كنت عايز اعرف رأيكم بالنسبة لسبرانزا a 113 يعني سعرها و بالنسبة للي عنده العربية دي يقوللي ايه مشاكلها و عيوبها و هل عيوبها اكتر من مميزاتها فارجو الافادة
عرض للطباعة
كنت عايز اعرف رأيكم بالنسبة لسبرانزا a 113 يعني سعرها و بالنسبة للي عنده العربية دي يقوللي ايه مشاكلها و عيوبها و هل عيوبها اكتر من مميزاتها فارجو الافادة
ممكن تدخل على قسم اسبرانزا وتشوف رأى ملاكها ايه ؟
اوعى تشترى العربيه دى مش حلوه خالص عندنا واحده فى البيت افرجك عليها لو عاوز ماشيه 70000
العربيه معايا بقالها سنتين و زى الفل ما شاء الله مبعملهاش غير الصيانه العاديه العيب الوحيد ان عفشتها ناشفه و محتاجه تتربط كل فتره و التانيه بس مش كل يوم و لا شهر يعنى و العربيه مش بتاعه غرز و خمسات و الحاجات دى مش بتاعه بهدله يعنى استعمال عادى . العربيه فى رنج سعرها صفقه رابحه و استخير ربنا اولا و اى استفسار انا تحت امرك.
العربية معايا موديل 2011 ماشية 20000 مفيش فيها اكتر من الصيانة الدورية وزي ما كل الي ركبها قال مفيش عيب اكتر من العفشة الناشفة اسال الي ركب العربية بالفعل ومتسالش الي سمع عنها لان اتقالي كلام كتير اوي قبل ما اشتريها والعربية في انتشار رهيب بدليل ان انا شارياها 2011 ب 51 الف النهارده 2013 ب 58 الف وبالتوفيق ان شاء الله
اخى الفاضل تعقيب بسيط ..
حضرتك حذرته من العربية وقولتله اوعى تشتريها .. بعدين رجعت تقوله عند واحدة لو عايز يتفرج عليها ويشتريها وكمان مستعملة .. طيب تيجى ازاى؟ وماشاء الله ماشية 70 الف ومبعتهاش لحد دلوقتى؟ امال ايه عيوبها على كده مادام باقى عليها وهى تعباك لحد ال 70 الف؟
انا مشتريها من شهر فبراير 2011 وبرضه السيانه العادية بتاعتها في التوكيل
بسي ان شاء الله هغير من التوكيل علشان مشكلتهم انهم غاليين في الصيانة خصوصا الكبيرة بتاعت تغيير الزيت
هي العربية عامله معايه 30000 كيلو والحمد لله لسه مغيرلها الكاوتش من يومين ملقتش المقاس بتاعها جبت الاعرض شوية r14 185/60 وشغال الحمد لله ومريح العربية وبعدين حسيت ان العريض لما ركبته مش بقيت احس بالمطبات .
انا معايا العربية شاريها مستعملة موديل 2007 لحد دلوقتى ماشية 30000 كيلو
العربية أكتر من ممتازه ناعمة جدا بتمشى ببق بنزين واسعة الى حد ما من الداخل
عيوبها
عفشة ناشفة تفكك كتير و محتاجه تربيط شنطة عربية صغيرة زيادة
العيب الأقوى الكهربا بتهيس بدون سبب و بيحصلها سقطات لا يعلم عنها كهربائى السيارات أى شىء
و كونترول الكهربا تحت كرسى السائق بيبوظ بسرعة