الموضوع: العربيه بتاعتي دارت دارت

الحمد لله قدرنا نفك الشفره عند صابر والعربيه اشتغلت وهو دلوقتي بيعملها طقم سيرفيس كامل وان شاء الله اروح اجيبها بكره .. المهم اني عايز اغسلها بره وجوه لانها مركونه من حوالي سنه يعني عايزه تتنقع في بيسين يومين .. ايه احسن مكان اروحه يكون في مدينه نصر او العباسيه او القاهره الجديده ويا ريت الاسعار هتكون في رنج كام وشكرااا

الله يبارك فيكم جميعا والف الف شكر علي المساعده .. وان شاء الله اول ما استلم العربيه من صابر واعارخصها واغسلها في الكار كير. هعمل تقرير وافي وكامل عن انطباعي عن العربيه وهنزل صورها لتعم الفائده.....
اما بالنسبه للشفره فالمشكله كانت عويصه شويه لاني مش معاييا السريال نمبر وكمان المفتاح الوحيد بتاعها كانت الفحمايه بايظه جواه وكمان اخدت رقم الشاسيه وعقد العربيه لاني لسه مرخصتش وروحت التوكيل علشان يطلعولي السيريال نمبر فوجئت ان العربيه لا يوجد لها ملف عند التوكيل . معني كده ان المخابرات اللي اشتريت منها العربيه اكيد كانت مستورده العربيه بنفسها من المنيا دون وساطه الوكيل.. المهم ربنا كرمنا وصابر بعت حاجه كده مدوره وفيها كارت غريب فكها من عند الكونتاكت لمهندس يعمل في التوكيل وقدر بعد عناء يفك الشفره بتاع العربيه ويعرف السريل نمبر اللي 4 ارقام وبناء عليه والده راح وجاب البتاع ده من المهندس في شارع احمد سعيد بنفسه وما استناش دلع صابر ورجع لصابر .. صابر راح مطلع كيس صغير في بتاع كده زي قشره اللب السوداء وراح حططها في المفتاح وراح موصل بالكومبيوتر وكتب السيريال نمبر وحط المفتاح في الكونتاكت ودور وفجاهه دااااااااااارت العربيه بس كانت مخنوقه وفصلت راح مغير فلتر البنزين ودور يا جدع ودارت العربيه بهدوء وقامت بالسلامه من رقدتها وهو دلوقتي المفروض انه بيغير فلاتر وزيت وتيل والزي منه.. وشكرا جزيلا علي اهتمامكو
... علي فكره نسيت اقول ان الحمد لله صابر لما شاف العربيه بعد ما دارت وقاس كبش المتور قاللي انت كده معاك ماتور زيرو بمعني الكلمه . الحمد لله العربيه ماشيه 48000 كيلو فقط يعني اتركنت كتييير