شقة طالعة من عيني

**lancerevolution** · 24-10-2012 12:40 AM

انا كنت سمعت إن القرض الى بتجيبه عشان تشترى بيه تاكسى تشتغل عليه مباح إنما القرض الى علشان عربية للبيت لا يجوز ... يعنى فى الضرورة فقط
لو كنت مثلا فى شقة إيجار و مش لاقى غير دى يبقى ماشى و فى أضيق الحدود و ممكن تشوف حد تستلف منه " والدك أو إخواتك " الفلوس و ترجعهالوا أكنها إيجار بتدفعه بحيث إنه ما يقرصش عليك فى مرة لأن خد بالك الدين شىء صعب جدا على النفس

**sayed911** · 24-10-2012 03:17 AM

المشاركة الأصلية كتبت بواسطة shaddadfalcon1

انت فين ياعم من زماااااااااااااااااان

انا موجود دائما والله يا حج ها اروح فين يعني منى هنا اهو :)

**M.Elwan** · 24-10-2012 03:35 AM

اغلب البنوك دلوقتى بقى فيها تمويل عقارى فيه 7 سنين و10 سنين وفيه بيوصل ل15 سنة
اهم حاجة تكون الشقة متسجلة والقرض بيتحسب على المرتب وعليه فؤائد رهيبة بس فيه ميزة كويسة انك لو عملت قرض مثلا على 15 سنة وجيت بعد سنتين مثلا دفعت جزء كبير كاش من القرض بيعملك جدولة ويحسبلك القسط والفوائد من جديد على المبلغ المتبقى فقط

اما بالنسبة لربا او مش ربا بصراحة مقدرش افتى فى حرام او حلال
بس ده نظام دولة والدولة بتقترض كل يوم من العالم كله وبتدفع فؤائد القروض دى المفروض انها بتتصرف علينا واحنا بنستفيد منها واقساط القروض وفوائدها احنا اللى بندفعها من الضرائب وخلافه والمشاريع القومية بتتعمل بقروض واحنا بنستفيد منها زى انشاء محطات الكهرباء مثلا
ولما بتحط فلوسك فى البنك, البنك بيديك فوائد عليها
والله اعلم

**shaddadfalcon1** · 24-10-2012 05:46 AM

الله يكرمكم ياجماعه محدش يفتي في حلال وحرام عشان ميكنش سبب في دخوله النار

وموضوع شراء تاكسي ده برده معتقدش انه حلال لانه مش ضروره لانك ممكن تشتغل شغلانه تانيه

القرض حلال في حالة اذا كنت هتموت او مش لاقي اي مكان تسكن فيه يعني بيتك اتهد مثلا ومعكش تاجر او تشتري
ولو هتعمل عمليه ومعكش فلوسها ولو معملتهاش هتموت مثلا

وممكن تسال دارا لآفتاء في حالتك هيبقي ايه

**moody_687** · 24-10-2012 02:08 PM

الف شكر ليكم ياجماعة ع نصيحتكم الغالية هى الشقة موجودة ف العجمي بالنسبة للاستاذ اللي سئل عن مكان الشقة فين
الشقة دي انا هبتدي فيها حياتي لو ربنا كرمني ان شاء الله بس الاسعار بقت غالية جدا انا حاسس ان الربع مليون دوول بقوا مبلغ اى كلام ولو لقيت حاجة ب 150 الف مثلا تلاقيها مجروحة انا بقيت مستغرب جدا بالرغم ان ف عمارات طلعت كتير بعد الثورة والشقة اللى شوفتها دي برده ف عمارة اتبنت بعد الثورة يعني المفروض الاسعار تنزل
انا الوالد عندى هو اللي هيدفعلى المقدمة وانا اتكلمت مع صاحب الشقة وعايز يقسطها بكتيره ع سنتين ده بالعافية معاه وانا بصراحة مرتبي هدفعه فالقسط بس ابويا قالي انا ممكن اساعدك ف القسط بس انا مش اضمن عمري
والله مبقتش عارف اعمل ايه ياما اخد شقة بسعر رخيص وتكون مجروحة من جميع الجهات ويااما اخد شقة متكنش مجروحة بس تكون غالية والله انا بقيت محتار

