غيرت زيت كاستر و حصل مالا يحمد عقباه

**sedyrohy** · 23-10-2012 09:54 AM

انبارح كنت بغير زيت في توكيل كاسترول و طبعا اخر مره غيرت زيت كان كاسترول ايدج الي بيوصل الي 15 الف كيلو متر او سنه ايهما اقرب و علشان انا مش بمشي كتير خلال السنه
قطعت 10200 كيلو
لذا وجب التغيير لضمان كفاءه الزيت و الحرص على كفاءه المحرك
طبعا مع التغير زيت تم شراء فلتر زيت بالمره علشان كله يكون على نظافه
خلال التغيير تم انزال الزيت بالكامل و تركيب الفلتر الجديد و هنا تم حدوث مالا يحمد عقباه

الصنايعي دلق 3 لتر زيت على طول و من غير تفكير و الحمد لله اني اشتريت 3 عبوات لتر علشان انا اخري في الزيت زي ما الصني بتاخد 2.8 بالفلتر طب ليه احمل نفسي جركن 4 لتر ب 280 جنيه طالما اقدر اجيب 3 لتر ب 230 جنيه
طبعا انا كنت منبه على موظف الاستقبال على الكميات المناسبه للصني لكن تقولو ايه على الفهلوه بتاعت الصنايعيه المهم بعد ما خت بالي
رحت قايم و متكلم معاه و يابيه العربيه دي بتاخد 2.5 من غير فلتر و 3 بالفلتر و طبعا بعد شد و جذب (مقاوحه و غباء في غباء) قالي الي يحكم مقياس الزيت و بالفعل تم تشغيل الماتور و مرور دوره الزيت كامله و تم رفع المقياس لاقينا عالي على حرف ال H بس ............
هيجت فيهوم بالذوق و الادب
و رحت مطلعهوم ال ربع كيلو من التغيير القديم من سنه لسه معايا و ده معناه ان النسب هيا 2.8
و اتفقنا انه يسحب ال 200 جرام بالشفاط و تم سحبه و تم قياس الزيت مره اخرى لاقيناه مظبوط

المشكله
النهارده الصبح و قبل ما ادور العربيه قولت ابص على مقياس الزيت تاني لاقيته بين علامه الشرشره الي هيا المقياس و حرف ال H يعني العربيه كده فيها 2.85 او 2.9 لتر

هل اروح اظبت المقاس ولا مش فارقه ال 100 جرام دول

اسف على الاطاله و تقبلوا تحياتي

**sanhory** · 23-10-2012 10:29 AM

حضرتك ضقيق قوي , الموضوع مش للدرجة دي ولا ال 200 جرام الزيادة يعملوا حاجة ولا ال 10 جرام يأثرو في حاجة

القلق لما يبقى في نص كيلو زيادة او كيلو زيادة , ساعتها بقى يبقى خطر عالموتور فعلا و ممكن يجيب بلوف صبابات

**windofchange** · 23-10-2012 10:40 AM

في فكرة احد الاعضاء عملها ربنا يباركله وبتخليك تشفط الزيت الزيادة بنفسك ولا وجع القلب مع بتوع الزيت...
هات خرطوم رفيع شفاف بيتباع بالمتر عند بتوع السمك الزينه او عند بتوع ادوات صحية تقريبا وهتدخله حشر بمعني ميكونش واسع هو يدوبك يخش من فتحه مقياس الزيت لغاية مايقف معاك يبقي وصل للكارتير الزيت وهيتبقي جزء خارج بره المقياس ميكونش طويل يعني قص الزيادة وسيب جزء صغير تركب فيه السرنجة اللي هتجيبها من الصيدلية وتكون بوظها يدخل من فتحة الخرطوم يعني خد الخرطوم معاك فالصيدلية وشوف السرنجة اللي تنفع بس غالبا لو هتجيب خرطوم الهواء بتاع حوض السمك السرنجة الخمسة سم تنفع ومتجبهاش اقل من كده ركب السرنجة فالخرطوم واشفط هيطلع معاك فالاول هواء شيل السرنجة وسد فتحة الخرطوم بصباعك وبعدين طلع الهواء منها وركبها تاني واسحب وهكذا لغاية ميجي معاك الزيت ونزل الزيادة في زجاجة مياه بلاستيك فاضية او في علبة الزيت نفسه لو ممشيتش عليه كتير الطريقة دي شغالة معايا حلو اووي ومبحملش هم لو الزيت زاد بنزله بنفسي فالبيت برواقه وممكن تسحب الزيت لو العربية باردة او سخنة شوف اللي يناسبك حسب طريقك قياسك للزيت...ايهاب

