-
انا اسفة بس انا فعلاً معترضة على الحركات دي..
انا طبعاً عمري ما باعمل الحركات دي, و بصراحة مش فاهمة ايه العلاقة ما بين اني ابقى فرحانة في فرح و ما بين اني امشي بالعربية زي البطة الدايخة !!
ده غير اني لما بابقى سايقة و الاقى حد قاعد يعمل حركات كده, سوري يعني بس بدعي عليه من قلبي ان عربيته تقف عشان بجد باترعب.. خاصة ان مفيش شارع في مصر مفيهوش عربيات حواليك يعنى !! و لو الدركسيون فلت ولا العربية حصل فيها حاجة يبقى شكراً يلبس في أي حد !!
ده غير طبعاً العادة المصرية الرائعة في كمية الازعاج بتاعت الكلاكسات في الأفراح.. يعني لازم ازعج الناس اللي حواليا و اضايقهم عشان افرح ولا ايه؟؟
بجد البلد مش هاتتقدم طول ماحنا بنعمل السلوكيات دي..
لو عايز تعمل حركات ممكن تروح في اى طريق فاضي و تعيش عليه.. و يا ريت يبقى الجمعة قبل الصلاة كمان بقى عشان نضمن ان مفيش حد !!
و سوري لو كلامي يضايق بس nothing personal, الطريقة دي بتضايق اياً ما كان اللي عاملها.. و ساعة فرح اخويا كنت راكبة مع قريبى و قفشت عليه عشان فكر يتفزلك و يعمل الكلام ده و مشيته زي الألف..
-
ربنا يهديك و يبعد عنك و عنا الهلاك
انا لما بكون ماشى فى الشارع و فى زفه و حد بيعمل كده .... بقعد ادعى عليه دعا ... ربنا يجعله من نصيبه
الخلاصه ... لو عايز تعمل كده ... يبقى فى مكان فاضى ... مفيهوش عربيات ولا بنى ادمين ... غير كده يبقى مش من حقك
الواحد فى يوم زى ده ... المفروض يبتغى مرضاه الله ... مش يدور على الهلاك
-
اولا الف مبروك لاخوك
ثانيا حرام عليك عربيتك وانك ممكت تعرض ارواح ناس تانية للخطر
يعنى انت اول مره هتعمل الحاجات دى ممكن تؤدى الى كارثة
دا انت ممكن تخبط عربية العريس نفسه و الاسوء انك تخبط حد فى الشارع
Content Relevant URLs by
vBSEO 3.6.0 PL2