عرض للطباعة
الســـلام عليكم
انا رايح ابص علي عربيه لادا 2107
لكن للاسف ماعرفش في العربيات اوووي
و هي العربيه لادا 2107 روووسي / مفيش فيها اي كماليات / موديل 2008 / فبريكة بره و جوه
مطلوب فيها 30 ألف , و عاوووز اعرف اذا كان السعر مناسب ولا غاليه ؟؟
و طبعا انا عارف ان سعر العربيه بيتحدد حسب حالة العربيه , بس برضو عاوز اعرف السعر ده يعتبر معقوول ولا غالي ؟؟
و طبعا اهم شئ ازاي ابص علي العربيه و الحاجات المهمه الواجب اختبارها قبل الشراء ؟؟
حضرتك رايح تدفع 30 الف في لادا؟؟
كمان هي موديل 80 ولا 2013 حتي مش حتختلف في اي حاجه عن اي لادا تانيه
لو امكانياتك تسمح كملهم 40 واشتري لانوس1 موديل 99 او 2000 وقطع غيارها ارخص من اللادا دلوقتي
او 35 واركب فيات سيينا
او 30 واركب تمبرا بس دي تراجع فيها قسم فيات هي والسيينا علشان تعرف اسعار قطع غيارهم
وممكن فورد اسكورت عربيه حلوه وركوبه وتقيله علي الطريق وبرضه تراجع قسم فورد علشان قطع الغيار
وكل العربيات دي فيها اوبشن عن اللادا
عفشه ناعمه
تكييف
باور
بص نصيحة ابعد عن العربية ديه, انا كان معايه عربيتين زيرو للشغل واحده كانت 2010 والتانيه 2011 أجااارك الله طلعوا عين اليه جابوني, اولاً السخونة ديه أساسي ثانياً ما فيش اي نوع من انواع الثبات علي الطرق السريعة الدريكسيون عجيب وبالنسبة للصوت فظيع أكني واحد نايم جمبك بيشخر طول الوقت وبعدين لو فيها تكيف زي قلته بيسخن العربية شغلانه وقعدة صالون تقطم الضهر.
دي تجربة شخصية مع العربيتين دول وكانوا مصري لأني ما فيش روسي في الوقت ده مش عارف 2008 ديه نظامها ايه ياريت حد يفيدنا بخصوص الموديل ده.
نصيحه بلاش لادا حتي لو هتقعد 10 سنين ماتصرفش عليها .. شفلك اي عربيه تاني حتي شاهين هتبقي افضل الف مره ونفس السعر تقريبا
عربيه ناعمه وهاديه وبتاعة شقي بردو واعتماديه عن الادا
الهم بلغت الهم فاشهد .. والناس اللي بتكلمك ناس مجربها وعارفا اللي فيها وربنا يكرمك في عربيه محترمه عن دي
حرام عليكم يا جدعان عقدتم الراجل.....طب اية رأيك ان الادا عربية عملية و محترمة جدا جدا.
لولا اختلاف الازواق لبارة السلع
ماهو كلنا راكبين لادا يا باشااقتباس:
المشاركة الأصلية كتبت بواسطة mirra
احنا مش بنعقده
احنا بنقوله بدايل تانيه بخصوص المبلغ اللي معاه
ولو مصمم علي لادا
فمش فارق فيها موديل قديم من جديد وهو اولي بتوفير جزء من الفلوس سواء لنفسه او يظبط بيه العربيه
ومحدش قال كلمه عدله في موديلات اللادا الجديده اصلا
الادا من ضمن 4 اسواء عربيات في العالم
الشاهين برقبتها
و الله يا جماعة انا بعد كلامكم ده حاسس اني رايح اشتري عربية بحمار :10D5C8w1107:
بس انا قولت لادا علشان كاان معايا لادا 2105 روسي 1200 سي سي موديل 1994
و اجيب عربيه اعرف اصرف عليها بعدين ، مش لو بااظ فيها حاجه اقعد جنبها اتفرج عليها
ف قوووولت نعمل كلاكيت تاني مرة بس اجيب لادا موديل حديث شوية
و بالنسبه للسعر الراجل بيقول 30 ألف سعر مبدئي يعني قااابل للتفاوض و احتمال انزل معاه الفين او اكتر كمان .
-----------------------------------------------------------------------------------------
بس و الله الواحد بيفكر في اعادة النظر في الموضوع علشان كلامكم ده انا كله مقتنع به
و شايف ان فيه عربيات احسن من اللادا و بسعر اعلي شوية .
