طيب هل حضرتك مرتى بنفس التجربة
يعنى هل اتغربتى ورجعتى وندمتى
وياترى ندمتى ليه
انا لسة راجع من اجازةة وشايف الوضع مش سيى قوى
عرض للطباعة
أكيد ما ترجعش. الظروف الاقتصاديه كل يوم فى النازل و لو رجعت دلوقتى هتلاقى نفسك بتصرف فى الفلوس اللى حوشتها لحد ما تخلص منك و يبقى كأنك معملتش حاجه زى اللى بيحصل لكتير من اللى بيسافر. على فكره الحاله الاقتصاديه السيئه وارد جدا أنها تأثر حتى على الشركه اللى حضرتك عايز تشتغل فيها فى مصر و طبعا لما يحاولوا يخفضوا العماله بيشتغلوا عن اتنين : اللى مرتبه كبير و التانى هو اللى لسه متعين جديد. الموضوع خطر و الخساره كبيره و الله اعلم ساعتها هتعرف ترجع الخليج و لا لأ . طبعا لازم ترجع و كل حاجه بس التوقيت مهم جدا و هو غير مناسب الآن على الاطلاق
الاول انت متجوز ولا لا؟
مراتك معاك ولا هنا؟
لو مش معاك هاتها
لو مش متجوز انزل اتجوز و خدها معاك
ساعتها مش حتفكر ترجع زي ماانت بتفكر دلوقت
حيقل كتير
مش عارف اقولك ايه بس بجد نصيحه لوجه الله تعالي اوعي تفكر تستقر في مصر
الوضع طبعا مش سئ للدرجة دى
و علشان محدش يضرب
انا قولت كده لانى شايف ناس عايشين و لا فارق معاهم اللى فى البلد لانهم عايشين و مش عايشين فيها
لا يضطروا الى دخول حوارى بالعربيه او معامله بائع فى سوق الناصريه
انما من البيت للنادى للشاليه و ايام الاجازة ممكن يروحوا تركيا صد رد
تفتكروا الناس دى لو عاوزه تعيش بره مش ممكن من بكره الصبح تسافر و تعيش كويس
السؤال هل انت منهم ؟؟؟
ثانيا ممكن ترجع و تعيش بعيد شويه عن المنغصات و لكن يبقى شئ صعب توفره فى مصر لعائلتك
و هو quality of life
موضوع الغربه و ما الى ذلك - طبعا صعب و لكن هناك الاصعب و كله حسب درجة استحمالك للوضع
لو عاوز تشترى عربيه كيا بـ 240 الف جنيه و ممكن تجيب بنفس الفلوس تويوتا سوخوى اللى اكيد معظمنا ماسمعش عنها ( انا نفسى ماسمعتش عنها غير لما صديق لى بالسعوديه اشتراها ) يبقى ارجع
اكيد لن تبقى مسافر عالطول و مسيرك ترجع
ارجع بعد ما تعلم ولادك صح و تعيشهم صح
يا خسارة جه الوقت الي الواحد يسأل فيه ارجع بلدي ولا لأ..... مع انك ضامن تعيش مستور لو نزلت انما ممكن تكون حاجات تانية زي السلوكيات هي الي تبقى مانع انك تنزل
عليه العوض في البلد دي
ربنا يسترها
باشا انا مغترب زي حالاتك
وحصل اني نزلت فترة 4 شهور تعتبر اجازة
والله كرهت حياتي
صرفت كمية فلوس مكنتش اتخيل اني ممكن اصرفها طول حياتي بالمنظر ده وبدون اي تجديد في حياتك
يمكن الفرق اني اول لما نزلت قلت احاول ادور على شغل والله مالقيت حتى امين خزينة او كاشير رغم اني محاسب خبره 7 سنوات
راجع نافسك تاني وفكر الف مرة
الظروف الاقتصادية على الاقل غير مستقرة
شوف باقي ظروف حياتك
لو هتكمل كل فترة هات اهلك عندك زيارة ولو مش متجوز لازم تتجوز وتاخد مراتك معاك ولو متجوز هات مراتك معاك
اللي يوحشك من مصر هاته فورا يزورك
وعيش باقي علاقاتك الاجتماعية بالنت والاتصالات وغيره
انا عايش في نفس الحيرة دي بردو وكل ٦ شعور اقول اصبر شوية الوضع يظبط في مصر ومن كلام الناس الواحد نفسه اتسدت عموما انا نازل ٣ اسابيع اشوف الدنيا عاملة ازاي وربنا يقدم اللي فيه الخير
Stay in emirates 4 now - return after 2-3 years when things get better in Egypt
انتا جالك مرض الحنين الى الوطن.
والمرض ده شائع ومنتشر برة زي الؤلفنونزة كده .... بس عامة كل ما تحس بوجع الحنين ومغص الوطن روح هاتلك علم مصر واقعد بوووس فيه .... ولو الحنين نقح عليك قوووي. اديني عنوانك وانا ابعتلك بطرمان مليان شوية تراب وطن انما ايه على كيف كيفك شمو كل يوم قبل ما تنزل على الشغل .... واكيد هتلاقي واحدًمصري فاتح محل فول وطعمية هناك او محل كوشري ابقى عدي عليه من الوقت للتاني واضربلك طبق كوشري .... انا كنت بعمل كده ايام ماكنت في الغربة.
بس قد ما كانت الغربة صعبه بره مصر بس بتبقى فرحان لان لو حصل اي حاجة هتاخود بعضك وترجع بلدك .... لكن تصور لمن تحس بالغربة في بلدك وحصلك اي حاجه هتلم بعضك وتروح فييييين !!!
انتا بس اعمل الي قلتلك عليه وانتا ترتاح هات علم مصر وان ملقيتش علم مصر برة بسيطة اي لباس احمر على فنيلة بيضة على تشيرت اسود وابره وفتلة وارسم عليهم حمامة وخليه يرفرف كده في الاوضة عندك هترتاح نفسياً .... واقولك على حاجة لزيزة كمان الاسكاي بي. وفي برنامج اسمو فايبر حل جميع المشاكل واللهي بقعد بالساعه والساعتين اتكلم دولي ببلاش ومسجات ببلاش كمان هتقولي اصحابك في مصر معندهمش سمارت فون. .... هنا يجي دورك يابطل ابعتلهم ياغالي ( تهادوا تحابوا ) كام موبايل اي فون على جلاكسي ثري وعيش اجمل مافي اللحظة وتحياتي