خلاص اعتقد الناس حصل عندها قله ذوق وادب دي مشكله شعب طبعه بقي همجي ومفيش ادب دا الواحد لما بيقول لواحد شكرا بيبصلوا بستغراب كانك جاي من كوكب تاني:toothgrin:
نفسي افهم مرسي هيعمل ايه للناس
يعني هيمشي واحد في كل متر يشوف لو سواق كسر علي سواق تاني ؟ دي سلوكيات شعب مرسي ولا غيره ملوش دخل فيها
هيمشي امين شرطه كل 10 متر عشان يشوف فيه سواق تاكسي بينزل زبون ولا لآ؟
برده دي سلوكيات شعب لان بتاع التاكسي ده مش شايف انه بيعمل حاجه غلط وان بيجري علي اكل عيشه
وسواق الميكروباص هتلاقيه عند عقده وفاكر اي واحد راكب ملاكي اما حرامي او امه جايبهاله وبيحاول يطلع عقده في اللي بيعمله
لايغير الله مابقوم حتي يغيرو مابانفسهم
نفسي افهم مرسي هيعمل ايه للناس
يعني هيمشي واحد في كل متر يشوف لو سواق كسر علي سواق تاني ؟ دي سلوكيات شعب مرسي ولا غيره ملوش دخل فيها
هيمشي امين شرطه كل 10 متر عشان يشوف فيه سواق تاكسي بينزل زبون ولا لآ؟
برده دي سلوكيات شعب لان بتاع التاكسي ده مش شايف انه بيعمل حاجه غلط وان بيجري علي اكل عيشه
وسواق الميكروباص هتلاقيه عند عقده وفاكر اي واحد راكب ملاكي اما حرامي او امه جايبهاله وبيحاول يطلع عقده في اللي بيعمله
لايغير الله مابقوم حتي يغيرو مابانفسهم
والله أنا قرفت من البلطجة والناس اللى بتتحكم فينا لازم نكون أيجابيين
بس فين القانون يا جماعة فين القانون اللى يشد الناس دى
حسبى الله ونعم الوكيل
آخر موقف حصل معايا
بركب ميكروباص مسافة معينة لأجرة 50 قرش بعد ما البنزين والجاز والأزمة رفعوها الحرامية البلطجية لجنيه منهم لله ربنا لا بارك فى أموالهم وصحتهم ونكد عليهم عيشتهم اللهم آمين
ركبت امبارح ميكروباص ودفعت الجنيه الاجرة
السواق وقف قبل الحتة اللى عايز أنزل فيها ب 100 متر عشان ينزل ناس وبعد ما اتحرك وبقوله وقف هنا يا أسطى
رد بمنتهى البجاحة والبلطجة وقلة الأدب ما كنت نزلت مع الجماعة اللى نزلوا ورا
شفتوا القرف يا جماعة شفتوا قلة لأدب والتسيب
المشكلة مش فى مرسى يا جماعة
المشكلة فينا أحنا محتاجين وقفة جدية معاه عشان نقدر نحارب الفساد
مرسى عشان هو إنسان محترم بيتحارب بكل قوة من الفلول زى ما احنا شايفين
وأى حد محترم وعايز يصلح هيتحارب برضه
أحنا أول هدف لينا عايزين ندمره هو الأعلام الفاسد يا جماعة هو دا اللى بيخلى الناس القلة القلائل اللى هدفهم تدمير البلد يظهروا ويتكلموا بإسمى وإسمك وبيقدروا يأثروا على النفوس الضعيفة للأسف
لكن والله احق واضح
من أهم مطالب الثورة إقالة النائب العام والدكتور محمد مرسى بقراره بيخلصنا منه المفروض إحنا كنا شجعناه ووقفنا معاه يا جماعة بكل قوة وساندنا القرار الصائب دا
هو عمل حركة ذكية بس للاسف الناس منشفة دماغها وبتنساق وراء الناس اللى عايزة تفسد مصر
حسبى الله ونعم الوكيل
الصبر ثم الصبر ثم الصبر . الناس تعبت من كل حاجة غلط بس مضطرين نصبر لحد على الأقل ما يطلعوا بالدستور . ادعيله ربنا يسدده للحق و يهدى الناس . فمن قال هلك الناس فهو أهلكهم
روى أبو نعيم في الحلية (8/91) قال : حدثنا محمد بن ابراهيم ، ثنا أبو يعلى ، ثنا عبد الصمد بن يزيد البغدادي - ولقبه من دونه - قال سمعت الفضيل بن عياض يقول : '' لو أن لي دعوةً مستجابةً ما صيرتها إلا في الإمامِ . قيل له : وكيف ذلك يا أبا علي ؟ قال : متى ما صيرتها في نفسي لم تحزني ، ومتى صيرتها في الإمامِ فصلاحُ الإمامِ صلاحٌ العبادِ والبلادِ . قيل : وكيف ذلك يا أبا علي ؟ فسر لنا هذا . قال : أما صلاحُ البلادِ فإذا أمن الناسُ ظلمَ الإمامِ عمروا الخرابات ونزلوا الارض ، وأما العبادُ فينظر إلى قومٍ من أهلِ الجهلِ فيقولُ : قد شغلهم طلبُ المعيشةِ عن طلبِ ما ينفعهم من تعلمِ القرآنِ وغيرِهِ ، فيجمعهم في دارٍ خمسين خمسين أقل أو أكثر ، يقولُ للرجلِ : لك ما يصلحك ، وعلّم هؤلاءِ أمرَ دينهم ، وانظر ما أخرج اللهُ عز وجل من فيهم مما يزكى الارض فردهُ عليهم . قال : فكان صلاحُ العبادِ والبلادِ ، فقبل ابنُ المباركِ جبهتهُ وقال : يا معلمَ الخيرِ ؛ من يحسنُ هذا غيرك .
