كام سؤال كده قيل ما اروح التوكيل
بداية كل عام و انت بخير بمناسبة العيد
انا الحمد لله اشتريت لوجان و بقالها معايا تقريبا شهر و فاضلي كام كيلو و هكمل الالف و اروح علي التوكيل طبعا عشان يشيكوا علي العربية بس كان عندي كام سؤال
- اما بسيب العربية علي النيوترال و الكلاتش متعشق بسمع صوت من الجير بوكس..لك لك لك لك لك و في حالة اما دوس علي الكلاتش بيختفي الصوت
هل ده طبيعي؟؟؟...انا كنت قريت هنا في احد المشاركات ان ده عادي و ممكن يكون بسبب ان زيت الجير بوكس لسه مسخنش و هكذا بس الصراحة انا مش مقتنع بالكلام ده خصوصا ان في واحد صاحبي معاه لوجان برضه و مسمعتش الصوت ده
- دواسة البنزين عندي مدلدلة في الارض جامد وانا دايس عليها بتبقي رجلي تقريبا في مستوي تحت الفرامل و اللي اعرفه ان المفروض الدواسات تبقي علي مستوي واحد فعايز اعرف هو كده ده الطبيعي بتاع اللوجان و لا هي ممكن تترفع شوية عشان هي مضيقاني جدا
- صوت الموتور: انا عارف انه عالي بس السؤال هو صوته طبيعي زي بقيت مواتير البنزين و لا هي اللوجان كده لان انا بحس ان انا راكب عربية بموتور سولار
وشكرا مقدما