الموضوع: سبرانزا a 113

العربيه معايا بقالها سنتين و زى الفل ما شاء الله مبعملهاش غير الصيانه العاديه العيب الوحيد ان عفشتها ناشفه و محتاجه تتربط كل فتره و التانيه بس مش كل يوم و لا شهر يعنى و العربيه مش بتاعه غرز و خمسات و الحاجات دى مش بتاعه بهدله يعنى استعمال عادى . العربيه فى رنج سعرها صفقه رابحه و استخير ربنا اولا و اى استفسار انا تحت امرك.

العربية معايا موديل 2011 ماشية 20000 مفيش فيها اكتر من الصيانة الدورية وزي ما كل الي ركبها قال مفيش عيب اكتر من العفشة الناشفة اسال الي ركب العربية بالفعل ومتسالش الي سمع عنها لان اتقالي كلام كتير اوي قبل ما اشتريها والعربية في انتشار رهيب بدليل ان انا شارياها 2011 ب 51 الف النهارده 2013 ب 58 الف وبالتوفيق ان شاء الله

المشاركة الأصلية كتبت بواسطة megaman

اوعى تشترى العربيه دى مش حلوه خالص عندنا واحده فى البيت افرجك عليها لو عاوز ماشيه 70000

اخى الفاضل تعقيب بسيط ..
حضرتك حذرته من العربية وقولتله اوعى تشتريها .. بعدين رجعت تقوله عند واحدة لو عايز يتفرج عليها ويشتريها وكمان مستعملة .. طيب تيجى ازاى؟ وماشاء الله ماشية 70 الف ومبعتهاش لحد دلوقتى؟ امال ايه عيوبها على كده مادام باقى عليها وهى تعباك لحد ال 70 الف؟

انا مشتريها من شهر فبراير 2011 وبرضه السيانه العادية بتاعتها في التوكيل
بسي ان شاء الله هغير من التوكيل علشان مشكلتهم انهم غاليين في الصيانة خصوصا الكبيرة بتاعت تغيير الزيت
هي العربية عامله معايه 30000 كيلو والحمد لله لسه مغيرلها الكاوتش من يومين ملقتش المقاس بتاعها جبت الاعرض شوية r14 185/60 وشغال الحمد لله ومريح العربية وبعدين حسيت ان العريض لما ركبته مش بقيت احس بالمطبات .

المشاركة الأصلية كتبت بواسطة khaled_Saga

اخى الفاضل تعقيب بسيط ..
حضرتك حذرته من العربية وقولتله اوعى تشتريها .. بعدين رجعت تقوله عند واحدة لو عايز يتفرج عليها ويشتريها وكمان مستعملة .. طيب تيجى ازاى؟ وماشاء الله ماشية 70 الف ومبعتهاش لحد دلوقتى؟ امال ايه عيوبها على كده مادام باقى عليها وهى تعباك لحد ال 70 الف؟

ياعم خالد ماانت عارف اللى فيها الهجوم فقط عربيه عامله 70000 ياه وحشه اوى اوى