مساعدة بخصوص زيت فيرنا

**blazer** · 24-10-2012 03:13 AM

المشاركة الأصلية كتبت بواسطة alrazy

انا باستعمل كاسترول ايدج تخليقى 100% و دى لثالث مره و صوت المكنه هادى ..... كان فى تكتكة مع الدواره الصبح مع شل الاصفر بتاع التوكيل بس معاه اختفت خالص و بيقعد 15000 بس باغيره على 10000 و كمان بيوصلوه للبيت مجانا مع ارامكس ..... اسال الدكتور اشرف ابراهيم هو اللى نصح بيه .... و لو عايز اى استفسار اتصل بخدمة العملاء : بنزينة طاقه : و كلم المهندس قبل ما تجيبه و اساله على اى حاجه ..

ازى اعمل الموضوع دا ؟ انى اطلب الزيت لحد البيت عشان محطات طاقة دى قليلة جدا
انا جربت اخر مره كاستروب gtx بيقعد 5000 وممتاز بصراحة

**Ashraf_Ibrahim** · 24-10-2012 03:36 AM

* ما دام الموتور جديد يا عزيزي يبقا حط كاسترول ايدج
دا جركن اصفر دهبي ولزوجته 5/40 وبيعد 15000 كم او سنة ايهما اقرب وانا بحطه من فترة طويلة وشغال معايا زي الفل الحمد لله وسعره 270 جنيه زيت تخليقي بالكامل
ودي صورة الجركن

وممكن برده تستعمل اللينك دا عشان تشوف موقع كاسترول هيرشحلك ايه من الزيوت لعربيتك
Castrol Middle East

المشاركة الأصلية كتبت بواسطة blazer

ازى اعمل الموضوع دا ؟ انى اطلب الزيت لحد البيت عشان محطات طاقة دى قليلة جدا
انا جربت اخر مره كاستروب gtx بيقعد 5000 وممتاز بصراحة

فعلا الجي تي اكس بيعد 5000 كم
لو حالة موتور عربيتك افضل ممكن تحط كاسترول ماجنيتيك
دا بيعد 10000 كم او سنة ايهما اقرب

**ggaamm** · 24-10-2012 05:15 PM

المشاركة الأصلية كتبت بواسطة lolita

زيت فيسكو 5000 و ادعيلى لماتور مالوش ممكن ممتاز و بيخلى ا جامد 10000 كم و ب 125 جنية الماتور من غير صوت

انا دورت عليه لقيت ناس كتيرة بتشكر فيه

طيب هو ايه صناعته ده .. وهل موجود بسهولة ولا صعب

وشكراً لمرور حضرتك

**ggaamm** · 24-10-2012 05:24 PM

المشاركة الأصلية كتبت بواسطة Ashraf_Ibrahim

معلش ياباشا ممكن تقولى الفرق بين Castrol Edge و Castrol Magnatec

**Ashraf_Ibrahim** · 25-10-2012 01:16 AM

المشاركة الأصلية كتبت بواسطة ggaamm

معلش ياباشا ممكن تقولى الفرق بين castrol edge و castrol magnatec

أقلك يا صديقي
*كاسترول ايدج لزوجته 5/40
*الماجنيتيك لزوجته 10/40 لزوجته أعلى شوية في بداية تشغيل الموتور بعكس الايدج لزوجته أقل فبينتشر أسرع -بس الفرق بينهم مش كبير-
*الايدج دا تخليقي بالكامل ودا مفيد جدا للمواتير اللي متعودة على زيت تخليقي واللي عاملة كيلومترات أقل من 100000 كم بيحافظ على الموتور وأداؤه عالي جدا
*الماجنيتيك جيد جدا للمواتير اللي بتستعمل زيوت نصف تخليقية او عدادها عدا 100000 كم وأداؤه فوق من ممتاز
*الايدج بيمشي 15000 كم او سنة أيهما أقرب
*الماجنيتيك بيمشي 10000 كم أو سنة أيهما أقرب ومننساش ان فلتر الزيت بيتغير في أفضل حالاته بعد 20000 كم فضروري يتغير فلتر الزيت مع كل تغييرة زيت سواء ايدج او ماجنيتيك
*تكنولوجيا تصنيع الايدج متفوقة عن الماجنيتيك والاضافات نفسها مختلفة عشان الزيت يقدر يكمل معاك لحد 15000 كم وانا شخصيا ليا تجربة معاه حطيت الزيت واتأخرت عليه 2000 كم يعني غيرته على 17000 كم وحرق وجري وتنطيط والزيت نزل لزوجته 10/10 ومش بينقص الحمد لله
*دي الفروق الجوهرية بين الاتنين*

**ggaamm** · 26-10-2012 03:49 AM

المشاركة الأصلية كتبت بواسطة Ashraf_Ibrahim

*دي الفروق الجوهرية بين الاتنين*

بما أنك خبرة بقى .. أيه رأيك فى الزيت ده ؟؟

Motor Oil,View Motor Oil,Wolver Product Details from Wolver Lab on Alibaba.com

الزيت ده واحد صديقى لسه واخد توكيله فى مصر وعامل عليه عرض جامد

الجركن ال4 لتر ب 250 جنيه مع العلم انه المانى والأوبل والبورش بتوصى بيه

قالى خد جربه بس انا خايف بصراحة
مش منه لأ لأ لأ ,, أنا خايف عليه من العربية ههههههههههه
وكمان خايف ليعجب العربية وتتعود عليه وبعدين تاكله XD XD XD

وده الموقع بتاعه وفيه تفاصيل
http://www.wolverlab.de/?include=news&news_id=22

فأيه رأيك ؟؟

**alrazy** · 27-10-2012 12:38 PM

المشاركة الأصلية كتبت بواسطة ashraf_ibrahim

ازيك يا صديقي اخبارك ايه؟
كاسترول شكله عامل شغل كويس معاك :b4_282:

*صديقنا صاحب الموضوع
واضح ان عربيتك بتستعمل زيت معدني
انا معرفش ظروف الموتور ايه وبياكل زيت واللا لا
انصحك تحط زيت كاسترول ماجنيتيك ودا بيمشي 10000 كم او سنة ايهما اقرب
لو كمل معاك 10000 كم بدون ما ينقص ساعتها تقدر تنقل على الايدج واللي هيكون احسن للموتور بتاعك ان شاء الله

السلام عليكم ازيك يا دكتور اشرف بيه .... اخبارك ايه والله واحشنى جدا و اعذرنى ما رديتش عليك لان والله كان عندنى مشكله فى الارض .... جارى كان عايز ياخد منها جزء بدون حق و نظام هو كده و خلاص و ان كان عاجبك .... بس الحمد لله ربنا و فقنى و اخذت حقى بعد عنااااااااااااااااااااااا اااء .... الحمد لله رب العالمين

تسلم ايدك و الله انا دايما باخد بنصيحتك من عير ما افكر و الف شكر الزيت ده مريحنى جدا

**alrazy** · 27-10-2012 12:49 PM

المشاركة الأصلية كتبت بواسطة ggaamm

وانا بارضو عندى موضوع التكتكة ده الصبح وبيقعد حوالى دقيقة او اكتر شوية كده وبيختفى

طيب لو هتنزل الزيت عندك قريب جرب كاسترول اللى الرجالة بيقولوا عليه ده وقلى الأخبار

بس على فكرة الشل ناس كتيرة بتشكر فيه جامد جداً

وعلى فكرة لازم تراعى ان كل عربية ليها زيت يوصى بيه والفيرنا لزوجة الزيت بتاعها
5w-40
وده اللى مكتوب فى الكتالوج وبتوع فالفولين وصونى بيه لما كلمتهم من فترة وكنت عاوز الزيت

معلش يا باشا انا يتهيالى ان لزوجة الزيت مرتبط بدرجة حرارة الجو مش ب العربية .... اسال كده .... او حتى شوف فى الكاتالوج هتلاقى ان فى رسم بيانى درجات الحرارة على ارقام لزوجة الزيت

الموضوع: مساعدة بخصوص زيت فيرنا

LinkBack

أدوات الموضوع

عرض

-

-

-

-

-

المواضيع المتشابهه

مساعدة أرجوكم فى فيرنا

مساعدة في فيرنا 2011

مساعدة سريعة ارجوكم بخصوص فيرنا

مساعدة في فك مفتاح التكييف ( فيرنا )

مساعدة في فيرنا

الكلمات الدلالية لهذا الموضوع

المفضلات

المفضلات

ضوابط المشاركة