المرور شادد حيلة اليوميين دولت علي المفيم !

**Nistelrooy** · 22-10-2012 01:37 PM

بسم الله الرحمن الرحيم

السلام عليكم ورحمة الله وبركاته

وقفت بتاع 4 مرات الاسبوع ده علشان الستاير

مرة في الدقي - ميدان المساحة
مرة علي طلعة الدائري المريوطية
مرة في ميدان الجيزة
ومرة قدام حدائق الاهرام

وكلهم علشان مركب ستاير ..

عديت من الدقي وقولت له ستاير وسابني
عديت من بتاع الدائري فلت منة :) بس كان موقف ناس كتير ..

بتاع الجيزة اخد الرخص ونزلت وقولت له ستاير مش فامية قالي حاجب رؤية برضوا .. ومش عارف اية لحد ما قولت له انا قوات مسلحة وطلعت الكارنية ومشيت :)

ونفس الحوار في حدائق الاهرام بس علشان كنت لابس ميري :)

ماهي البلد لسة ماشية بالكوسة اهي !!

عامة انا شيلت الستاير بقي :)

**tutankhamoun** · 22-10-2012 01:40 PM

المشاركة الأصلية كتبت بواسطة nistelrooy

ماهي البلد لسة ماشية بالكوسة اهي !!

صعب أن أنت تغير طبائع الناس في فترة وجيزة و خصوصا إذا كانت الناس مش عايزة تتغير .
و للآسف الناس في مصر مش عايزة تتغير .
أحنا كلامنا أكتر من أفعالنا للآسف الشديد .

**semi** · 22-10-2012 02:16 PM

القوات المسحلة بيبقى مجرد احترام لا اكثر مش كوسه يعني
بس في حاجات مينفعش فيها الاحترام ده
زي مثلا واحد يمشي بعربية مش مخلصة جمرك
او يمشي بعربية مخصصة للمعاقين
دي بتبقى قلة ادب بصراحة ومينفعش يفلت منها سواء قوات مسلحة او مستشار او ضابط شرطة
لكن الستاير سبب منعها مجهول حتى الان ويقال انه لاسباب امنية واكيد ظابط قوات مسلحة
مش هيصدر منه اي خرق للقانون لانه عارف كويس النيابة العسكرية وهيتظبط

موضوع المرور هو شادد حيله عامة واللجان كتير وده شئ كويس
ووقفت في كذا لجنة والمعاملة اتغيرت وبقت محترمة
وانا كمان بقيت اعاملهم باحترام وبقت اقدر دورهم وانهم واقفين على رجلهم بالساعات وبيتعبوا

**Nistelrooy** · 22-10-2012 02:21 PM

المشاركة الأصلية كتبت بواسطة tutankhamoun

صعب أن أنت تغير طبائع الناس في فترة وجيزة و خصوصا إذا كانت الناس مش عايزة تتغير .
و للآسف الناس في مصر مش عايزة تتغير .
أحنا كلامنا أكتر من أفعالنا للآسف الشديد .

للاسف ..

المشاركة الأصلية كتبت بواسطة semi

القوات المسحلة بيبقى مجرد احترام لا اكثر مش كوسه يعني
بس في حاجات مينفعش فيها الاحترام ده
زي مثلا واحد يمشي بعربية مش مخلصة جمرك
او يمشي بعربية مخصصة للمعاقين
دي بتبقى قلة ادب بصراحة ومينفعش يفلت منها سواء قوات مسلحة او مستشار او ضابط شرطة
لكن الستاير سبب منعها مجهول حتى الان ويقال انه لاسباب امنية واكيد ظابط قوات مسلحة
مش هيصدر منه اي خرق للقانون لانه عارف كويس النيابة العسكرية وهيتظبط

موضوع المرور هو شادد حيله عامة واللجان كتير وده شئ كويس
ووقفت في كذا لجنة والمعاملة اتغيرت وبقت محترمة
وانا كمان بقيت اعاملهم باحترام وبقت اقدر دورهم وانهم واقفين على رجلهم بالساعات وبيتعبوا

فعلا هي بتكون احترام اكثر ..

**mohammedabdallh** · 22-10-2012 02:31 PM

طب كويس
بس عاوزين حل
اشمعنا العربيات الى بيتثبت الفاميه عليها ده الفرنا بيتثب عليها جديده والعربيات الى جايه من بره
ماهو حاجه من 2
فاميه للناس كلها
يلا لا للناس كلها

**Elawany13** · 22-10-2012 02:56 PM

مش انت عسكرى مجند فى الجيش ؟
ولا ضابط احتياط ؟

**Mohab.Nabil** · 22-10-2012 03:11 PM

ههههههههه

انت كاتب كل الاماكن اللى بعدى فيها تقريبا

انا مش مفيم العربية كلها .. مفيم شماسة قدام عشان انا الازاز عندى كبير اوى و الشمس بهدلتنى بصراحة و مفيم ازاز ورا عشان الاغبية اللى بيبقوا فاتحين النور العالى على طول و عشان الشمس على السماعات بس العربية مفيهاش فاميه تانى .. طيب يا ترى بيوقفوا الناس يسحبوا رخص على طول و لا ممكن تشيلوا و يمشوك ؟ و الاستيكرز عليها كلام و لا فاميه بس ؟