عاوز مقارنه بين 405 و 406

السلام عليكم
بفكر اشترى عربيه لكى تحل محل العظيمه (كورولا 1978) اللى بدأت تعلن عن تهالكها
(بقول العظيمه لأنها لفت بيا ارجاء المحروسه فى مشاوير و سفر و مطلع عينها فى فرك و حرق على الغيارات عمرها ماخذلتنى)
فانا طلباتى كالااتى
- شكل مقبول او جميل
- واسعه و مريحه من الداخل
- سريعه و الاهم ثبات على السرعات العاليه
- اعتمااديه علشان انا بسافر كتير
- اقتصاديه فى البنزين (و ياسلام لو ينفع تاخد بنزين 80 كمان)
- موتور قوى و سهله الصيانه
- اعطالها قليله و اى ميكانيكي يفهم فيها
- موديل اعلى من 2000 (اتعقدت من القديم اوى )
- سعر فى حدود 50 الى 65 الف او اعلى بحاجه بسيطه

بصراحه انا كنت بفكر فى هوندا سيفيك بس كتير عقدونى منها علشان واطيه اوى على المطبات - و انا بطبعى بحب اركب ماركات حتى لو كانت قديمه - يعنى ماحدش يقولى هيونداى و لا اى حاجه كورى
ففكرت فى الوحش الفرنسى و طبعا انا متربى عليها لأن والدى عليه رحمة الله معاه 504
فتقريبا المواصفات اللى بقولها لاقيتها فى الموديلين دول 405 و 406

لكن 405 كنت بسمع ان فيه مشاكل (بالذات سخونه الموتور) لأنه بقى تصنيع ايرانى
و كمان 405 لاقيت فيها اسعار غريبه - يعنى واحد منزل اعلان عن عربيته موديل 2007 ب 40 الف ؟؟؟
و كمان لما بصيت فى الويكيبيديا مكتوب ان 405 اتوقف تصنيعها من 1995 ؟؟

و فيه حد قالى ان مشكله البيجو دلوقتى ان تكنلوجيتها متقدمه و ماحدش بيفهم فيها حتى فى التوكيل و بالتالى الطلب عليها قل
فنصيحتكم ايه
و ياريت حد يقولى متوسط اسعار العربيتين دول

بيجو 405 .. قطع الغيار سعرها متوسط ما عدا بعض الاجزاء وموجودة في السوق كتير ثابته على السرعات العالية صالونها واسع وانصحك لو هتجبها تجيب موتور 1600 علشان قطع غياره متوفرة في السوق الاعلى من كده حاجاته قليلة وكمان هاتها مانوال علشان الاوتوماتيك في مشكلة .. وبالنسبة لموضوع السخنية ده لو دايرة التبريد بتاعتها مظبوطه العربية مش هتعدي درجة حرارتها 70 ومعاك لحد موديل 2002 دي الكويسة فوق كده بلاش تجبها علشان هتبقى تجميع ايراني انما الي اقل من كده ده وجيه اباظة ومش بيفرق كتير عن الفرنساوي وكمان ممكن تحطلها بنزين 80 واستهلاك البنزين 20 لتر للصفيحه وممكن اقل من 20 كمان

بيجو 406 .. جباااارة موتورها غبييي بس فيها مشكلة كبيرة ان فتيسها في عيب وكل شويه تغيره اسعار قطع غيارها نااااااااااار شكلها فخم جدا وثابته على الطريق ومش اي حد يقدر يحط ايده فيها وفي منها نوعين نوع قبل سنة 2000 ده الشكل القديم موتور 2000 سي سي كان بينزل في اواخر العربيات ال 405 ونوع بعد سنة 2000 ده الشكل الجديد

سعر البيجو 405 يتراوح ما بين 35 الى 45 حسب الحالة والموديل
سعر البيجو 406 يتراوح ما بين 59وال 68 حسب الحالة والموديل

انا معايا 405 موتور 1600 مش عايز اقولك بعمل بيه ايه .. بس اهم حاجة لو هتجيب دي او دي لازم تروح لميكانيكي بيفهم في البيجو علشان لو رحت لاي حد ممكن يبوظلك فيها حاجة ..

