليك مع جسر السويس حل مشكلتك طبعا انا كنت ماسك نفس بالعافيه
طبعا قفلت التليفون اتصلت على فرع جسر السويس وهاتك ياتهزيق حولونى للمهندس يوسف خد اللى فى النصيب كلمنى بكل برود معقوله لسه مغيرتش علبه الدريكسيون قولته انا حاجز من شهر فى ابو رواش وفى الاخر مش موجود ولا مساعدين ولا علبه دريكسيون قال خد الرقم ده الشكاوى 19227 مرفوع مؤقت من الخدمه قولت لا
اتصل على المركز الرئيسى انسه ردت عليه وحكيت كل المشاكل وانا بقالى 3 شهور قالت اتفضل الرقم ده موجود فى قطع غيار m11 فى شارع دمشق انا سمعت كده جالى حالت زهول حضرتك انا فى الضمان سمعت كلمه الضمان لقيت صوتها راح وازاى قطع الغيار موجوده عند تاجر ومش موجوده عند التوكيل انتو بتبيعو قطع الغيار للتجار وخدت اللى فى النصيب حضرتك انا كنت بحاول احل مشكلتك ومعرفش ان حضرتك فى الضمان قالت اتفضل الارقام دى ولو المشكله ماتحلتش كلمنى تانى قولتها المشكله لو ماتحلتش انا هفضحكم فى كل المنتديات قالت يافندم انا كنت بحاول احل المشكله طبعا اخدت الارقام كلمنى مهندس احمد حكيت على حاجه حصلت معايه خد الاسم ورقم الشاسيه والماتور وانا فى الانتظار بعد العيد ولازم اخد حقى من الاشكال دى واسف ياجماعه طولت عليكم الحديث

**nono2030** · 23-10-2012 08:55 PM

انا متابعك باهتمام وعاوز اعرف نهاية القصة دى عشان انا خايف اجيب العربية دى من التوكيل ولو معملوش معاك حاجة بلغ حماية المستهلك ومتسبش حقك وربنا يستر ان شاء الله

**ibn_seena** · 23-10-2012 09:59 PM

اسوأ توكيل ومش انت بس على فكرة
ده شغل حلنجيه وقلة ادب عيني عينك. ..
اعمل اللي تقدر عليه. المهم ما تسيبش حقك

**hugan** · 23-10-2012 10:13 PM

قطع الغيار اكيد موجوده لكن شغالين نظام زحلقه
عايزين تروح لهم التوكيل وتعمل خناقه وتسيب العربيه امام باب التوكيل وقلهم اطلبوا لي البوليس
انا مش هاتحرك من هنا
وقولي بعد كده النتيجه

**aftr** · 24-10-2012 04:59 AM

المشاركة الأصلية كتبت بواسطة nono2030

انا متابعك باهتمام وعاوز اعرف نهاية القصة دى عشان انا خايف اجيب العربية دى من التوكيل ولو معملوش معاك حاجة بلغ حماية المستهلك ومتسبش حقك وربنا يستر ان شاء الله

بصراحه العربيه ممتازه وكمان توكيل ابو الفتوح افضل من توكيلات اخرى انا غيرت لوحه عدادت وكان اقل من اسبوع بس مش عارف ليه حوار علبه الدريكسيون طول ليه كده بس مش هسيب حقى لان كل الصيانات فى التوكيل وشكرا للمتابعه

**aftr** · 24-10-2012 05:06 AM

المشاركة الأصلية كتبت بواسطة ibn_seena

اسوأ توكيل ومش انت بس على فكرة
ده شغل حلنجيه وقلة ادب عيني عينك. ..
اعمل اللي تقدر عليه. المهم ما تسيبش حقك

كلها بعد العيد واللى فى النصيب يقدمو ربنا خلاص الاشكال دى اخرها قرب معايه ياراجل شوفت النصب وصل لحد ايه قربه الميه 125 + 175 تركيب قولت لا حضرتك ياريت قربه الميه تكون فى الشنطه مش مهم تركيب روحت ركبتها 40 جنيه بالمياه عند بتاع الردياتير