الموضوع: الاعتمادية .............!!!!!!!!

بسم الله الرحمن الرحيم

حابب النهاردة اتكلم عن كلمة بنسمعها كلنا فى كل مكان فى المنتدى وخصوصا قسم المقارنات او لما بنسمع كلمة يابانى يقولك اعتمادية

طب ما عايزين نوضح بس يعنى اية اعتمادية واية الظروف اللى بتخلى العربية دى اعتمادية
انا مش حتكلم عن اليابانى او اى ماركة تانية بس
انا حتكلم عن معنى الكلمة نفسه بالنسبة لبروتون للتوضيح

على مدار 6 سنوات من ساعة ما بروتون نزلت مصر ويمكن قبل كدة كمان هل سمعنا عن مشكلة فى الموتور او انة احتاج يتعمر او باظ من اى حد ؟؟؟؟؟ بيتهيالى محصلش الا لو عيب مصنعى ودة فى كل العربيات وارد

اذن فموتور بروتون الكامبرو موتور اعتمادى من الدرجة الاولى ولا جدال علية

على مدار 6 سنوات هل سمعنا مشكلة من اى مالك فى فتيس بروتون الاوتو او المانوال ؟؟؟؟؟؟؟؟ احتاج انة يغيرة الا لو كان عيب مصنعى ؟
بردة ميتهياليش انى شفت مشاركة او حاجة زى كدة

اذن يا سادة فتيسات بروتون اعتمادية جدا ولا جدال فى هذا ايضا

هل سمعنا فى اى وقت ان شاسية العربية فى مشاكل وانة بيفتح مع الوقت او ما شابة ذلك من عيوب تصميمة فى جسم السيارة واساساتها ؟؟؟؟؟؟؟؟؟؟؟؟
معنديش معلومة شائعة بكدة

اذن اساسات العربية معمرة واعتمادية ولا جدال فى ذلك

نيجى للكماليات الاساسبة للسيارة

التكييف؟؟؟؟ فى مشكلة شائعة فية ؟؟؟؟ حد قال من الملاك ان تكييفها وحش ومبياديش المطلوب منة وزيادة غير انة صوت الكباس بتاعة عالى شوية لكن من جوة تلاجة ؟؟؟؟؟؟؟

اذن الاجابة ........ تونس اعتمادية ولا جدال فى ذلك

عفشة العربية ؟؟؟؟؟ فيها اى مشكلة من اى نوع

يعنى المساعدين بيضربوا بسرعة مثلا ؟؟؟؟
المقصات مبيقتش مسنونة زى الاول وبتحتاج صيانة باستمرار ؟؟؟ :)

طيب انا لية بقول كل دة

علشان اوضح للى مش عارف بروتون او عايز يجيبها بس متردد من كلمة اعتمادية

العربية زيها زى اى عربية فى رينج ال 120 الف جنية ويمكن اكتر كمان فى كل شىء
هوة بس سعرها اللى ممكن يسبب بعض الشك والقلق(انة قليل على عربية 1600 بكل الكماليات اللى موجودة فيها مقارنة بباقى الماركات ) بالاضافة للدعاية والاعلانات اللى مغرقنا بيها الوكيل بسم الله ما شاء الله ومش ملاحقين عليها :)

العربية بالنسبالى تصنف من العربيات الاعتمادية جدااا ولا يوجد ادنى قلق من اساسيتها
كل ما فيها من عيوب زيها زى اى عربية فى الكون ليها عيوب الاتى

عيوب فى بعض السيارات فى التقفيل الداخلى (بكرر بعض ) متمثل فى صوت هوا على السرعات صوت ساساة وصوصوة من الفرش مثلا صوت زن فى ازاز كدة يعنى اختار حاجة منهم :)
عيوب فى تصميم علبة الدريكسيون فى السيارة ينتج عنة صوت احتكاك فى بعض الاحيان فى الطرق الغير ممهدة ويتم عمل تعديل (كاوتشة بتتركب على ماسورة علبة الدريكسيون) لمنع الصوت وارجع واقول دة عيب تصميم مش عيب صناعة وبيظهر فى بعض او معظم السيارات ومبيظهرش فى عربيات تانية (بتكلم عن بروتون )
عيوب فى مدى ريموت السيارة مقارنة باى عربية فى العالم :) (الريموت مداة قليل اوى يعنى بالكتير 3 متر اكتر من كدة لما تغنيلها وترقصلها مش حتفتح )
عيوب فى تقل الباور فى الدريكسيون مقارنة بكل الكورى (وليهم حكمة فى كدة بس انا حقول عيب بردة علشان وانت بتركن ممكن تدايقك لو انت دعيــــــــف والانسان اية غير انة دعيــــــــف :) )

تعالى باة وقولى اية العربية اللى فى رنج سعر لحد 130 الف مفيهاش عيب من العيوب دى حتى لو صناعتها مريخى مش يابانى

المختصر المفيد
عربيات بروتون عربيات محترمة جدا وسعرها محترم جدا وبتحققلك فى رينج السعر بتاعها اكتر من اللى تتمناة ونصيحة

اى عربية فى الدنيا حتى لو صينى ممكن جدا تبقى اعتمادية
ازااااااااااااااااى ؟؟؟؟؟

الرك عليك انت يعنى خايف عليها وبتهاودها حتديك حبابى فوانيسها
دايس وبتهريها فرك ودعك وكبس وشد ومبتعملش صيانتك فى مواعيدك وبنزينك زى الزفت ومبتعملش تشك عليها كل شوية

لو العربية اللى مصنعاها ناسا حتروقك وحتخليك تلف حوالين نفسك :)

انا بقالى كتير مكتبتش مواضيع قلت انزل بالحتة الكوميدى دى علشان نفك الجو شوية
وكل سنة وانتوا طيبين :))))