-
سمكرة ودوكو في التوكيل
كل سنة وانتم طيبين جميعا انا عندي سؤال انا عندي خبطتين في الرفرف الخلفي يمين وشمال وعايز اعملهم سمكرة ودوكو في التوكيل علي حساب التأمين
فا يا تري يخدوا وقت اد ايه وايه رايكم في السمكرة والبوية في التوكيل ويا تري حد جرب ولا لأ ولا اعملهم بره التوكيل احسن
-
وحضرتك طيب
انا اتعاملت قبل كده فى توكيل كيا كانت عربيه صاحبى بس للاسف مش صنيعيه واسمع انا التوكيلات عامتا مش صنيعه بمعنى الكلمه
احسنلك تدور على واحد صنيعى بيشتغل ببويه وعده المانى ويخلى العربيه اكن مكنش فيها حاجه وابعت للتامين عليه عادى جدا بدل التوكيل وتدخل وتاخد دور وعطله على الفاضى ويارتهم صنيعيه ده رايى والقرار ليك انت طبعا:10D5C8w1107:
-
في عز العرب العربية هتخلص على الاقل في شهر ونص
اما في مركز عصام صفا في حوالي اسبوع او اقل بس انا بصراحة مشوفتش رشهم ولا سمكرتهم لحد دلوقتي عشان عايز ارش العربية بتاعتي
وبفكر كمان اروح ورشة نايل موتورز بس مش عارف بيتعاملو مع التأمين ولالا
-
عز العرب ، عاوز واحد فاضي يروح وينسي عربيته وهما بعد كدة يقولوا فى حد له عربية وناسي
الكلام دة ينطبق على السمكرة وحتي الصيانات العادية.
العربية ممكن تقعد اسبوعين بدون ما حد يشتغل فيها ، وممكن تخلص ويسيبها بدون تقفيل وتتركن اسبوع "الاسبوع 5 ايام" على ما يفتكروا يقفلوها.
Content Relevant URLs by
vBSEO 3.6.0 PL2