-
الرجاء المساعدة
سلام عليكم يا جماعة
انا من حوالى 3 اسابيع استلمت فولفو 244 1976 (بس قبلها بشهر او اكتر كانت عند الميكانيكى والكهرباء وكده)
المهم
المشكلة الاولى
انه فى صوت تفتفة كده بيسرع مع دوسة البنزين وفيه رعشة فى الموتور وهوه بارد ولما بطفى الموتور ساعات كده يرعش رعشة او اتنين ويفصل (يعنى زى الكهرباء لسه مفصلتش)
بعد اما مشيت اسبوعين كده رحت نزلت الزيت ولقيته كمية كتيرة جدا (والراجل قالى حرام اللى فيها ده)
وغيرت وحطيت التعاون SJ 20w-50 4litersوبعدها بيومين غيرت فلتر الزيت
المشكلة التانية
روحت بيها مشوار من كام يوم وانا نازل سحبت المفتاح وتفاجأت لما رجعت انه كان على التشيك وزعلت جدا مشييت يا دوب 10 متر ومرضيتش تدور قعدت اديها بنزين من جنب الموتور علشان حسيتها شرقانة او حاجة زى كده المهم وقفت 10-15 دقيقة ودارت زى الفل
امبارح وانا ماشى تمام مرة واحدة بدوس بنزين متلقطش وبعدها العربية تفصل
رحت وقفت مفيش دقيقة ومشيت تانى تمام
المشكلة الثالثة
انهارده يادوب دورت (كانت مركونة من امبارح) بس كنت مستعجل استنيت حوالى دقيقة او اكتر واديت مارش وطالع براحة حسيت العربية كتمت مرة واحدة وسمعت صوت غريب (ملوش وصف) ورعشة جامدة وبعدها طلعت كمية عادم رهيبة من الشكمان كل ده حوالى ثانيتين (بس ماخدتش بالى من اللون) بعدها مشييت محصلتش حاجة
انا هنا حفييت على ميكانيكية لقيت بس 2 حتى الان فولفو وبعد العيد(كل سنة وانتم طيبين) حروح لحد فيهم (لان الاول شغلى معجبنيش وحصلت مشكلة معاه)
ملحوظة (العربية ماشية على بنزين 80)
ياريت ياجماعة لو تطمننونى والحاجات دى صعبة ولا لأ واركن العربية ولا عادى بسيطة مع العلم انا مش بقرص على العربية ومشى خفيف جدا
شكرا مقدما واتمنى تطمنونى
-
هوه انا ليه حاسس ان كل اسئلتى صعبة ؟
-
ككل عام وحضرتك بخير .. مش اسئله صعبه ولا حاجه ولكن كل الى شاهدوا الموضوع وانا منهم بيحبوا يردوا لو كانو عارفين او اقل تقدير عندهم فكره ولو معقوله عن اسباب المشكله ومفيش رد اكيد لعدم توافر ماسبق ... المهم ممكن تطرح السؤال تانى فى قسم الفولفو اكيد حتلاقى إجابه شافيه .
Content Relevant URLs by
vBSEO 3.6.0 PL2