تقرير صيانة ال 1000 كيلو للنيسان صنى 2013

**canner** · 22-10-2012 03:16 PM

بسم الله الرحمن الرحيم

من يومين عملت صيانة ال 1000 كيلو فى اوتو ايجيبت ابو رواش بعد ما طبعا حجزت بالتليفون على 16666 بس انا كان ليا بس تعليق على مكان المركز انه بعد ما تاخد يمين من الطريق الرئيسى و تدخل الشارع اللى فيه المركز مافيش اى اشارة تدل على المكان و لانى لاول مرة اروح فسألت لحد ما وصلت

الميعاد كان الساعة 3 العصر انا وصلت 3 بالظبط و عمال ما دخلت الاستقبال كانت الساعة 3 و عشرة و خدوا منى العربية على الساعة 3 و نص بعد ما سألنى عن اى ملحوظات فى العربية و كانت ملحوظاتى كالاتى:

1- عداد البنزين فيه اختلاف كبير يعنى شويه يقوللى فاضل يكفى حوالى 450 كيلو و بعد دقيقة يقوللى فاضل حوالى 360 كيلو

2- عداد البنزين فى اول مرة قاللى يكفى حوالى 520 كيلو دلوقتى لما افول يقولى حوالى 450 كيلو

3- باب بتاع السواق مش مريح يعنى لازم يترزع علشان يتقفل

و هو الملحوظة اللى قالهالى ان العربية مافيهاش فلتر تكييف و مش موجود عندهم دلوقتى و ح يجي ان شاء الله على صيانة ال 5000 كيلو

المهم قاللى التسليم ان شاء الله على الساعة 5 و نص و ادانى كوبونين لمشروبين ساخنين و كوبون كرواسون للاسف اللى لقيته خلصان و استنيت يبتددوا شغل فى العربية و فضلت ابص على الزجاج اللى بين الصالة و الورشة لحد ما تعبت وقعدت شويه و غمضت عينى و نمت حوالى ساعة و ربع و صحيت على خمسة الا ربع لقيت الصالة فاضية و الحمد لله الوقت عدى

اكتر حاجة بس ضايقتنى انهم عملوا العربية فى الورشة اللى ورا و ماشفتهاش و هى بتتعمل و استلمت العربية على 5 و تلت تقريبا و دفعت 313 جنيه

كنت عاوز اصور اللى حصل بس فيه موضوع للعضو dodyam على اللينك

http://www.nilemotors.net/Nile/314503-a.html

فيه اللى عاوز احطه و زيادة

تحياتى

**saint2011** · 22-10-2012 03:45 PM

مبروك صيانة ال 1000 كم وعقبال ال 100000 يا جميل بس انت بسرعة مشيت 1000 كم ده انت لسه مستلمها ربنا يباركلك فيها ويكفيك شر الطريق وعملت ايه فى موضوع الكاوتش يا ترى ؟؟

**canner** · 22-10-2012 05:14 PM

المشاركة الأصلية كتبت بواسطة saint2011

مبروك صيانة ال 1000 كم وعقبال ال 100000 يا جميل بس انت بسرعة مشيت 1000 كم ده انت لسه مستلمها ربنا يباركلك فيها ويكفيك شر الطريق وعملت ايه فى موضوع الكاوتش يا ترى ؟؟

استاذ حاتم حبيب قلبي انا وصلت دلوقتي لاكتر من 1500 علشان انت عارف شغلي في اخر المعادي يعني حوالي 80 كم كل يوم

و بالنسبه للكوتش بحاول اتأقلم عليه هو و البلاستك المحطوط علي الفرش لحد ما ربنا يفرجها ان شاء الله

انا متشكر قوي علي مساعدتك و علي دعواتك و ربنا يكرمك يا رب و زي ما انت عمال بتخدم لوجه الله ربنا يوقفلك ولاد الحلال و يقدر الواحد عل رد جمايلك

تحياتي

**saint2011** · 22-10-2012 05:19 PM

المشاركة الأصلية كتبت بواسطة canner

استاذ حاتم حبيب قلبي انا وصلت دلوقتي لاكتر من 1500 علشان انت عارف شغلي في اخر المعادي يعني حوالي 80 كم كل يوم

و بالنسبه للكوتش بحاول اتأقلم عليه هو و البلاستك المحطوط علي الفرش لحد ما ربنا يفرجها ان شاء الله

انا متشكر قوي علي مساعدتك و علي دعواتك و ربنا يكرمك يا رب و زي ما انت عمال بتخدم لوجه الله ربنا يوقفلك ولاد الحلال و يقدر الواحد عل رد جمايلك

تحياتي

متقولش كده يا باشا أحنا كلنا أخوات فى الله وربنا يديم المعروف والمحبة بيننا ويكفينا جميعا شر الطريق