عاوز شقه

**bHa2** · 23-10-2012 03:42 PM

دلوقتي انا بدور ع شقه ف حدود 240 : 260 قسط
ف وانا بدور ع النت شفت اعلان عن الكوربه الجديده
بس مش لاقي ليهم اي سايت ع النت عشان انتأكد ان الموضوع بجد
عشان الاسعار حلوه ف استغربت يعني
فلو حد سمع عنها او جربها ياريت يقول رأيه فيها
ثانياً لقيت ف العبور ف الحي التاسع و التالت
مساحات حلوه وسعر المتر كاش 1500 و قسط 1800
سؤالي لساكني العبور
هل الاحياء دي فيها خدمات
ومناطق حيه كده ولا لسه صحرا و بتتبني
ونفس الكلام ع الكوربه
مكانها فين بالظبط ولو فيه حد يعرف السايت بتاعهم ياريت يكتبه

**أبو_يوسف** · 23-10-2012 05:10 PM

الكوربة الجديدة اللي في مدينة هليوبليس الجديدة؟
لو كدة يبقى اسعارها واسعار المنطقة كلها حلوة لانها لسه مدينة جديدة خالص.. متستغربش يعني:)
هي بعد الشروق وقبل بدر..

**bHa2** · 23-10-2012 05:24 PM

المشاركة الأصلية كتبت بواسطة timtim

الكوربة الجديدة اللي في مدينة هليوبليس الجديدة؟
لو كدة يبقى اسعارها واسعار المنطقة كلها حلوة لانها لسه مدينة جديدة خالص.. متستغربش يعني:)
هي بعد الشروق وقبل بدر..

دا الاعلان اللي شفته
‫بادر بحجز شقتك بكمبوند الكوربة الجديدة - شقق للبيع بالتقسيط في القاهرة - مصر‬

انت تقصد الشروق اللي هي ع مصر اسماعيليه ولا حاجه تاني
انا عاوز حاجه مش بعيده اوي برضه
حاجه يكون ليها مواصلات داخل المدينه
وبصراحه مش عارف العبور و الكوربه الجديده ليهم مواصلات داخل المدينه ولا لازم اخد طريق مصر اسماعيليه خاصه ان مفيش سياره خاصه معايا حالياً

**mohamed_selim** · 23-10-2012 05:25 PM

اه الكوربه الجديده فى هليووبوليس الجديده بعد الشروق على طريق السويس .. هليوبوليس الجديده هى الارض المحصوره بين الشروق و بدر
الكوربه الجديده مش مشروع مستقل لشركه على ما اظن بس فى كذا شركه بتبنى و تسوق فيه ... جرب بريدج بشوف اعلاناتهم و رقمهم 16410