رابطة مالكي ال f0

اخواني الكرام اعضاء المنتدى المحترمين
حبيت اعمل بمشاركتكم موضوع جديد و مهم يجمع كل التجارب و الخبرات و المشاكل الخاصة بالعسوله F0
و ده ناتج عن اقتناعي الشخصي ان العربيه دى مظلومه بس هتكسر الدنيا انشاء الله لعدة اسباب:
- البلد بقت مش مستحمله عربيات كبيره و الاتجاه في بلدان متقدمه زي ايطاليا و غيرها نحو ركوب سيارة المدينة العمليه ذات الحجم الصغير و استهلاك البنزين المنخفض و قطع الغيار الرخيصه مقارنة بان سعر العربية متدني و في المتناول.
- في حالة رفع الدعم عن السيارات فئة 1600 cc و تطبيق نظام الكوبونات الفاشل اعتقد ان الحل البديل هو التحويل الى الغاز او امتلاك سياره مدنيه ذات استهلاك منخفض.

انا حجزت السيارة و انشاء الله هستلمها قريب و حبيت أخد المبادرة و حاسس انها احسن بكتير من الاسبيرانزا ال 1300 cc و انها فعلا عسوله و شيك من جوه و بره.

المهم نتشارك الخبرات و المشاكل و فعلا ربنا يهدى التوكيل لأن معاه كنز على بابا و هو مش حاسس فلازم يتقدم و يبطل استهتار او شركه اخرى تسحب منه التوكيل زي ما حصل مع الرواس و غيره.

الأهم من عمل الرابطة هو عمل موضوعات عن السيارة وأدائها ومميزاتها وعيوبها ووووو إلخ .. لأن ملاكها قليلين وحتى مبيدخلوش يعملوا مشاركات عنها .

اقتباس:

---

المشاركة الأصلية كتبت بواسطة ziabassem

الأهم من عمل الرابطة هو عمل موضوعات عن السيارة وأدائها ومميزاتها وعيوبها ووووو إلخ .. لأن ملاكها قليلين وحتى مبيدخلوش يعملوا مشاركات عنها .

---

علشان كده انا قولت نبتدي نجمع بعض و نتشارك بمعلومات عن واقع تجربه و مش مجرد نقل اخبار عن النت.
العربيه دي مسمعه في الصين جامد بين الشباب و التاكسي و حتى الشرطه !!!
و مش بس كده كمان دي مسمعه جامد في روسيا - شيلي - كوستاريكا - فيتنام - كوبا - الارجنتين.
و اسيبكم مع الرابط ده من العراق:
BydF0 180km/h.mp4 - YouTube

www.carnewschina.com/2012/01/27/byd-f0-police-car-from-china

مشكلة العربية دى انها نزلت قبل كده ثم توقف نزولها فترة كبيرة وده عمل قلق عند الناس من تكرار مشكلة الفلاير وحتى الشركة بتاعتها مش مهتمة بيها يعنى لما عملت اعلان فى اهرام الجمعة كانت عن ال f3 بس لو بقارها بالاسبرانزا يبقى من وجهة نظرى اللى تحتمل طبعا الخطا اكيد اسبرانزا 1300 cc عربية منتشرة قطع غيار فى كل مكان اعادة بيع كويسة وفرق السعر بينهم مش كبير

شكرا على طريقة التفكير فى city car بدلا من سيارة كبيرة واوربا بالكامل عندها هذا الاتجاه ومن زمن طويل وليس من عهد قريب كنت فى فرنسا عام 1983 ووجدت ان معظم الاطباء الاساتذة يحضرون الى المستشفى بسيارات صغيرة مثل الرينو 4 والستروين دو شيفو والتروا شيفو ولكن كل منهم يقتنى سيارة كبيرة للويك اند ووقتها السيارة الكبيرة كانت البيجو 504
احد الاساتذة نزل سياحة لمصر اثناء تواجدى فى فرنسا وعندما عاد قال لى لم اعرف ان المصريين اغنياء لهذه الدرجة السيارات البيجو 504 تملا القاهرة والاقاليم كان يقولها بروح النقد وفسرت له ان الطرق ليست جيدة ونظام العفشة فى ال 504 تسمح بقيادة مريحة ولكنه قال لى فى القاهرة الطرق جيدة ولا ارى سوى راكب واحد داخل السيارة يذهب الى عمله لماذا هذا التبذير وفى النهاية اعترفت له ان مايحدث هو ثقافة شعوب ولذلك الان اقول ان الشعب المصرى فى طريقه للنضج الفكرى والواقعى وشكرا لاختيارك هذه السيارة

