عايز أعرف رأيكو في حاجة حصلت وقت الأستلام من توكيل رينو
السلام عليكم
كنت عايز أستشيركم في حاجة حصلت وقت الأستلام من توكيل رينو، لفيت لفة حول العربية وبعدين قعدت وفهمت الدنيا بتشتغل ازاي وكان كله زي الفل
المهم قلت أخد نظرة تانية على البدي لحظت أن كان في زي حاجة مسيلة كدة على الرفف اليمين ورا تحت فاتحة تانك البنزين، قلتلهم عليها راحو جابو بولش وقعدوا ينظفوا فيها هي ممكن تكون قلت شوية وكملوا دعك فيها لغاية ما حسيت أنها عملت زي تغيير في اللون، عملتلهم شغلانه وقلتهلم مش حستلم وفي نفس الوقت راجل المبيعات بيهديني ويقولي حتتعمل وترجع زي الأول، قلتلهم ما تروشوش قالي لأ دي ممكن تتعمل بحاجة أسمها بولش خشن وصاروخ ومش حيكون فيه أثر
قلتلهم خلاص نستنا لبكرة ونشوف النتيجة، ولو في أثر مش حاستلم
أيه رأي حضراتكو، أسف للأطالة
