الموضوع: ماذا تفعل لو كنت مكانى- ترجع مصر ولا لا

أكيد ما ترجعش. الظروف الاقتصاديه كل يوم فى النازل و لو رجعت دلوقتى هتلاقى نفسك بتصرف فى الفلوس اللى حوشتها لحد ما تخلص منك و يبقى كأنك معملتش حاجه زى اللى بيحصل لكتير من اللى بيسافر. على فكره الحاله الاقتصاديه السيئه وارد جدا أنها تأثر حتى على الشركه اللى حضرتك عايز تشتغل فيها فى مصر و طبعا لما يحاولوا يخفضوا العماله بيشتغلوا عن اتنين : اللى مرتبه كبير و التانى هو اللى لسه متعين جديد. الموضوع خطر و الخساره كبيره و الله اعلم ساعتها هتعرف ترجع الخليج و لا لأ . طبعا لازم ترجع و كل حاجه بس التوقيت مهم جدا و هو غير مناسب الآن على الاطلاق

الاول انت متجوز ولا لا؟
مراتك معاك ولا هنا؟
لو مش معاك هاتها
لو مش متجوز انزل اتجوز و خدها معاك
ساعتها مش حتفكر ترجع زي ماانت بتفكر دلوقت
حيقل كتير
مش عارف اقولك ايه بس بجد نصيحه لوجه الله تعالي اوعي تفكر تستقر في مصر

يا خسارة جه الوقت الي الواحد يسأل فيه ارجع بلدي ولا لأ..... مع انك ضامن تعيش مستور لو نزلت انما ممكن تكون حاجات تانية زي السلوكيات هي الي تبقى مانع انك تنزل
عليه العوض في البلد دي
ربنا يسترها

المشاركة الأصلية كتبت بواسطة ghost11

انا كمان بقالى 5 سنين فى دولة خليجية بمرتب متوسط الجمد لله

مع ذلك لو لقيت شغل فى مصر ب2000 جنيه هانزل من بكره وعارف ان ظروف البلد زى الزفت بس مسيرنا هنرجع.

ياباشا لو حصل ولقيت بمرتب اعلى مش هترجع

انا متاكد من اللي انا بقوله

باشا انا مغترب زي حالاتك

وحصل اني نزلت فترة 4 شهور تعتبر اجازة
والله كرهت حياتي
صرفت كمية فلوس مكنتش اتخيل اني ممكن اصرفها طول حياتي بالمنظر ده وبدون اي تجديد في حياتك

يمكن الفرق اني اول لما نزلت قلت احاول ادور على شغل والله مالقيت حتى امين خزينة او كاشير رغم اني محاسب خبره 7 سنوات


راجع نافسك تاني وفكر الف مرة
الظروف الاقتصادية على الاقل غير مستقرة
شوف باقي ظروف حياتك

لو هتكمل كل فترة هات اهلك عندك زيارة ولو مش متجوز لازم تتجوز وتاخد مراتك معاك ولو متجوز هات مراتك معاك

اللي يوحشك من مصر هاته فورا يزورك
وعيش باقي علاقاتك الاجتماعية بالنت والاتصالات وغيره

Stay in emirates 4 now - return after 2-3 years when things get better in Egypt