المشاركة الأصلية كتبت بواسطة kareem.elaraby
سيدي الفاضل
حضرتك لو عملت survey
علي اراء الناس هتلاقي ان الغالبيه قالت خليك عندك
و واضح بردو حضرتك ان حضرتك نويت أو ناوي أو كنت ناوي تنزل و كان نفسك حد يؤيدك
بس ما لقيتش حد الا قليلين جدا بالمقارنه بالاغلبيه و عشان كده حضرتك بتحاول تنتزع " انزل مننا" بس مش هتسمعها مني علي الاقل مع خالص و كامل احترامي لحضرتك
حضرتك عاوز تنزل انزل مش عاوز بردو علي راحتك بس اللي الاعضاء قالوه ليك و اللي انا قوولتوه هو شهاده هنتحاسب عليها ما ينفعش نرسملك الدنيا pink و هي أقرب ما تكون dark grey
بغض النظر عن الناس اللي في كومبوند و الفلل و البي امات و أعرف ناس كتير منهم
اللهم لا حسد ربنا يباركلهم و يزيدهم بس هتلاقيهم طافحين الكوته و بيدفعوا تمن الحاجه اتنين و تلاته و كمان مش عاجب الحكومه دول العين عليهم الفتره الجايه عشان ديه ناس معاها فلوس و شويه بنزين 95 و شويه ضرايب و شويه عربيات فارهه كده يعني
سؤال بقي هي الناس ديه مش بتدفع ضرايب ؟
هي الناس ديه مش تعبانه في فلوسها ؟
هي الناس لاقيت الفلوس في الارض حتي لو ورث ما أكيد فيه فرد عنده في العيله تعب فيهم !
ليه بقي الاستقصاد و اساليب الملتويه ديه !
انت اللي ليك عندي يا حكومه أدفع الضرايب لكن الحكومه بتاخد ضرايب علي المرتب و ضرايب علي أي حاجه تاني بتشتريها
اسأل أي sales man في شركه نضيفه قوله مرتبك كام و ضرايبك و لما يجي يبيع أو يشتري ليه بياخدوا ضرايب تاني !
أقولك انزل في مجتمع و بلد شايفاك غني و اسف علي التعبير الدارج "عاوزين يحلبوك "
ما تعد هناك بكرامتك و احترامك
دول الخليج بيقلقوا من المصريين في الاول بس once انك اثبت انك جدير بالثقه و امين بيدوك عينهم و حضرتك من كلامك محترم و واخد وضعك
و ده ودامي نماذج من الاسره و العيله و الزملاء و أوروبا نفس الكلام تقريبا مع الفارق الكبير في العادات و فيه ناس ملتحيه و مسلمين مصريين نفسهم يعرفوا يرجعوا تاني أمريكا أو أوروبا و عجبتهم الدنيا هناك و اللي كان في الخليج نفسه يرجع تاني " كريم, هناك مقدرينني فلوس و مركز و عارفين قيمتي لكن في بلدي ولا ليا أي تلاته لازمه"
ديه الجمله اللي اتقالتلي
و والدي نفسه كان بيقول كنت قعددت هناك شويه زياده في السعوديه بس هو رجع بدري بدري
و عاوز الحق بأشوف نماذج من المصريين أقل ما يقال عنها انها تعر باللي بيحكوهولي لما كانوا مسافرين !
انا عن نفسي عاوز أطلع أمريكا أوروبا كندا أستراليا شغل و أجرب لو الدنيا peace زي ما كله بيقول ليه أرجع !
بأحب مصر أه بس مصر مش بتحبني ولا بعزني !
فيه حد يشتري حد بايعه !
و لا مش عاوز أنزل اتمرمغ في ترابها خلي المشاعر و الاحاسيس علي جنب
لا بتاكل عيش ولا بتجيب فلوس
و الاهالي و الاصدقاء و الكلام ده هيروح بعد أول مشاحنه و الروتين اليومي بتاع الحياه و الشغل و السواقه و اللذي منه انت بيبقي همك تقفل الافواه من أهل بيتك و تسد مصاريفهم و هتبي شغل أكل نوم سواقه و ممكن الخميس بالليل تعد علي القهوه !
و تقبل مروري معلش طولت عليك
و كل عام و حضرتك في أتم صحه و حال و ربنا يكتبلك اللي فيه الخير ليك اينما يكون
و يوفقك في اللي نفسك فيه