اقتباس:

---

المشاركة الأصلية كتبت بواسطة hatemhagag

بيجو 405 .. قطع الغيار سعرها متوسط ما عدا بعض الاجزاء وموجودة في السوق كتير ثابته على السرعات العالية صالونها واسع وانصحك لو هتجبها تجيب موتور 1600 علشان قطع غياره متوفرة في السوق الاعلى من كده حاجاته قليلة وكمان هاتها مانوال علشان الاوتوماتيك في مشكلة .. وبالنسبة لموضوع السخنية ده لو دايرة التبريد بتاعتها مظبوطه العربية مش هتعدي درجة حرارتها 70 ومعاك لحد موديل 2002 دي الكويسة فوق كده بلاش تجبها علشان هتبقى تجميع ايراني انما الي اقل من كده ده وجيه اباظة ومش بيفرق كتير عن الفرنساوي وكمان ممكن تحطلها بنزين 80 واستهلاك البنزين 20 لتر للصفيحه وممكن اقل من 20 كمان

---

الف شكر ياباشا
بس هى العربيه دى كربراتير و لا انجكشن ؟؟؟
و ازاى استهلاك البنزين 20 لتر للصفيحه -- الصفيحه = 20 لتر :w6266d
يتهيألى حضرتك تقصد 200 كيلو للصفيحه ؟؟
و حضرتك تقصد ايه بدائره التبريد ... مش التبريد ريداتير و مروحه بثرموسات و لا مروحه على السير و لا هى فيها مكونات اضافيه ؟؟

اقتباس:

---

المشاركة الأصلية كتبت بواسطة hatemhagag

بيجو 406 .. جباااارة موتورها غبييي بس فيها مشكلة كبيرة ان فتيسها في عيب وكل شويه تغيره اسعار قطع غيارها نااااااااااار شكلها فخم جدا وثابته على الطريق ومش اي حد يقدر يحط ايده فيها

---

مشكلة الفيتيس دى اتحلت فى موديلات معينه و لا موجوده فى كل الموديلات

اقتباس:

---

المشاركة الأصلية كتبت بواسطة hatemhagag

سعر البيجو 405 يتراوح ما بين 35 الى 45 حسب الحالة والموديل
سعر البيجو 406 يتراوح ما بين 59وال 68 حسب الحالة والموديل

انا معايا 405 موتور 1600 مش عايز اقولك بعمل بيه ايه .. بس اهم حاجة لو هتجيب دي او دي لازم تروح لميكانيكي بيفهم في البيجو علشان لو رحت لاي حد ممكن يبوظلك فيها حاجة ..

---

موضوع ان مش اى حد يقدر يحط ايديه فيها دى حتبقى مشكله بالنسبالى
لأنى انا مش بحب اروح للميكانيكي اللى فى الشارع اللى جنبى اصلا :) و صيانه عربيتي بعملها تقريبا بنفسى - فكده العربيه دى حتجبرنى انى اروح لمركز متخصص فيها
طيب حضرتك تعرف مركز ليها قريب من منطقه النعام عين شمس ؟؟

بس كلامك بيقنعنى بال 405 اوى
رغم انى معجب جداا بفخامة 406 بس شكلها فخامه بس مقابل حنفية فلوس

ممعلش غلط مطبعي 200 كيلو للصفيحة .. وكل ال 406 فيها مشكلة الفتيس معادا الفتيس المانوال .. واحسن ناس بتشتغل في العربيات دي وفاهمينها في عابدين .. دورة التبريد المراوح والثرموستات والكتاوتات يكونوا كويسين وواخد هوا للريديراتير انسى انها تسخن

406 الشكل الجديد في منها موديل من اواخر سنه 2003 متعدل موتور وفتيس جديد بخلاف الموجود في ما قبل 2003

المشاكل اللي بتيجي من الفتيس اغلبها من وجهه نظري من سوء الاستخدام وعدم اتباع القواعد السليمه للصيانه

406 عربيه محترمه لابعد الحدود لاكن اهم حاجه تقع في عربيه خالتها كويسه

معايا ٤٠٥ برستيج و دي ٢٠٠٠ سيسي و اوتوماتيك موديل ٩٧ و كنت جايبها ب٤٣ الف من سنة عملت فيهم عشرين الف كيلو. قطع غيارها كتير في كل حتة. تقدر تقول هي ٤٠٥ بتاعة الزمن ده. وكالة البلح مليانة قطع غيارها بس أنا بتعامل مع محمد تايسون و هو شغال في محل هناك عند واحد مهندس علي المعاش بس بيعتبر تايسون من العيلة وهما ناس اسعارهم كويسة لدرجة انني مابقتش بفاصل معاهم خالص. العربية حاجتها رخيصة و بتعمر مثلا جوز المساعدين ادام ٣٠٠، دنجل ورأ بالسكاكين عمود العزم ب ٣٠٠ و لو اخدت المساعدين يبقوا ب ٥٠٠ علي بعض، فانوس إشارة خلفي بالخريطة ١٧٥، قعدة موتور بالكاوتشة ٧٥ جنية، و هكذا.

