الموضوع: بلية الكاتينة قفشت والسير مقطعش

سلام عليكم
حصل معايا موقف كده من كام يوم سمعت صوت ونة عالية قوي في الموتور وكنت شاكك في بلية الكاتينة المهم الصوت راح بس لسه صوت الماكينة عالي وفي صوت خشونة و تكتكة خفيفة كده زي بتاعت التاكيهات .. طلعت عالميكانيكي وفتح الكبوت لقيت في دخان وريحة شياط بطلت العربية بسرعة ولقينا الفبرة اللي على بلية الكاتينة سايحة ،، اتاري البلية قفشت والسير كان عمال يلف عليها لغاية ما سيح الفبرة وطارت منها شظايا حديد رشقت في السير ،،، الحمد لله غيرت البليتين والسير وسير المجموعة وبالمرة غيرت طلمبة المية عشان كانت ملحت ومتغيرتش ولا مرة من ساعت ما جبت العغربية 106 الف كيلو .. بس لسة في صوت التكتكة خفيف لما بفتح الكبوت زي بتاعت التاكيهات والسحب مش عاجبني حاسس انه قل شوية يعني الار بي ام بيعلى لكن مش بتستجيب ،،، الغيار التاني بيجيب 50 مثلا والا بي ام على 4.5 او 5 لكن الميكانيكي قالي ان كله تمام واحمد ربنا انك جيت في الوقت المناسب لان السير كان ممكن يقطع في اي وقت وكنت هتخش في موال ..
السؤال هنا لخبراء الدايو هل ممكن اللي حصل ده يكون اثر على الموتور في حاجة جاب صباب مثلا ولا طالما السير مقطعش يبقى مفيش حاجة حصلت والموضوع محتاج ظبط تاكيهات ولا الموضوع وسوسة ،، وهل ممكن يكون السير ركب غلط فبيعمل التكتكة دي وماثر على السحب ؟؟
افيدونا افادكم الله عشان الموضوع تاعبني نفسيا وعايز ارجع للميكانيكي تاني