هل تغيير سلوك البوجيهات بعد كيلومترات محدده أم لا

**mamdouhedrees** · 23-10-2012 11:10 PM

أنا غيرت البوجيهات أخر مره بعد 30 الف كيلو والعربيه عامله 190 الف.الميكانيكى قال لى غير طقم سلك البوجيهات مع ان الموجودين من بدايه العربيه.
السوال هنا العربيه سحبها كويس ما فيش تنتيش أغيرهم ام لا.وهل يوجد عدد كيللو مترات بعدها يتم تغيرهم.
يوجد نوع ب 55 جنيه ومكتوب على السلك made in korea هل كويس ام لا.

**Ahmed Nasser** · 23-10-2012 11:21 PM

مكتوب فى كتالوج الصيانة بتاع النوبيرا
انهم بيتغيرو كل 90000

**SYD** · 23-10-2012 11:26 PM

سلوك البوجيهات بتتغير كل 100,000 كم
واعتقد سعر 55 جنيه قليل اوي - اشك في انها اصلية

**aw2100** · 23-10-2012 11:28 PM

خدها حكمة من اخوك اللى ماشى فى عربيتك سيبة فى حالة بمعنى طالما مافيش شكوى من اى قطعة غيار اصلية انصحك متغيرهاش علشان اغلب قطع الغيار اللى فى السوق مضروبة وعموما لو حبيت تغيير الاسلاك شيل القديمة يمكن تحتجها وكل طقم سلك بوجيهات وانت طيب

**Amr Axel** · 24-10-2012 12:18 AM

المفروض كل 100 الف بيتغيروا
لكن انا ماشي بمبدأ الفبريكة فبريكة و مغيروش الا لما احس بمشكلة لأنه مش هيتعوض و بعد لما اغيره اشيله عشان اجيب عليه بعد كده اي قطعة

يعني بوجيهات الفبريكة مثلا غيرتها ع 105 الف تقريبا , سير الدينامو ع 115 الف طالما الحاجة شغالة و مفيش مشاكل منها يبقي تمام مع العلم ان طريقي اغلبه دائري و صحراوي عشان محدش يستغرب من الرقم

طبعا ماعدا سير الكاتينة و بلية شداد الكاتينة المفروض 100 الف لكن غيرته ع 74 الف تقريبا احتياطي و المفروض كل 40-50 الف يتغير لأن فيه حاجات بيبقي التغيير كوقاية

اما حاجات اليومين دول المنتشرة مبتلحقش بوجيهات جاب معايا 20الف بالعافية
سير الدينامو مكملش 10 الاف و فلتر الهوا مبيلحقش 20 الف و يوبر و يجيب الوان

فطالما مفيش مشاكل معاك من السلوك زي رجرجة ع السلانسية او تنتيش او مبتوصلش لبوجيه كويس او السلوك ناشفة او مفلقة يبقي خليهم متجيش ناحيتهم و حاول السلوك تكون مرتاحة و هي ماشية و متبقاش مشدودة او معووجة عشان تفضل سليمة من جوة
و لما تحب تغير شيل الطقم القديم احتياطي و جيب الجديدة نفس نوعية الأصلي او حاول تشوف ماركة نضيفة زي ان جي كي او دينسو

و تركيبهم مفيش اسهل منهم اهم حاجة لو جيت تركب شيل واحد بس و ركب بداله و شيل التاني و ركب بداله و هكذا لحد الرابع عشان ميحصلش لخبطة في التوزيع و تجرب العربية بعدها لو فيه تقطيع او اي مشاكل