الموضوع: اكسنت على المحك

المشاركة الأصلية كتبت بواسطة SE_coralsea

غريبة مع أن معايا هيونداي موديل 2012 و عامل بيها 30000 كم و الحمد لله حالة العربية زي ماهي لما كانت زيرو

و كمان معايا جيتز موديل 2007 عاملة 66000 كم و أنا ثاني مالك لها و حالتها تقريبا زي الجديدة (84 %) حسب تقرير الكبس اللي عملناه قبل مانشتريها و مش بس كده لما أحب اشد مع اي عربية حتي لو كانت هوندا بأشد بالجيتز القديمة التعبانة اللي المفروض أن حالتها ساءت

سمسم ... أحنا بكرة موجودين في المضيفة ياريت تيجي و نتكلم هناك

ربنا يباركلك فيها بس دة اللى بيحصل مع كل سيارات هيونداى بتوع اصدقائى , كل مابركب العربية بحس انها اصبحت اقل اداء من ناحية العفشة , صوت التزييق بقى مسموع اوضح

حاجة بايظة مش شغالة اخرهم واحد صاحبى رايح الشغل صباحا ومعاة rb بيفتح الباب وجاى يقفلة مش عايز يقفل فضل 10 دقائق عشان يقفل الباب ويرزع فية مافيش لحد مارزعة بغباء راح قافل
والعربية ولا واخدة خبطة او اى حاجة نهائى

ماشى 84 % كبس ماتور من 2007 حضرتك عارف ان الهوندات اللى موديلات 1992-2000 كبس مواتيرها بيكون 84% مع القرص والقيادة الرياضية يعنى بتجرى بمتوسط 15 سنة مثلا وماتورها كبسة 84% يعنى لو على محركات هيونداى هتلاقى كبس المحرك اصبح 70% بعد 20 سنة يعنى الماتور ودع والقيادة عادية مش رياضية

معلش ياباشا الجيتز اخر عربية حد يفكر يجرى بيها لانها خفيفة جدااااااااااااااااااااااا اا انا ركبتها مرتين حسيت انى هطيييييييير بجد بدون مبالغة

المشاركة الأصلية كتبت بواسطة Kareem.ElAraby

انت جيت برجليك ولا الهوا اللي رماك

فيه فرق بين شخص من بتوع دور و اركب و لما تقف نبقي نشوف ايه الموضوع و واحد تاني صيانته في التوكيل أو بره و ايديه في عربيته و مش سايبها محتاجه حاجه !

ايه المشكله ما سمعتش عن البيجو ال 307 اللي في المعرض بيتفتح بابها قام الباب واقع !
لو ما سمعتش أديك سمعت

بأقولك ايه الله لا يسيئك انا ما صدقت الناس من هيونداي ابتدت تقتنع ان فيه فرق عوامل أمان و ما OVERVALUE العربيات تيجي انت ترفع هوندا السما !
ما قلناش انها وحشه و ما قلناش انها أي كلام ولا قولنا الهيونداي أحسن بس بلاش الافوره الزياده عشان بأزهق و مش اللي نبات فيه نصبح فيه !
و بعدين كلمني كده عن قطع غيارك الاستيراد و المساعدين و الحاجات الجديده لل SIR و ال GSR و موجوده فين و عند مين و ايه مدي توافرها ده غيرالميكانيكيه المتخصصين اللي يتعدوا علي صوابع الايد الواحده ! الهوندا متعبه جدا في قطع غيارها و مدي توافرها و غلوها اللي أحيانا بيبقي أفوره و فيه البديل الرخيص و لو انت عارف تصاين غيرك ما عندوش وقت يقف علي كل سلكه و فلتر يجيبه و يعد يجرب و وجع الدماغ ده !

ده غير انها لا تقارن بالاوروبي اللي في نفس السعر
الاووروبي يكسب فيما عدا ممكن جزئيه المحرك و ال V TECH اللي بتتفوق فيها هوندا و لكن ثبات و فرامل الاوروبي أحسن و لكن في هوندا مش سيئه !

بيتعدلها عفشه بمساعدين و طقم فرامل و بتبقي ممسوكه في الارض بخطاف ! لو بتقارنها بالسيفيك القديمه اللي ضعف سعرها أو بال SIR الرياضيه !

