العربية فابريقة بالكامل واحد حيوان طرطش نقط لاكية على السقف ولزق جامد جدا حاولت بتنر مش راضى يطلع اعمل اية فى الفيرنا بتاعتى انا مش طايق شكلها كدة
عرض للطباعة
العربية فابريقة بالكامل واحد حيوان طرطش نقط لاكية على السقف ولزق جامد جدا حاولت بتنر مش راضى يطلع اعمل اية فى الفيرنا بتاعتى انا مش طايق شكلها كدة
انا كان حصل معايا موقف زى دة بس بوقع نقط بوية على السقف وشيلتة بالبنزين جرب كدة
انا كنت بشيلها ببنزين 92
وياترى اتشالت على طول و ماسبتش اثر
جرب الاسيتون
ثم البنزين
ثم الجاز وهيتشال ان شاء الله بدون أثر
جربهم بالترتيب لو الاسيتون مجابش نتيجة جرب البنزين وهكذا
جربت الاسيتون و الجاز ماشالوش حاجة لسة البنزين
جرب wd40
هوووووف مافيش فايدة البنزين و الwd4 برضة مش جايبين اى نتيجة اعمل اية
اللاكيه من مواد الطلاء صعبة الازالة و الحل الوحيد هو انك ممكن تسأل واحد متخصص في دهانات اللاكيه و هو يفيدك عن المادة اللي ممكن تشيل النقط دي بيها. الحل الثاني و هو الأصعب أنك تجرب صنفرة ناعمة جدا بتاعة السمكرية و تحاول تزيل النقط دي و لازم لازم يكون مع الصنفرة ماء و الا يحدث مالا تحمد عقباه و هو ازالة بوية السيارة و ان شاء الله ربنا يوفقك للحل الأمثل اذا كان أحد الزملاء ممكن يكون عنده المعلومة الأفضل
روح لبوهيجى وهيعملك اللازم من غير متتوتر
العربيه اتحسدت ولا إيييه الحمدلله انها جت على قد كده
روحت لبتاع دوكو قالى تعالى بكرة عشان كان مشغول ب 3 عربيات و هاشيلهولك بس مش عارف ازاى
اة بجد اتحسدت لان كل اللى يشوفها يفتكر انها 2011 لكن هية 2008 و نضيفة جدا
أنا رأييى تستشير م/ كريم منير وانشاء الله يكون عنده المفيد
Anmelden | Facebook
فيه مذيب عضوي قوي اسمه زايلين
Xylene
لو تعرف تجيبه هيحللك المشكلة كلها
سيبك من حكاية الحسد دى يا راجل شوية جاز وسنفرة ناعمة(انعم سنفرة) وبحساسية شديدة على نقط اللاكية وكل شوية تغير قطعة السنفرة+شوية صبر وبالتوفيق----ملحوظة لية جاز؟ حتى لا يتطاير بسرعة علاوة على عدم تاثيره على البوية الاصلية----ولا تنسىالغسيل باى صابون بع ما تخلص
بل اي قطعه قماش بشويه بنزين
اي مركز دهان سيارات استشيره
استعمل كومباوند وهو هيشيله وبعدها لمعها بشوية بوليش عشان اللون هيطفي بعد الكومباوند.
بص ياباشا هات من أي محل حدايد وبويات كمبوند علبتين واحده ناعمه وواحده خشنه الواحده ب 5 جنيه حط من الخشنه الأول وبقطعة قطن كبيره حكها جامد لحد ماتروح وبعديها بالناعمه وهتبقى زي الفل أنا حصلت معايا كتير جدا الموضوع ده
الحل الوحيد هو الثنر من عند اى موان بس حط كام نقطة على قطنة نظيفة وامسحها
الموضوع ده حصل معايا قبل كده, هات "نفط " من عند بتاع الحدايد و البويات و بحرص شديد حط شوية صغيرين على فوطة و على البوية و تدعكها خفيف و بعدين بسرعة مياه بصابون و تكمل . و ممكن تكرر العمليه لو البويه ماطلعطش من أول مرة.