ياباشا مع احترامي ليك البطارية ملهاش علاقة خالص بالكلام ده..البطارية كل مهمتها انها تقوم العربية وبعد كده الحمل كله بيتنقل على الدينمو..
بس بجد هي بطارية ممتازة وعن تجربة..توكل على الله واشتريتها.
عرض للطباعة
ان شاء الله رايي كلورايد 70 جافة كويسة ومحترمة وشغالة الحمد لله زي الفل معايا
اه على فكرة الكلورايد 70 امبير بالقديمة ادفع 250 جنيه
طيب حضرتك تفتكر لو الدينامو مش قادر يشحن البطارية علشان هى أعلى منه .....العربية هتعوض الكهربا منين ؟؟
لصاحب الموضوع شوف كتالوج عربيتك مكتوب فيه البطارية كام و أنا أظن إنها 44 و هتجيب 55 أمبير ...الموضوع مرتبط بالدينامو اللى عندك علشان لو البطارية 70 مثلا و الدينامو بتاع العربية مصمم إنه يشحن 55 أمبير مع الوقت الدينامو هيبوظ من التحميل الزيادة عليه و بالنسبة للنوع عند Acdelco و Varta
طبعا كل الأنواع ده كويسة ولو اني أفضل ال varta عن تجربة في عربيات كتير
شوف عربيتك كام أمبير وماتزودش عنها ..... الا لو حاطت عدة صوت قوية أو dvd والحاجات ده
لأن الزيادة مش هتفيدك في حاجة ... ده هتقلل من عمر البطارية أساسا
اكتر حاجة تقلل عمر البطارية هي انك تسيبها فاضية أو مش كاملة شحن لفترة
عربيتك لو مصمة علي 55 أمبير وانت حطيت 70 يبقي البطارية في الوقت العادي مش هتكمل شحن وده ممكن يخليها تضر أرباع بسرعة
طيب ممكن حد يفيدني في موضوع كتالوج العربية ده معرفش اجيبه ازاي هيا اكسنت ١٣٠٠cc. موديل ٢٠٠٠
البطاريات الجافة دة اسم غلط لان البطاريات دى تحتوى على حامض زى البطاريات العادية الفرق انها بتعمل بتكنولوجيا الكالسيوم او الفضة على اسطح الالواح الداخلية مما تقلل من استهلاك الحامض وتصبح بطارية مقفولة ليس لها فتحات لتزويد المياة المقطرة ولذلك البطاريات لاتحتمل الشحن العالى او الشحن العادى لفترات طويلة علشان الحامض بداخلها بيسخن ويتبخر مما يسبب فى تلفها فى مدة زمنيه قصيرة اقل من 6 اشهر وخصوصا فى الصيف وعلشان كدة لاتصلح لسيارات التاكسى او الليموزين الشغالة وهناك ملحوظة فى حالة اذا البطارية فضيت و العين بيها لونها اسود لايمكن لدينامو السيارة ان يعيد شحنها بمعنى ادى العربية توصيلة وتدور مش حتشحن لان البطاريات دى بتحتاج شحن بامبير ضعيف لمدة كذا ساعة (شحن بطئ) ولو ودتها لكهربائى حطها على التونجر العادى السريع دة بيأثر على عمر البطارية والبطارية 70 امبير افضل وخصوصا اذا كنت بتمشى كتير بالعربية انصحك تشترى البطارية العادية مش الجافة لقوة تحملها للشحن العالى او الشحن لفترات طويلة ويمكن تزويد الحامض الداخلى بالماء المقطر
من رأي acdelco جافه بطاريه محترمه وبتستحمل عن تجربه شخصيه والناس كمان كلها بتشكر فيها
وتريح دماغك من كل شويه تزويد ميه و انضف عشان مش كل شويه القواطيش تملح وتفصل ولا تلاقي ميه نار واقعه في حوض العربيه ومبهدلاه
كله تمام يا اخواني الحمد لله جبت ac delco الجافة 70 امبير ودفعت ٣٦٠ جنيه هيا تمنها ٤٣٠ وحسبلي البطارية القديمة ب٧٠ جنيه بصراحة احسن سعر وصلتلوا ( اولاد علي سليمان ) في شارع وادي النيل والف شكر علي اهتمامكم وتعبكم معايا لكل المشاركين بالموضوع.بس خلاص