اقتباس:

---

المشاركة الأصلية كتبت بواسطة aboomar22

مشكلة العربية دى انها نزلت قبل كده ثم توقف نزولها فترة كبيرة وده عمل قلق عند الناس من تكرار مشكلة الفلاير وحتى الشركة بتاعتها مش مهتمة بيها يعنى لما عملت اعلان فى اهرام الجمعة كانت عن ال f3 بس لو بقارها بالاسبرانزا يبقى من وجهة نظرى اللى تحتمل طبعا الخطا اكيد اسبرانزا 1300 cc عربية منتشرة قطع غيار فى كل مكان اعادة بيع كويسة وفرق السعر بينهم مش كبير

---

الشركة ابتدت فعلا تهتم بيها و نزلت اعلان نص صفحة في ملحق اهرام الجمعة قبل اللي فاتت و مش بس كده انت كنت في فرع القطاميه و الاستاذ عمرو مدير المبيعات اكد ان الشحنة اللي جايه من الصين خلال شهرين كلها f0 وبس.
انا مع حضرتك 100 في 100 ان الاسبيرانزا منتشرة اكتر بس احب افكرك ان ال f3 كانت مغامره و مصدر تريقه لكل من اشتراها و يوم بعد يوم اثبتت و جودها و سمعت جامد اوي من غير اي اعلان و بسم الله ما شاء الله بقى في منها اكتر من 10.000 عربيه ماشيه في مصر اجره و ملاكي.
السوق مفتوح و الحلو بيبان و الوحش بيبان بالتجربه, يمكن الغلطه الوحيد اللى ارتكبتها الشركه في حق العربيه دي انا نزلت منها كميه و بعدين شدو الغطا و ناموا نومة اهل الكهف.

اقتباس:

---

المشاركة الأصلية كتبت بواسطة elmanahry

شكرا على طريقة التفكير فى city car بدلا من سيارة كبيرة واوربا بالكامل عندها هذا الاتجاه ومن زمن طويل وليس من عهد قريب كنت فى فرنسا عام 1983 ووجدت ان معظم الاطباء الاساتذة يحضرون الى المستشفى بسيارات صغيرة مثل الرينو 4 والستروين دو شيفو والتروا شيفو ولكن كل منهم يقتنى سيارة كبيرة للويك اند ووقتها السيارة الكبيرة كانت البيجو 504
احد الاساتذة نزل سياحة لمصر اثناء تواجدى فى فرنسا وعندما عاد قال لى لم اعرف ان المصريين اغنياء لهذه الدرجة السيارات البيجو 504 تملا القاهرة والاقاليم كان يقولها بروح النقد وفسرت له ان الطرق ليست جيدة ونظام العفشة فى ال 504 تسمح بقيادة مريحة ولكنه قال لى فى القاهرة الطرق جيدة ولا ارى سوى راكب واحد داخل السيارة يذهب الى عمله لماذا هذا التبذير وفى النهاية اعترفت له ان مايحدث هو ثقافة شعوب ولذلك الان اقول ان الشعب المصرى فى طريقه للنضج الفكرى والواقعى وشكرا لاختيارك هذه السيارة

---

و الله يا فندم انا بفكر فعلا بفكر City Car و شايف الموضوع من وجهة نظر غربية بحته و ده بعد بحث طويل.
و زي ما بيقول المثل " الواحد ليه اكل والا بحلقه ؟ "
اكون عملي و مستمتع بسياره مكيفه و ناعمه و موفره و الا اكون مبذر من غير ما اكون حاسس او شايف او حتى مقتنع؟
في الخارج بيستعملوا ال City Car طول الاسبوع و لو يمتلك سياره سيدان لا يستخدمها غير في الويك اند او السفر و في اضيق الحدود... مش بخل بس ترشيد و وعي.
يمكن سيادتك تستغرب بس انا ربنا كريم معايا و الحمد لله ركبت شويه عربيات كويسه زي مازدا 929 هارد توب و تويوتا ياريس 2009 و هوندا اكورد 1991 بس فعلا اكتشفت ان العربيات دي مش بتاعة بلدنا او على الاقل القاهرة.
انا بشكر حضرتك على و عيك و تفهمك و حضرتك طمنتني اني بفكر صح لان الناس اللي حواليا مش مقتنعين بوجهة نظري .
بجد تعليق سيادتك زود ثقتي و يا رب يجعلها ركوبه طيبه.

