الى الخبراء : ياجماعة حد يساعدنى .. الموضوع بسيط بس معقد للغاية

**mahmoudhanfe** · 22-10-2012 03:30 PM

السلام عليكم
اولا وقبل اى شئ انا عايز اشكر بجد كل الناس اللى فى المنتدى هنا لانى اتعلمت منه حاجات كتير جدا وبرغم ان ديه اول مشاركة ,, بس انا عشرة عمر هنا فى المنتدى من كتر المواضيع اللى قرأتها الحاجات الكتير اللى اتعلمتها

المشكلة :
انا معايا كورسا 1600 ,, وليها معايا 8 سنين تقريبا
المشكلة ان من مدة والعربية بتأخر فى الدوارة وبتقطع والموتور بيترعش جامد والمهم انى بعد عناء وصلت للمشكلة انها من طرمبة البنزين

وقمت روحت عشان اشترى واحدة جديدة , المفاجأة بقى انى ملقتش فى السوق اصلى خالص .. موجود فقط صينى وكورى , وبوش كورىعلى العلبة ومكتوب عليه المانى من جوة ,, عشان ما اطولش عليكم انا جربت كل الانواع الصينى اللى فى السوق اللى سعرها بيتراوح من 80 الى 120
والنتيجة ان العربية كانت تدور كويس بس الطرمبة نفسها يومين وتبتدى تصفر وتضرب .
واخر واحدة ديه بقى كانت عجيبة , كانت بتغلى جوة التنك وتفضل تعمل صوت تخيط مع الصفير طبعا وتفصل .
ملحوظة بس انا اتعلمتها وناس كتير تغفل عنها : الفرق بين الطرمبة الاصلية وغيرها ان الاصلية لازم يبقى محفور عليها اما اى حاجة تانية حتلاقى كتابة مطبوعة وممكن متلاقيش اصلا .

المهم مع البحث : وصلت لنوع كويس اسمه ( vdo) وديه كانت اغلى شوية واصلية ب وركبتها ,, النتيجة : العربية بتمشى كويس ومفيش الصفير وأدائها كويس والعربية سحبها معقول بس مازالت بتغيب فى الدوارة ( مع العلم ان الصينى كانت بتخليها مظبوطة فى الدوارة ومش بتأخر )
ومع البحث والتنقيب .. عرفت ان كل طرمبة بيبقى ليها رقم بار واللى لازم يوافق رقم البار للطرمبة الاصلية عشان الكنترول متبرمج عليه ,, ولما بيكون البار اقل ممكن يعمل كدة .
وعرفت كمان ان الطرمة كدة بتغيب فى التحضير
وانا عملت حاجة : بقيت افتح الكونتاكت واقفله 3 او اربع مرات عشان الطرمبة تحضر بنزين , وساعات كانت العربية تدور من اول مرة وساعات لا برده , بس برده الموتو مكانش بيدور مستريح

حد يقولى طيب ايه المشكلة لما تغيب فى الدوارة .. حقولوه ان العربية بتتفرهد ع الصبح وبتدور بعد 3 او اربع مرات , وده بيخلى البطرية تريح ومشاكل كتير بقى كدة

ولما روحت و سألت فى التوكيل .. بعد ما اخدت نصيبى من المعاملة اللطيفة هناك .. قالولى ان الطرمبة كاملة 1450 جنيه ومش بيتباع الموتور لوحده .

انا دلوقتى مش عارف اعمل ايه . اجيب طرمبة منين

ملحوظة انا لقيت عند واحد طرمبة امريكانى اسمها ( walbro ) وديه اثلية بس مش عارف اجبها ولا لا عشان بصراحة صرفت كتير اوى

ياريت حد يفيدنى عشان بجد انا طهقت

وشكرا مقدما

**احمد فهمى** · 22-10-2012 03:50 PM

واضح ان العربيه معاك من الزيرو انت محافظ عليها هو فعلاً كل طرمبه بتدى دفع بعدد بار معين نصيحه اشتري الاصليه من التوكيل منصور وبتاخد عليها ضمان سنه بس برضو اتأكد انها الاصليه وكده هتنسى الموضوع لمدة ٨ سنين كمان واتعود دايماً متدورش علي طول لا افتح كنتكت لحد ما لحد ما اللمبات تطفى وبعد كده كمل تدوير ادي فرصه الطرمبه تحضر ودايماً متنزلش عن ربع التنك لأن الطرمبه فى سقف التنك والبنزين بيبردها وان شاء الله خير

**gomgom3** · 22-10-2012 10:23 PM

وليه يارجاله يشتري 1450 ج هي فلوس حرام منصور دة توكيل حرامي اصلا
طالما العربيه عندك بدور وبتمشي مش هيكون العيب من الطرمبه صدقني هتجيب واحده من منصور وهتلاقي نفس العيب
العيب الي عندك دة ممكن يكون من مشط المونبيه او من الموبينه
ومتغيش حاجه انا قعدت سنه كان عندي رعشه في العربيه في السلانسيه غيرت قسما بالله حاجات كتير جدا واتكلف في المضوع دة يجي 800 ج وفي الاخر العربيه مرة واحدقفت وكانت عايز مشط وموبينه اتغيروا وكل حاجه اختفت
انت لو عايز بئا هتروح منصور وقوله العيب دة من ايه بالظبط قالك طرمبه قالو ماشي بس لو غيرتها ونفس العيب هتلبس فيها انت لان العربيه انا جاي بيها الطرمبه شغاله قالك ماشي علي البركه

**wama00** · 22-10-2012 11:24 PM

هو سبب تأخير الدوارة هو الطرمبة بس ولا ممكن يكون فيه اسباب تانية؟؟ علشان انا عندى ساعات الصبح العربية بتغيب فى الدوارة واروح مساعدها بسنة بنزين كدة تروح دايرة على طول ؟ هل ده سببه طرمبة؟؟