من خلال كلامكم فهمت ان
- 406 عربية بشوات - قطع غيار غاليه - فيها مشكله فى فيتيس الاوتوماتيك (يقال انها اتحلت فى موديل 2004 و 2003 )
- 405 عربيه اقتصاديه - قطع غيار رخيصه - مافيهاش مشاكل مشهوره

انا اصلى مشكلتى انى فضلت 5 سنين بعربيه قديمه شكلا و امكانياتها حلوه لدرجه انى مركبلها تكييف و شغاله حلو - فطبعا كنت بتهرى عليها تريقه و لا كأنى راكب 126
فعلشان كده موضوع الفخامه مهم بالنسبالى علشان اعوض الكبت اللى عندى :36_1_1[1]:
بس فعلا اللى مخوفى من 406 موضوع الفتيس ده رغم انى قريت ان المشكله كانت فى الاوتوماتيك فقط - لكن لما ببص على النت بلاقى ان كل اللى بيبيع 406 بيبقى فتيسها اوتوماتيك
ياريت حد يأكدلنا ان مشكله الفتيس الاوتوماتيك اتحلت فى موديلات 2003 و 2004 عن تجربه شخصيه

406 قطع غيارها مش غاليه علي فكره

ياريت تراجع الموضوعين دول

http://www.nilemotors.net/Nile/297740-406.html

http://www.nilemotors.net/Nile/306918-406.html

طبعا ما شاء الله على حسن اختيار حضرتك لاقتناء البيجو بصفة عامة وبالأخص أفضل موديلين في الحديث نسبيا 405 و406
بالنسبة لبيجو405 الفرنساوي ابتدت من 1987 تقريبا وحتى 1994 وده الفرنساوي made in France
ومواتيرها 1400 و1600 و2000 وموجود منها 6 سلندر كمان. بس اللي في مصر 1600 و2000
من 1995 وجيه اباظة خد الترخيص للانتاج ولغاية 2004 ومواتير 1600 مانيوال
أما البرستيج فهي فرنساوي واغلبها اوتو 2000cc
بصفة عامة عربيات قوية محترمة ثابتة في الجري والسفر وعالية عن الأرض قطع الغيار متنشرة جدا وسعرها معقول
الإيراني من 2007 ومواتيره 1600 مانيوال دفع خلفي وقلته أحسن ومش هتكلم عليه بتاتا لأنه مش مستاهل.
أما بيجو 406 فبدأت الفرنساوي منها من نهاية انتاج 405 يعني من 1995 بس اللي في مصر من 1997 وهو ده الشكل القديم ومواتيره اللموجودة 1600 و 2000 مانيوال واوتو، وعربيات كويسة، من 2001 بدأ الشكل الجديد أو الكريستالة كما يقال لشفافية كبر حجم الفانوس الأمامي، او أم فانوس خلفي مقسوم ودي أغلبها مصري وجيه أباظة وحتى 2006، أحسن موديلات 2004-2005-2006 أم موتور فضي أو الأبيض، ومرايات ضم وتعتيم وحساسات نور ومطر وهي دي العربيات الصح وموتورها 136 حصان بعزم 190 نيوتن تقريبا
بصفة عامة أي بيجو تشتريه أوتوماتيك لازم يكون إما كيلو متر قليل جدا أو صاحبها مضمون وبيغرلها الزيت الأبيض الغالي عشان الفيتيس يفضل سليم
زيت فيتيس الأوتو في 406 تمنه 1300ج.م تقريبا يتغير كل 60000كم كحد أقصى، محدش عمل كده لما اشتروا العربيات دي أوائل الالفينات وبالتالي معظم الفيتيسات باظت، والحكاية مش عيب تصنيع والكلام ده أكيد، ولو عاوز تتأكد هتلاقي الأوكتافيا فيها نفس القصة دي والميجان، معقولة كل دول مش عارفين يعملو فتيس اوتو ميعطلش؟؟
ده كل مافي الأمر أنا دوشتك وطولت عليك بس أنصحك لو هتشتري 406 خليك في آخر 3 سنين وتكون فابريقة وصيانتها في مركز محترم وتكشف كويس على بلوف الفيتيس.
ولو 405 أي حاجة حالتها حلوة وتكشف برضه عليها كويس وتبقى زي الفل طالما بعيد عن الإيراني والخوميني ونجاد
وبالتوفيق