مفيش أدنى شك أن طريقة تفكيرك صحيحة مليون في المية .. على الأقل إن مكنش لتوفير البنزين حيكون في سهولة الركن والمناورة في الزحام .

فيما سبق كتبت للاستاذ باسم انى سافرت من الجزائر الى المغرب فى سيارة رينو 4 ومعى ثلاثة اطباء فرنسيين ولم تكن سيارتى وكنا نطلع بها جبال وننزل وديان سافرنا من ولايى تييرت الى بلدة مغنية بالمغرب بصفيحة بنزين وتبقى جزء من صفيحة البنزين قبل ان نقف على محطة لتفويل السيارة
قالت لى قريبة تسكن فى مدينة المنيا نحن نقبض المرتب اول الشهر نفول السيارة الاوكا الروسى ونلف طوال الشهر الى ان ياتى اخر الشهر فهذا ميزة عظيمة فى ال city car
اما موضوع سير الكاتينة جنزير حديد اثار فى الاستعجاب الى ان قرات على احد المواقع ان هذا اصبح موضه فى فى سيارات ذات اسماء كبيرة

اخواني الكرام
الحمد لله انضممت بالامس لرابطة مالكي ال f0 و ربنا يكرمني بيها و يجعلها ركوبة طيبه انشاء الله.
تعليقاتي على السيارة حتى الان:
- تعجبت لسياره زيرو ماشيه 117 كم ؟؟؟ انا اشتريتها على فكره من فرع القطامية و كان ردهم ده المشوار من المخزن الى المعرض... طبعا زائد شوية لف و دوران.
- يوجد شرخ في باغة عداد السرعة و وعدوني بتغيرها في صيانة الألف.
- دي كانت اخر سياره في المعرض ده لو بتسال ما اخدتش واحده تانيه ليه؟
- السياره في المجمل مريحة و رائعه ما عدا عضه في الفتيس و اهتزاز مباشر من ابسط حاجه في الطريق كانك راكب جمل وده ممكن يكون من فرد الكاوتش لان مقاسها صغير و اراه غير مناسب (165\60 r14) ويمكن من العفشه.
- سريعه و بتجري جامد , عمليه, اقتصاديه و موفره في البنزين, لسه بحاول اتعود على مفتاح الشفرة وهو مريح جدا لاني ماشي بكارت بلاستيك في جيبي و بفتح الباب و اقفله من زرار التاتش على الباب من الخارج زائد طبعا ادراة الموتور تاتش , تكييف ممتاز بالنسبة للفئة 1000 cc , ارتفاع ممتاز عن الارض و اخذت بيها مطبات و حفر صعبه بحموله 3 افراد و لم تحتك بالارض اطلاقا.
في المجمل هي ارخص و افضل سيارة في فئة ال 1000 سي سي متوفره حاليا في السوق المصري لاسره صغيره او شاب او شابه و ان شاء الله هكون معاكم اول باول علشان انقل لكم تجربتي مع العربيه و التوكيل و ربنا يجعل كلامنا خفيف عليه.

ألف مبروك على العربية .. وربنا يباركلك فيها ويكفيك شرها .. ومستنيين تقارير شاملة عنها في مواضيع منفصلة .. لإلقاء المزيد من الضوء عليها .

عربية على قد فلوسها
ومش فرصة ولا لقطة

هى شكل صينى مميز جدا فقط

لملاك الf0 انا بفكراشتريها قريب بس انا مشوارى هيبقى طريق السويس يوميا حد يطمنى على عوامل الامان فيها

و الله يافندم العربيه معايا بقالها اكثر من شهرين و عملت بيها 6000 كيلومتر لحد دلوقتي و سافرت بيها اسكندرية مرتين و زي الفل و ثابته جدا على الطريق و موفره في البنزين و شيوكه و تقفيلها محترم جدا.
الامان ده محدش يقدر يضمنه غير الله و ساعة القدر مش هيفرق كتير عربيه كبيره من صغيره و اهم حاجه ان الواحد يسوق بتركيز و يلتزم بالسرعات و الباقي ده بتاع ربنا و دعاء الوالدين.

متشكره اوى على الرد