بخصوص حجز السيتي2008/2009

السلام عليكم
للاخوة اللي كانوا بيسألوا علي حجز السيتي الايام اللي فاتت
امبارح يا جماعة كنت في توكيل الدائري .. و احنا هناك قولنا نسأل بالمرة علي اخر اخبار السيتي ...
قابلنا ا محمد محمود .. و قالنا انهم عندهم عربيات دلوقتي تسليم فوري .. مانيوال 84000 و اوتو 94000 و اللي موجود ابيض ( سكري ) و اسود و رمادي .. و اعتقد انه قال فضي كمان ..
حسب كلامه ان العدد مش كتير .. و لازم برده دفعة حجز الاول 10000.
* لما سألته عن مو 2009 و هل هو هو نفس الشكل و اللا حيتغير .. و حينزل امتي .. قال انه مفيش اي معلومة لحد دلوقتي .
---------
تحياتي

كويس ومشطور على السئوال بس انا كان نفسى اعرف اخبار 1500 ايه هتنزل ولا ايه . على فكرة انا فى زيارة لمدة شهر فى الهند الهوندا هنا منتشرة بصورة غرييييييييييييييبة جدا كتيييرة جددددددددددددا سيتى وسيفيك واكورد وعلى فكرة كلها موديل السنة والسيتى خاصة

ال 1500 بطلوها من فترة .. و مفيش اخبار انها حتيجي تاني...كان فيه ناس قالت ان ال(جاز ) حتنزل و حتكون 1500 لكن برضه مفيش اي اخبار مؤكدة

طب والحل انا شخصيا لا احب 1300 لانى انا طول عمرى معايا سيفيك 1500 واعتقد ان 1300 مع الاستهلاك الكتييير والسفر الكتيير و الجرى مع الاوتوماتيك والتكييف تكون ضعيفة نشوف صنى بأه ولا ايه

الشكل اتغير فعلا وهتنزل فى شهر نوفمبر فى كل الدول مرة واحدة والكلام ده انا شوفتوه منشور بصورة رسمية هنا فى الهند - حيث يوجد مصنع لتجميع الهوندا -

اهلا باللى موجودين هنا كلهم بصراحة انا كنت عاوز اعرف شكل السيتى الجديد هايكون عامل ازاى وهل 1300 سى سى هاتكون مناسبة للجرى والسحب

و الله لو انت عايز عربية تجرى بيها اوى بلاش ال 1300 و شوف ال 1500 منها عشان هى بصراحة عن تجربة العربية حلوة بس 1300cc على سرعة 130 الRPM بيوصل مثلا 3.5 او 4 و ده طبعا عالى يعنى بالشكل ده هتعمر الموتور بعد شهر :)

ممكن يحد يقولى سعر السيتي 1500 مانيوال فول اوبشن بكام وهل هى موجوده حاليا ولا مفيش غير ال 1300 بس