السلام عليكم و رحمة الله و بركاته
ممكن تساعدونى فى تسعير سياره فيرنا بالسعر العادل
المواصفات :
فيرنا موديل 2008
اتوماتيك
لون اسود
رشة جانبين نظافه
حالتها حلوه و نظيفه
عداد 60000
مرور السلام
جميع الكماليات تعمل بكفاءه
سعرها العادل كام ؟؟؟؟؟؟؟؟
عرض للطباعة
السلام عليكم و رحمة الله و بركاته
ممكن تساعدونى فى تسعير سياره فيرنا بالسعر العادل
المواصفات :
فيرنا موديل 2008
اتوماتيك
لون اسود
رشة جانبين نظافه
حالتها حلوه و نظيفه
عداد 60000
مرور السلام
جميع الكماليات تعمل بكفاءه
سعرها العادل كام ؟؟؟؟؟؟؟؟
سعرها جديد حوالى 88 الف جنيه
و بالحاله دى اعتقد تسوى من 60 الى 65 الف جنيه ... و ممكن تتأكد من موقع البيع المنتدى هنا و من مواقع البيع الشهيره الأخرى
اعتقد انها في حدود 55 الف
انا شاري عربيتي موديل 2007 من سنتين ب 54 وكانت عاملة 17 الف كيلو
وعموما الفيرنا الاوتو عربية ممتازة
العربية دي رينج من 55 ل 58 ألف جنيه ولو نضيفة اوي ومطلوب فيها 60 تمشي برده مش مشكلة بس تكون مش محتاجة مصاريف خالص
شكرا على الردود
و جزاكم الله خيرا و كل سنه و حضراتكم طيبيين
أنت ناوي تسيبنا و لا أيه ؟؟
عموما ربنا يوفقك في بيعها و يكرمك بأحسن منها .. بس ماتنساش هيونداي برضه
طب دلوقتى انا قدامى عربية اوتو و بفكر ابدلها و ادفع فرق
بس محتاج اخد رأيكوا قبل ما اخلص
مواصفات عربيتى :
فيرنا موديل 2008 مانيوال
لون اسود
أول يد
91000 كيلو متر
فابريكة بالكامل من الداخل ماعدا جزء صغير فى باب الشنطة
الخارج فابريكه ماعدا الشنطه و 2 اكصدام
موتور ممتاز
عفشة ممتازة ( بتاعت الفبريكه )
صالون ممتاز ( محافظ عليه جدا )
الحالة العامة ممتازة و مش محتاجه اى مصاريف
رخصة حتى 5/2013
السيارة الثانية :
فيرنا موديل 2008 أتوماتيك
لون اسود
62500 كيلو متر
فابريكة بالكامل من الداخل
راشه من بره بالكامل ماعدا السقف
حالة الموتور و الفتيس كويس ( بناءا على تجربتى ليه - لسه مكشفتش عليه )
عفشة محتاجه شغل على بسيط ( تربيط و مساعد شمال )
صالون جيد جدا
الحاله العامة جيده جدا
رخصة سنه
الخلاصة ان حالة عربيتى احسن و انا محافظ عليها جدا
يا ترى الفرق اللى ممكن ادفعه كام علشان ابدل و اركب الاتوماتيك
يا ريت تقولولى رأيكو و الاسباب
طيب ما تدور حضرتك على عربيه اتوماتيك تانيه تكون ماشيه عداد كيلومتر اقل او موديل احدث و مش راشه او راشه حاجه بسيطه مش كله ما عدا السقف. الهدف ان الحاله تكون احسن و ممكن الفرق ما يبقى كلام فارغ عن اللى حضرتك بتقول عليها و بعدين مش لازم تربط نفسك بموضوع البدل ما انت ممكن تبيع لحد و تشترى من حد تانى علشان توسع دائره الاختيار و خاصه ان الفيرنا من العربيات السهله فى بيعها و شراءها بحكم انتشارها
انا شايف ان الفرق يبقى من 3 الى 5 آلاف
فرق الاوتوماتك وفرق عدد الكيلومترات
ورأيي الشخصي
شوف فيرنا اوتو 2010 او 2011 مثلا .... يبقى عليت بموديل عربيتك بدل ما تبيع 2008 وتجيب 2008 بردو
شكرا لكل الاخوة اللى ردت على الموضوع
انهارده انا رحت شفت العربية تانى و جربتها
هى حالة العربية عموما مقبولة بالنسبالى بنسبة 75% مقارنة بحالة عربيتى
الحاجه الوحيده اللى مش مريحانى انها رشه برا ( حاجه نفسية مش اكتر )
صاحبها بعد الفصال و المناهده عاوز فرق 6000 جم
اخلص و لا اصبر
مع الاخذ فى الاعتبار ان امكانياتى اخرها فرق 5000 او 6000
مستنى رأيكم علشان الراجل مستنى ارد عليه بكره ان شاء الله