**SYD** · 23-10-2012 11:12 AM

ولا اي حاجة
اي زيادة هتتحرق معاك خلال اسبوع بالكتير وهتظهر معاك في خرطوم بخر الزيت الخارج من الموتور
اهم حاجة شوف الخرطوم واصل لفين (غالبا في عمة فلتر الهواء) ونظف مكان الزيت المتبخر

وياريت بعد كدة حضرتك تشتري الزيت من اي مكان انت بترتاحله وغيره عند ورشة او محل غيار زيت علشان تبقي واقف علي ايد الصنايعي

بصراحة

انا بخليه هو ينزل الزيت - بس انا بعبي الزيت بنفسي

تحياتي

**SAMEH_FOUAD** · 23-10-2012 12:13 PM

زى ماقال سنهورى انت ليك مسموح 1 سم بحد اقصى

**SYD** · 23-10-2012 01:20 PM

المشاركة الأصلية كتبت بواسطة windofchange

والزيادة بتاعت الزيت دي مش هتبوظ البوجيهات يابشمهندس سيد

الكلام دة لو فعلا كان زود مثلا كيلو ولا كيلو نص
لكن 200 مل مش كتير للدرجة
ونص كيلو مش كتير لدرجة انها توصل للبوجيه

**Youssef.Awad** · 23-10-2012 02:07 PM

يا محمد باشا .. سيبك من الوسوسة دى انا عمرى ما حطيت فى العربية الا 3 لتر (3 عبوات واحد لتر) من اول الزيرو لحد دلوقت ولا حصل اى حاجة على مدار سنتين والحمد لله حتى بخر الزيت على وش السلندر مش ملحوظ اوى
لكن لو متضايق وعاوز تظبطه بالشعرة دلوقت تروح لحد بتاع زيت يهوى الطبة من تحت حاجة بسيطة ويربط عالطول تانى
او بعد كده يا عمنا افتح عبوة من ال3 عبوات ونقصها ربع لتر وسلمهم 2.75 عشان تريح دماغك من القصة دى ..
خضتنى يا عم من العنوان بتاعك ده

المشاركة الأصلية كتبت بواسطة windofchange

في فكرة احد الاعضاء عملها ربنا يباركله وبتخليك تشفط الزيت الزيادة بنفسك ولا وجع القلب مع بتوع الزيت...
هات خرطوم رفيع شفاف بيتباع بالمتر عند بتوع السمك الزينه او عند بتوع ادوات صحية تقريبا وهتدخله حشر بمعني ميكونش واسع هو يدوبك يخش من فتحه مقياس الزيت لغاية مايقف معاك يبقي وصل للكارتير الزيت وهيتبقي جزء خارج بره المقياس ميكونش طويل يعني قص الزيادة وسيب جزء صغير تركب فيه السرنجة اللي هتجيبها من الصيدلية وتكون بوظها يدخل من فتحة الخرطوم يعني خد الخرطوم معاك فالصيدلية وشوف السرنجة اللي تنفع بس غالبا لو هتجيب خرطوم الهواء بتاع حوض السمك السرنجة الخمسة سم تنفع ومتجبهاش اقل من كده ركب السرنجة فالخرطوم واشفط هيطلع معاك فالاول هواء شيل السرنجة وسد فتحة الخرطوم بصباعك وبعدين طلع الهواء منها وركبها تاني واسحب وهكذا لغاية ميجي معاك الزيت ونزل الزيادة في زجاجة مياه بلاستيك فاضية او في علبة الزيت نفسه لو ممشيتش عليه كتير الطريقة دي شغالة معايا حلو اووي ومبحملش هم لو الزيت زاد بنزله بنفسي فالبيت برواقه وممكن تسحب الزيت لو العربية باردة او سخنة شوف اللي يناسبك حسب طريقك قياسك للزيت...ايهاب

دى عملية جراحية مش تغيير زيت !!! هههههههههههههه