يا باشا استهدي بالله كده. هو مرسي لحق يمسك حاجه. و بصراحه دي سلوكيات شعب. احنا طول عمرنا كده و العيب مش علي مرسي العيب علي اللي فضل ماسك البلد تلاتين سنه من غير ما يخلينا نتعلم الاخلاق و السلوك المحترم.
الفكره كلها في العلام اللي حسني حرمنا منه. تعرف هنا في سويسرا العيال و هما في الحضانه بيتعلموا ازاي يعدوا الشارع. بيجيلهم ظابط بوليس و ياخدهم في الشارع و يوريهم ازاي يعدوا الشارع و طبعا النتيجه ان الشعب كله بيعدي الشارع بنفس الطريقه و نفس الحكايه مع اللي بيتعلم السواقه بيتعلم امتي يقف و امتي يمشي و برضه النتيجه ان الشعب كله بيسوق و بيطبق نفس القواعد في السواقه.
كل ده احنا اتحرمنا منه عشان كده كل واحد بيسوق بطريقه مختلفه و عشان كده سواق التاكسي لما انت كلمته قالك هو انا عملت ايه؟؟ عشان هو فعلا مايعرفش.
تحياتي
اسمحلى اختلف مع حضرتك
لأن مرسى ممكن يعمل كتير
مثلا ....
1- يشغل الظباط اللى ملهمش شغله .... و الأمناء الصيع ... و افراد الأمن المركزى اللى بيقمعوا الشعب بس
2- يفعل القانون اللى موجود و مش شغال ....
3- تغليظ العقوبات على المخالفين الى اقصى درجه .... يعنى يبقوا عبره
يسمع افكار الشباب لحل الأزمات و يفعلها
انا كنت بدافع عنه زيك ... لكن دلوقت بنقضه و ده حقى ... الراجل ده فاشل بكل معانى الكلمه و ميصلحش رئيس جامعه حتى
انتا عارف ... فى دول الخليج لما تريلا بتتمسك معدى السرعه او مش ماشى فى حارته بيتعمل فيه ايه ؟ هقولك يا سيدى من واقع حكاوى قرايبى و رأى العين منهم
1- حبس + ترحيل فورى
2- غرامه بالألاف على كفيله
3- غرامه بالألاف على صاحب العربيه او الشركه اللى مشغلاه
4- لو الموضوع اتكرر لنفس العربيه مع اختلاف السائق بيخدوا العربيه كلها
يبقى متقوليش سلوك و بتاع ..... قولى قانون
الناس دى مش زياده عننا ايد ولا رجل .... الناس دى عندها قانون
القانون ده و اليه تطبيقه وظيفه الدوله ... اللى مرسى بيه رئيسها
مفيش حاجه اسمها كده .... و الريس اللى ميعرفش يفكر و يبتكر يبقى خايب ... و اللى حواليه اخيب
فى حاجه اسمها قانون ... و ردع للكل .... الكبير و الصغير
رئيس الدوله يعنى رئيس الجيش و رئيس جهاز الشرطه
يعنى يقعد معاهم و يعمل اجتماعات لحل الأزمات و يطلع منها بقوانين رادعه و اليات تنفيذ و خطط زمنيه
كل ده مشفناهووووووووووش ولا هنشوفه