**GMC** · 24-10-2012 04:05 PM

المشاركة الأصلية كتبت بواسطة moody_687

الف شكر ليكم ياجماعة ع نصيحتكم الغالية هى الشقة موجودة ف العجمي بالنسبة للاستاذ اللي سئل عن مكان الشقة فين
الشقة دي انا هبتدي فيها حياتي لو ربنا كرمني ان شاء الله بس الاسعار بقت غالية جدا انا حاسس ان الربع مليون دوول بقوا مبلغ اى كلام ولو لقيت حاجة ب 150 الف مثلا تلاقيها مجروحة انا بقيت مستغرب جدا بالرغم ان ف عمارات طلعت كتير بعد الثورة والشقة اللى شوفتها دي برده ف عمارة اتبنت بعد الثورة يعني المفروض الاسعار تنزل
انا الوالد عندى هو اللي هيدفعلى المقدمة وانا اتكلمت مع صاحب الشقة وعايز يقسطها بكتيره ع سنتين ده بالعافية معاه وانا بصراحة مرتبي هدفعه فالقسط بس ابويا قالي انا ممكن اساعدك ف القسط بس انا مش اضمن عمري
والله مبقتش عارف اعمل ايه ياما اخد شقة بسعر رخيص وتكون مجروحة من جميع الجهات ويااما اخد شقة متكنش مجروحة بس تكون غالية والله انا بقيت محتار

ربع مليون في العقارات دلوقتي ولا حاجه فعلا الله يرحم ايام زمان

فكرتني لما رحت اشوف شقة في مصر الجديده وجالي صاحب العماره بس محصلش نصيب

المهم الشقق جمب سيتي استارز طلع انه واخد كام ارض على كام عماره ايام مصر الجديده

ما كانت صحرا والناس بتخاف تروح هناك هههههههههههههههههه

انا حروح اخد في الصحراوي يمكن يغلى بعد كام سنه d:

**shaddadfalcon1** · 24-10-2012 04:34 PM

المشاركة الأصلية كتبت بواسطة moody_687

الف شكر ليكم ياجماعة ع نصيحتكم الغالية هى الشقة موجودة ف العجمي بالنسبة للاستاذ اللي سئل عن مكان الشقة فين
الشقة دي انا هبتدي فيها حياتي لو ربنا كرمني ان شاء الله بس الاسعار بقت غالية جدا انا حاسس ان الربع مليون دوول بقوا مبلغ اى كلام ولو لقيت حاجة ب 150 الف مثلا تلاقيها مجروحة انا بقيت مستغرب جدا بالرغم ان ف عمارات طلعت كتير بعد الثورة والشقة اللى شوفتها دي برده ف عمارة اتبنت بعد الثورة يعني المفروض الاسعار تنزل
انا الوالد عندى هو اللي هيدفعلى المقدمة وانا اتكلمت مع صاحب الشقة وعايز يقسطها بكتيره ع سنتين ده بالعافية معاه وانا بصراحة مرتبي هدفعه فالقسط بس ابويا قالي انا ممكن اساعدك ف القسط بس انا مش اضمن عمري
والله مبقتش عارف اعمل ايه ياما اخد شقة بسعر رخيص وتكون مجروحة من جميع الجهات ويااما اخد شقة متكنش مجروحة بس تكون غالية والله انا بقيت محتار

طيب انت رايح بعيد قوي كده ليه
لو عايز حاجه حنينه بص في سيدي بشر قبلي ممكن علي الترام هتلاقي حاجه كده برده وارخص كمان ولو دخلت قبلي اكتر ناحية مصطفي كامل هتلاقي ب 150 واهي تبتدي بيها شويه وبعدين ابقي بيع واشتري تاتي في حته اعلي وده اللي انا عملته بصراحه