الموضوع: أصل اللوحات بمرور الدراسة

المرة اللى فاتت وانا باتعامل مع مرور السلام (كنت بانقل ملكية العربية بإسمى) فلما رحت علشان أطلع المخالفات طلبوا منى إنى أجيب ((أصل اللوحات)) وإدونى ورقة أروح بيها مرور الدراسة لإستخراج الرقم الاصلى للسيارة حيث أنها كانت واخدة نمر مؤقتة فى الأول بينما هى فى مرور السلام ساعتها كانت واخدة النمر الجديدة .
المهم رحت وإدونى ورقة صغيرة كده مكتوب فيها رقم اللوحات بتاعت العربية وبعدين رجعت على مرور السلام بقى لاستخراج شهادة المخالفات .
طبعا كانت دوخة وضيعت يوم علشان الإجراء ده بس .

المهم بقى حد يعرف لسه الموضوع ده شغال ولا نقدر نطلع المخالفات من مرور السلام على طول . يعنى لازم برضه مرور الدراسة فى الأول ولا الموضوع كله بقى مرور السلام .

كل عام وأنتم بخير وألف شكر

المشاركة الأصلية كتبت بواسطة semi

لما تروح تجدد في مرور السلام هيطلب منك تطلع مخالفات من شباك المخالفات هناك
هتروح وبعد ما تطلعها هيطلب منك انك تجيب مخالفات النمر الاصلية بتاعتك كمان
وهيديك ورقة تروح بها المرور القديم تجيب المخالفات بتاعتها من هناك
وده اول سنه بس بعد النقل وبعد كده مش هيطلبها منك
وعارف نفسك تقول ايه انه تخلف او عبط او استهبال في الاجراءات
لكن حقيقة عن نفسي حتى الان مش قادر الاقي وصف للموضوع ده

يعنى إن شاء الله مش حيطلبوا الموضوع ده تانى ؟
أنا عملت نقل الملكية بإسمى من شهر 12 سنة 2010 ورخصت 3 سنين يعنى الموضوع بقاله سنتين