لأ جاى بالعربية

والله الناس دية كلها مابتبخلش على العربية بحاجة , وكل صيانتهم فى التوكيل حتى واحد لسة عامل صيانة ال15000 الف , والتانى عامل صيانة ال10000 الاف

لأ ماعرفش بس انت بتقول معرض , انا بتكلم عن واقع , ماتدخلش المعارض لان ممكن تكون المعارض بتحط عربيات مثلا للبهدلة او فيها عيوب عادى جدا بحيث انها هتتبهدل

انا دخلت حالة فى موضوع الكبس عشان سمير باشا بيقول ان الكبس اصبح 84 فى 2007
وقولت تجارب فعلية ولو مش مصدق شوف كل واحد كبس محركة قبل مايشترى عربيتة وطلع كام

ياباشا بقولك اية معلش مافيش اكتر من قطع غيار الهوندا واسعارها رخيصة وموجودة جديدة واستيراد واصلى وتايوانى عايزنى اكلمك عن قطع الغيار ممكن اقولك قطع الغيار

اكصدام امامى بالفوجات استيراد اصلى فابريكة 450 جنية وفية ناس بتبيعة ب700 جنية

اكصدام خلفى ب400 جنية

اربع مساعدين استيراد فابريكة 650 جنية

رفرف ب 250 جنية

فية بقى بردة حاجة تبقى عارفها انت بتقول الناس يتعدوا على الصوابع ( لأ ياباشا فية كتيييييير جدا ) جديد واستيراد ممكن تدخل قسم هوندا وتعرف

هاتلى كدة حاجة سعرها عالى عن الطبيعى , وبعدين ياباشا انت بتركب الحاجة وبتنساها , وكل الناس عارفة كدة كويس

هية الهوندا غالية فقط فى محركاتها ال SIR-GSR لكن المحركات التانية ب4500-5500 جنية لحد موديل 2000 و7500 لحد موديل 2005 من بورسعيد شيل الف جنية على طول

يعنى الليلة تمام والحمد لله الناس كلها مستريحة , يعنى لما تجيب عفشة SiR كاملة ب2500 جنية من الابرة للصاروخ زى مابيقولوا من غير علبة دركسيون فقط وبعلبة الدركسيون ب3200 جنية وممكن تاخدهم ب3000 جنية دة اسمة اية وحاجات فابريكة

لما تجيب اربع ابواب ب1200 جنية كاملين بكل حاجة فابريكة تقول اية

لما تجيب طقم جنوط 15 اصلى هوندا 1200 جنية تقول اية وفابريكة

معلش ياباشا انت شكلك مشيت من عالم الهوندا بدرى شوية او ماكنش ليك خبرة فى الحاجات دية عشان كدة معرفتش تتعامل

ودلوقتى الحمد لله بقى فية اكتر من ميكانكيى خبرة ومحترف وانا احسن لى ان اجيب واحد متخصص احسن ماجيب واحد جنب البيت ويقعدنى جنبة كل اسبوع عشان الباشا بيتعلم فى العربية

والله شوف مش هدخل فى حوارات مقارنة مع الاوروبى لان دة مش موضوعنا بس اللى انا عارفة وشايفة ان الهوندا , قطع غيارها ارخص بفرق محترم فى كل حاجة

طيب كويس تبقى لسة جايب عربية موديل 2007-2008 وتعدلها عفشة بكام الف عشان تبقى ثابتة ههههههههههههه , اية ياباشا الكلام دة العربية استوك عاملة ازاى , ولو عايز بقى تعديل يبقى عدل براحتك بقى مع انى اشك بردة انها تبقى ثابتة لان العربية مع زميلة ليا , وخفيفة جداااااااااااااااااا حاسس كأنى قاعد فى عربية لعبة , هية الخالق الناطق البيكانتو فى كل حاجة حتى نشوفية العفشة

وانا والله بزهق اكتر منك , من المقارنات اللى مافيهاش تكافؤ , لان هيونداى لا تقارن تماما بالهوندا من جميع النواحى , واى موديل هوندا مش موديل بعينة , فية فرق فى كل حاجة ياباشا اكيد انت ركبت الهوندا وعارف قيمتها كويس