بس انا كنت معدي علي معرض و انا مااشي و بصيت لاقيت لادا قولت لما انزل اسأل
معرض ابو الغيط في المنصورة ف نزلت اشوف النظام ايه !!!
بس برضو لازم الواحد يستفيد من خبرتكم و من خبرته السابقه مع اللادا
اقتباس:
المشاركة الأصلية كتبت بواسطة ladawy
يبقي انسب حاجه لحضرتك طالما عاوز عربيه مصروفها حنين واي حد بيشتغل فيها
لادا او لانوس
فانوس اللانوس ب90 جنيه الصيني والاصلي ب150 تقريبا لو ظروفك تسمح بانك تزود المبلغ
ولو حتجيب لادا هاتها موديل تسعينات يكون سعرها حنين وبرضه اي حد يشتغل فيها
شكـــراً ليكـ علي الافادةاقتباس:
المشاركة الأصلية كتبت بواسطة SHNORY
و ان شاء الله نشوووف موضوع اللانوس و ربنا يسهل :)
و انا كنت بجد صرفت النظر عن اللادا بعد التجربه الاولي لها ، بس لاقيت العربيه دي قدامي ف قولت اتفرج عليها و بعد كده قولت اسألكم ، علي اساس يعني انها موديل حديث و قولت جايز اتغيرت و بقيت احسن
لكن فيه الرينو و الكيا و اللانوس و بروتون و الابيزا سعرها بين ال 30 : 40 ألف .
بس قولت جاااااااايز اللادا ليها نصيب تااني معايا ، بس شكلها كده مالهاش نصيب :original:
اقتباس:
المشاركة الأصلية كتبت بواسطة ladawy
الرينو والكيا والبروتون والابيزا كلهم زي الفل
بس برضه حتيجي لجزئيه قطع الغيار وقرف الصنايعيه معاهم ولازم تجرب وتتنقل من صنايعي لصنايعي
الدايو حاليا عامل شغل كويس مع الصنايعيه
بجانب انك لو فكرت تبيع العربيه بتتباع في اقل من ساعه وسعرها في السوق معروف بالنسبه لموديلاتها وحالتها
كلكو قاسيين على سياره كانت من اجود السيارات فى عصر الادا وكل واحد كان بيتمنها نعم ان لاتطوير فى محرك الادا 2107 لاكن الى نزل مصر اسؤ السيارات الادا الله يسامح شركه الامل الى خربت جيوب المصرى لانها استوردت الادا دى من اكورانيا بعد ما روسيا انتجت مودلات فى غايه الروعه زى البرييريو سياره بتجمع بين الرفاهيه والقوه وسعرها فى اوربا 6000 يورو لاكن الادا الموجوده الان مع الاستعمال الجيد فهى مش وحشهاقتباس:
المشاركة الأصلية كتبت بواسطة hugan
يسلم كلامك يا استاذ مكاوى....اقتباس:
المشاركة الأصلية كتبت بواسطة mekawy2000
ماهي اللي سعرها بره 6000 يورو علي ما تيجي عندنا حتكون عدت ال120 الف جنيه
مين هنا ممكن يدفع التمن ده في عربيه توكيلها مش مديلها اي اهتمام ؟؟
ولا بدعايه ولا بصيانه ولا باي حاجه
كده ولا كده اهي بتتباع ومش فارق معاهم التطوير في حاجه
دا يمكن يضيقها عليهم علشان حيحتاجو يبعتوا عماله تتدرب
ويجيبوا اجهزه حديثه لصيانه عربياتهم
فعلا اللادا اتظلمت من التوكيل السىء اللى منزلش موديلات حديثة
بس هى كعلربية على قد فلوسها بالنسبة للموديل بتاعها كويسة
بس عايزه اللى غاويها ويحبها لانها عملية جدا بس مش عايزة اللى يهملها
راى شخصى""""""""""""""
عارفين يا رجال الشى الوحيد الى تعبنى فى العربية دى السعر الى هى مساكة غالى عليها
الله يصلح حال التوكيل - ويحل عن سمنا بقى ويخليه فى البى واى دى
ماهو كده هيخرب البي واي دي زي ماخرب الادا
مش عاوز أقولك بلاش :) .. فهكلمك في السعر بس .. أنا معايا 2008 بس مصري لو عاوز أبيعها أعتقد إني هأعرض بـ 33 و أمسك على 30 عشان عربيتي فيها تكييف و حالتها حلوة (بالنسبة على الأقل) فالسعر اللي قلته بالنسبة لي معقول جداً لو وصلتها 28 يبقى ده سعر لقطه