رحت لمحمد عبده انا و صاحبي امبارح
السلام عليكم
طبعا انا كنت نزلت موضوع عن عضة الفتيس اللي في الغيار الاول فقط و بعديها استاذ محمد ممدوح قالي روح لمحمد عبده هيظبطك
المهم توكلت علي الله و طلعت من الشغل عليه مباشرة و واحد صاحبي معاه لانوس لسه شاريها و الصنايعية بهدلوه قالي انا هاجي معاك بالمرة اكشف علي العربية
المهم مش هوصف الطريق قد ايه زحمة و كمية التكاتك و الميكروباصات اللي منغير نمر ولا فوانيس ولا اي حاجة و مخبوطة من كل حته و الرعب اللي الواحد كان فيه من ان العربية تتخبط
طبعا توهت توهان السنين و في الاخر اتصلت بأستاذ طارق وصفلي وصف دقيق للمكان و وصلت و الظريف ان كنت بكلم محمد عبده مش بيرد و متصلشي عليا غير لما كنت قدام الورشة هههههه
وصلت كان هو لسه مجاش من التوكيل و المساعد بتاعه بص علي العقربة و قالي فيها بوش جامد و لازم تتغير فبقوله دي بتيجي جديد ولا استيراد قالي مفيش منها جديد !!!! طبعا عرفت انه مش عارف اي حاجة في الموضوع ده فسكت و قولت اسال محمد عبده لما يجي
المهم حاول يظبط الرجلاش بتاعها و عمل كل اللي يقدر عليه و في الاخر برضة العيب فضل موجود و قولت استني محمد عبده افضل
بعديها بساعة محمد عبده جه و كشف علي عربية صاحبي و كتبنا ورقة تفصيلية هي عايزة ايه و كبس له دورة التبريد و طلع كوع الريادياتير بايظ و قاله هتغير العلبة بتاعته و صاحبي كان مبسوط انه اخيرا لقي صنايعي بيفهم
جه الدور علي عربيتي المهم فبص علي العقربة و قالي دي لازم تتغير و لازم تيجي جديدة و ساعتها اتأكدت ان الصبي كان مش عارف
المهم قولتله الفرامل اللي ورا بحس انها قافشة حاجة بسيطة كده فقالي انت غيرت ماستر قريب !! قولتله اه !! قالي هتلاقي الراجل اخد هواء و مظبطشي الرجلاش الخلفي !!! قولتله اه !!!
فك و ظبط الرجلاش و قالي البلي الخلفي عايز يتغير و شحمة كويس و ظبط الرجلاش و الفرامل اتحسنت
و انا مروح سمعت صوت في العجلة اللي ورا يمين و اظن ان تيلة الامان هي اللي بتحك بس لما اروحلة تاني هخليه يشوفها
خلاصة التجربة انه محمد عبده صنايعي فاهم كويس اوي و بيحب محمد ممدوح جدا جدا و وراني صورة العربية النوبيرا اللي عدلوها سنه 2004 :)
طبعا انا قولتله استاذ طارق بيسلم عليك و جيلك بعد العيد عشان عربيته بتشخلل فضحك و قالي مين طارق علاء الدين :) قولتله اه و انا مش متأكد من الاسم :)
صاحبي هيشتري الحاجات اللي قالوا عليها و رايحلة انهردة تاني بس انا مش هقدر اروح معاه بصراحة يومين ورا بعض صعب :E_braces[1]: