عرض للطباعة
انا حزينة جدا العربية مكملتش 500 كيلو ولقيت الفرامل سايبة لازم ادوس جامد اوى عشان تفرمل وعلامة فرامل اليد على التابلو رغم انى مش شداها ولا حاجة ياريت حد يطمنى هيا ليه عملت كده كمان غيرت الاسنبن وهيا لسه مكملتش حاجة ولو وديتها التوكيل مممكن يدفعونى حاجة وطبعا لسه فى الضمان انا اول مرة اركب عربية ويحصل فيها كده ولسه مكملتش حاجة
حاجة غريبة !!!
ياريت حضرتك تروحى التوكيل للكشف وعمل صيانة
أولا ألف مبروك على العربية
ثانيا الموضوع مش مستاهل حزن ابدا ياريت حضرتك تذهبى لمركز الصيانة وهما يعملوا اللازم وبعدين العربية ليها ضمان يعنى الموضوع بسيط ان شاء الله
حضرتك ما تقلقيش من حاجه . كلمى بس التوكيل و احجزى ميعاد للصيانه او روحى بدرى الصبح حتى و بلغيهم بالمشكله و خدى معاكى الضمان و ان شاء الله الموضوع يتحل و ابقى طمنينا
ربنا يكرمكم ان شاء الله هروح الضمان وهاقلكوا ايه اللى حصل
نور لمبة فرامل اليد معناها تيل الفرامل اتتاكل
معلومة جديدة علينا دى يا فندم .. وبعدين العربية زيرو 500 كم بس !!!اقتباس:
المشاركة الأصلية كتبت بواسطة أحمد كمال
معلش يا دكتور الراجل مكنش واخد باله
كدا معناها زيت الفرامل قل لازم قبل و دا معناه ان في تسريب في دورة زيت الفرامل , لازم حد يبص عليه و خلي بالك و انت ماشية
انا رائي الشخصي
معلش تعالي على نفسك وودي العربية للتوكيل على ونش مش مهم ياخد200 جنيه ولا حاجة ولا انك تخاطري بالمشي بالعربية و فراملها مش مظبوطة و ممكن لا قر الله يحصل حاجة و التكلفة تبقى اكتر
انا ممكن اقولك حد يزودلك زيت و تروحي التوكيل بس على ونش احسن, منها امان و لما تروحي التوكيل يشوفوا الوضع كما هو عليه و اهو يحس على دمهم لما يلاقوا العربية جاية على ونش
تصدق انا غلطان اني رديت !!!!!اقتباس:
المشاركة الأصلية كتبت بواسطة youssef.awad
لزمتها ايه السخرية ؟؟؟؟؟؟؟؟
+1111111111111اقتباس:
المشاركة الأصلية كتبت بواسطة sanhory
متزعلشاقتباس:
المشاركة الأصلية كتبت بواسطة أحمد كمال
يافندم لا سخرية ولا غيرها .. ده عيب التواصل كتابيا وطبيعى الكلام يتقرا بنبرة او اسلوب مختلفاقتباس:
المشاركة الأصلية كتبت بواسطة أحمد كمال
عن نفسى اول مرة اعرف ان لمبة تحذير فرامل اليد لها علاقة بتآكل التيل .. والله اعلم ممكن يكون فى عربيات معينة كلام حضرتك صح
وبالنسبة لبيان الكيلومترات 500 كم بس .. كان للتوضيح فقط ليس الا ، بمعنى لو كلامك صحيح فى الحالة دى هايكون غير متطابق لأن العربية زيرو
ادى كل الحكاية .. وردك فوق دماغنا ولا غلط ولا حاجة
واهلا بيك لأن القسم ملك لكل اعضاء المنتدى وليس ملاك نيسان فقط ..
اقتباس:
المشاركة الأصلية كتبت بواسطة john55
ينهارى على ونش ؟؟؟؟؟؟؟؟؟؟؟؟؟؟؟ بجد انا مرعوبة اوى وعلامل فرامل اليد دى نورت من تانى ركوبة ليا فى العربية يعنى من بعد مستلمتها بيومين ؟ ازاى كده بجد انا مش مصدقة والله اللى بيحصل دهاقتباس:
المشاركة الأصلية كتبت بواسطة أحمد كمال
وزيت الفرامل اتسرب من ايه طيب يعنى ممكن مطب مثلا يعنى ولا ايه اللى حصل ممكن حد يقولى ايه سبب ان حاجة زى دى تحصل اصلا
معلش كل حاجه جديده كده لازم تتلط وانشالله بسيطه ويكون عيب تربيط التيل وهرب من مكانه او الزيت قليل والله اعلم
التوكيل وريح بالك
وان شاء الله خير
اقتباس:
المشاركة الأصلية كتبت بواسطة أحمد كمال
مالك يا كامللوا بتتخانق مع حد؟؟اقتباس:
المشاركة الأصلية كتبت بواسطة أحمد كمال
وانت مش راجل رينوهاوي
ايه جابك هنا ؟؟
الموضوع ده حصل مع واحد صاحبي في عربية جيب شيروكي و طلع : الماستر و السيرفو بيسربوا زيت و غيرهم فورا و مكانوش موجودين في عز العرب و لقاهم في ابوغالي و شال العربية علي ونش و وداها و غيرهم
الكلام ده كان في ليلة العيد الصغير اللي فات و انا اللي كنت سايق و لمبة فرامل اليد نورت و الفرامل مبقتشي زي الاول فركناها و كملنا بعربية تانية و ده من ستر ربنا اننا مكبرناش دماغنا
بالنسبة للخلاف علي ان لمبة الفرامل تنور :
لمبة فرامل اليد بتنور لما مستوي زيت الباكم يقل سواء اذا كان فيه تسريب او
اذا تأكل التيل لان كل ما التيل يتأكل كل ما الزيت بيقل لان الكاليبارات بتاعة الفرامل بتبقي مفتوحة علي الاخر عشان تعوض تأكل التيل و لو اي حد تابع مستوي زيت الباكم في القربة بتاعته هيلاقي انه اول ما يغير التيل مستوي الزيت بيرتفع تاني لان الصنايعي بيزق الكاليبارات و يرجعها لوضعها الطبيعي و هو بيركب التيل الجديد
طيب له في عربيات لما زيت الباكم بيقل لمبة فرامل اليد مش بتنور ؟
ببساطة لان في عربيات مفيهاش عوامة لقياس مستوي زيت الباكم في قربة ماستر الفرامل
مثلا انا معايا لانوس و لانسر : الانوس فيها و الانسر لا !!!! انا كل اللي بعمله اني بتابع مستوي زيت الفرامل بعيني و اول ما الاقيه قرب علي الحد الادني بعرف ان التيل قرب يخلص و فعلا لما باجي اغيره بلاقيه خلصان انما في الانوس المفروض يعني ان لمبة الفرامل بتنور بس انا مش بستني بصراحة لما التيل يخلص عشان هي اساسا عربية فراملها علي قدها
النصيحة : توجهي فورا فورا فورا للتوكيل و ياريت تنقلي العربية علي ونش عشان في اي لحظة الفرامل مش هتمسك
النوش ب 250 او ب 300 جنية بس هيحافظ علي حياتك و علي عربيتك
والله اعلي و اعلم
الاخت الكريمة الفاضلة
ان شاء الله يكون خيرا
و كما نصحك الاخوة الافاضل الرفع علي ونش اسلم الحلول الا اذا كنتي حضرتك بجوار مركز خدمة معتمد فيجب الحجز و الذهاب فورا بدون تردد و عدم تحريكها حتي ميعاد الحجز
و لا تقلقي ابدا بأذن الله الموضوع بسيط و سيتم حله بأذن الله
و منتظرين حضرتك تطمئنينا
منتظرين تقريرك بعد كشف التوكيل و ان شاء الله خير .. متقلقيش و مش هتدفعي حاجه ابدا ً لأن العربية في الضمان .. و ان شاء الله تطمنينا
لا تقلقى أختنا الكريمة عادى جدا جدا وبيحصل وأنشاء الله بسيطة ومش هتدفعى حاجة فى التوكيل العربية فى الضمان بس أهم حاجة أنقليها على ونش أأمن وأضمن وطمنيننا من فضلك
شكرا ليكو جدا زى متوقعتو كان فى تسريب فعلا فى زيت الفرامل وروحت للتوكيل بعد العيد على طول وعملوهالى الحمد الله المهندس قالى فى زى طبة كده مكنتش مقفولة كويس فحصل تسريب
الحمد لله انها جت سليمةاقتباس:
المشاركة الأصلية كتبت بواسطة soshe2
و شكرا لحضرتك اهتمامك و معاودة توضيح ما حدث معك في التوكيل لكي تعم الفائدة
الحمد لله جت سليمه
بس بدون ماخوف حضرتك بردو لازم تكونى حريصه فى استخدام السرعات العاليه والفرامل لفتره اسبوع مثلا وتابعى قوة وزيت الفرامل ،اذا كله تمام يبقى فعلا العيب كان فى الطبه
كلامى للحرص فقط ولا داعى لاى قلق لان مفيش هزار فى الفرامل
نور فرامل اليد يعني التيل فيه مشكله