ارجوكوا ساعدونى مفيش اى حد عارف يحل المشكلة

**mopecoolboy** · 23-10-2012 03:06 AM

يارجالة ارجوكو ساعدونى انا معاايا سفيك 93 si بس الموتور مش SI هيا 93 المهم ::

كذا مرة ادور العربية مترضاش تدور و انا بدورها مسمعش صوت الطلمبة و هيا بتحضر اقول مش هدور و فعلا متدورش اجيب كهربائى يعمل وصلة من سلك كدة فى الطلمبة للبطارية تدور اروح عندو يبص على الكتاوت و حاجات الكهربة يقولى تمام و يغير فيوز يقولى دا منو المشكلة و يدور 100 مرة و افصل تدور عادى اروح البيت و اركنها تانى يوم ماتدورش جبت واحد تانى حل الطلمبة و قالى هجبلك واحدة جديد ( اوتامتيك الطلمبة ) جاة قالى الطلمبة بتاعتك شغالة 100 100 و عمل واصلة تانى نفس اللى قلتها قبل كدة و اشتغلت و غير برضو فيوز و قالى حاطلة تخشينى سلك كدة عشان بيتهز و العيب مش هيظهر التانى و تانى يوم بدور مش بدور ولا سامع صوت الطلمبة

اعمل اية ؟؟؟؟؟؟؟؟؟؟؟؟؟ انجدونى ارجوكواااا واحد كهربائى قبل كدة قالى انى فى سلك بيفصل و بيتعل تانى بس مش عارف دا صح ولا لا ؟؟؟؟؟؟؟ ارجوكوا الحل عشان انا زهقت من العربية دى

ملحوظة 3 مرات كانت مش بتدور و اخبط ع فلتر البنزين تدور بس بعد كدة مفيش مش عايزة تدور خالص ولا بتخبيط ع الفلتر ولا ع الطلمبة لازم وصلة من سلك الطلمبة لل البطارية او من سلك الطلمبة لل الكتاوت بتاعت الطلمة اللى تحت الدريكسون .... مع العلم ان السلك بتاع الطلمبة مع مفتاح التيست بيدى نور يعنى مش قاطع ؟"

**dr.hazem** · 23-10-2012 06:14 AM

طيب هما بيغيرو فيوز ايه
ميمكن في مشكله عامله ماس وبتحرق الفيوز ده تحديدا؟؟

**Saeed-Taha** · 23-10-2012 11:15 AM

طيب مش جايز المشكلة من البطارية نفسها ؟

**mopecoolboy** · 23-10-2012 11:35 AM

لسة مغير البطارية من شهر و مفيهاش اى مشكلة تماما

**SAMEH_FOUAD** · 23-10-2012 12:12 PM

شوف ياباشا واضح ان مشكلتك كهربائية ودة تحديدا هيكون بسبب الاتى :

1- فية عندك فيشة الطلمبة نفسها خرجها وشوف فيها كهرباء ولا لأ , وفية فيشة داخلية اللى فى التانك بردة نفس الكلام لازم تخرج ويتكشف عليها

2- فية عندك سلك من تحت علبة الدركسيون وواصل لعلبة الفيوزات ممكن يكون دة مهزوز لانك بتقول ان العربية متسقطلها ماتور يعنى وارد اى يكون الكهربائى عملة اى كلام او مثبتوش كويس عشان كدة مهزوز

3- كتاوت البنزين ممكن هية اللى بتكون بتعلق من ال pinS بتاعتها عشان كدة لما بتاخد وصلة خارجية بتقوم عادى جدا

روح هات من مجدى الدسوقى كتاوت طلمبة بنزين , وقولة انا هجرب لو العيب منها هشتريها لو العيب مش منها هرجعها هو مش هيتكلم ماتقلقش لو فية حاجة قولة سامح اللى باعتنى او كلمنى فى التليفون

وعايزك تعمل حاجة حلوة اوى لما تيجى تعمل معاك نفس العيب دة , شيل فيشة ال fuel - cut-out ( كتاوت البنزين ) وركبها وشوف هتدور ولا لأ , لانى شاكك فيها

**ahmedeihab** · 23-10-2012 12:43 PM

المشاركة الأصلية كتبت بواسطة semsem kane

شوف ياباشا واضح ان مشكلتك كهربائية ودة تحديدا هيكون بسبب الاتى :

1- فية عندك فيشة الطلمبة نفسها خرجها وشوف فيها كهرباء ولا لأ , وفية فيشة داخلية اللى فى التانك بردة نفس الكلام لازم تخرج ويتكشف عليها

2- فية عندك سلك من تحت علبة الدركسيون وواصل لعلبة الفيوزات ممكن يكون دة مهزوز لانك بتقول ان العربية متسقطلها ماتور يعنى وارد اى يكون الكهربائى عملة اى كلام او مثبتوش كويس عشان كدة مهزوز

3- كتاوت البنزين ممكن هية اللى بتكون بتعلق من ال pins بتاعتها عشان كدة لما بتاخد وصلة خارجية بتقوم عادى جدا

روح هات من مجدى الدسوقى كتاوت طلمبة بنزين , وقولة انا هجرب لو العيب منها هشتريها لو العيب مش منها هرجعها هو مش هيتكلم ماتقلقش لو فية حاجة قولة سامح اللى باعتنى او كلمنى فى التليفون

وعايزك تعمل حاجة حلوة اوى لما تيجى تعمل معاك نفس العيب دة , شيل فيشة ال fuel - cut-out ( كتاوت البنزين ) وركبها وشوف هتدور ولا لأ , لانى شاكك فيها

+11111
^_^

**mopecoolboy** · 23-10-2012 04:29 PM

الف شكر يا رجالة واللة مش عارف اقولكو اية هجرب و اتابع معاكوا بس يا سامح انا فعلا جبت الكتاوت بتاعة الطلمبة و من مجدى و رجعتها تانى عشان البية الكهربائى كان شاكك فيها بس قالى شغالة بعد م جرب تانى اصل العربية عندى ب حالات يعنى لما فك الكتاوت القديمة و جبت واحدة تانة برضو مكنتش عايزة تشتغل حط القديمة و عمل وصلة اشتغلت ّ!!!! قلى انا عرفت خلاص العيب منين و هوا ولا عرف ولا حاجة العربية لسة زى ماهية لما سالتو قالى فى سلك مهرب فى الضفيرة و قالى عشان بيجى علية ماية انا رشتهولك و تمام بس رجع بعديها و العيب ظهر تانى !!!!!

**mopecoolboy** · 23-10-2012 04:31 PM

الوصلة اللى عملها دى من سلك كدة طالع من الطلمبة لغاية كتاوت الطلمبة زنقهم كدة فى سلكينم الغريب ان جبت واحد تانى برضو اخد سلك من لطلمبة بس وداة على البطارية و برضوا اشتغلت بس بتشتغل مؤقت