اقتباس:

---

المشاركة الأصلية كتبت بواسطة benmatar

طبعا ما شاء الله على حسن اختيار حضرتك لاقتناء البيجو بصفة عامة وبالأخص أفضل موديلين في الحديث نسبيا 405 و406
بالنسبة لبيجو405 الفرنساوي ابتدت من 1987 تقريبا وحتى 1994 وده الفرنساوي made in France
ومواتيرها 1400 و1600 و2000 وموجود منها 6 سلندر كمان. بس اللي في مصر 1600 و2000
من 1995 وجيه اباظة خد الترخيص للانتاج ولغاية 2004 ومواتير 1600 مانيوال
أما البرستيج فهي فرنساوي واغلبها اوتو 2000cc
بصفة عامة عربيات قوية محترمة ثابتة في الجري والسفر وعالية عن الأرض قطع الغيار متنشرة جدا وسعرها معقول
الإيراني من 2007 ومواتيره 1600 مانيوال دفع خلفي وقلته أحسن ومش هتكلم عليه بتاتا لأنه مش مستاهل.
أما بيجو 406 فبدأت الفرنساوي منها من نهاية انتاج 405 يعني من 1995 بس اللي في مصر من 1997 وهو ده الشكل القديم ومواتيره اللموجودة 1600 و 2000 مانيوال واوتو، وعربيات كويسة، من 2001 بدأ الشكل الجديد أو الكريستالة كما يقال لشفافية كبر حجم الفانوس الأمامي، او أم فانوس خلفي مقسوم ودي أغلبها مصري وجيه أباظة وحتى 2006، أحسن موديلات 2004-2005-2006 أم موتور فضي أو الأبيض، ومرايات ضم وتعتيم وحساسات نور ومطر وهي دي العربيات الصح وموتورها 136 حصان بعزم 190 نيوتن تقريبا
بصفة عامة أي بيجو تشتريه أوتوماتيك لازم يكون إما كيلو متر قليل جدا أو صاحبها مضمون وبيغرلها الزيت الأبيض الغالي عشان الفيتيس يفضل سليم
زيت فيتيس الأوتو في 406 تمنه 1300ج.م تقريبا يتغير كل 60000كم كحد أقصى، محدش عمل كده لما اشتروا العربيات دي أوائل الالفينات وبالتالي معظم الفيتيسات باظت، والحكاية مش عيب تصنيع والكلام ده أكيد، ولو عاوز تتأكد هتلاقي الأوكتافيا فيها نفس القصة دي والميجان، معقولة كل دول مش عارفين يعملو فتيس اوتو ميعطلش؟؟
ده كل مافي الأمر أنا دوشتك وطولت عليك بس أنصحك لو هتشتري 406 خليك في آخر 3 سنين وتكون فابريقة وصيانتها في مركز محترم وتكشف كويس على بلوف الفيتيس.
ولو 405 أي حاجة حالتها حلوة وتكشف برضه عليها كويس وتبقى زي الفل طالما بعيد عن الإيراني والخوميني ونجاد
وبالتوفيق

---

الف شكر ياباشا على الافاده الجامده دى
انا استقريت بإذن الله انى حبقى اشترى 405 موديل بين 2000 و 2004 (عارف انها حتبقى تقفيل مصرى بس الفرنساوى حيبقى موديل قديم اوى و ابقى برضه بعدت عن الايرانى )
و اخليها معايا سنتين تلاته و بعد كده ابيعها و اجيب 406 مو 2003 او 2004

طبعا سبب الحركه دى هو شويه ارتباطات ماديه اللى مانعانى انى اجيب 406 على طول - ده انا حتى علشان اشترى 405 حكون فلوسها بعد 10 اشهر او سنه تقريبا


معلشى بقى اصلى بوضب فى شقه و صنايعيه مصر فلسونى :unhappy:
و معلشى انا بسأل عليها بدرى اوى بس علشان لما اشترى عربيه ابقى دارس كل حاجه فيها
ويارب اقدر اجيب 406 مره واحده لأن بصراحه منظرها شيك و ليها طله زى مابيقولو - انا الناهرده و انا رايح الشغل شفت واحده و انا سايق و تأملت فيها و كنت حعمل حادثه بسببها

ربنا يعينك ويقويك

وتحت امرك في اي حاجه