باب شنطه و رفرفين أدام ممكن ألاقيهم فين وبكام ويا ترى فى تايلاندى أوصينى و طقم كارتير
السلام عليكم جميعا يا جماعه أنا نويت بأمر الله أشد العربيه(لانسر 2004) وبجمع فى حاجتها وعاوز أغير باب الشنطه لأنه كان فيه خبطه قديمه وعلى الرغم من أنها أتردت بس مبوظه شكل العربيه والسمكرى طلب رفرفين قدام علشان يظبط الفوانيس وفروقات غطا الكبوت وخلافه
هل ممكن ألاقى باب الشنطه بيتباع لوحده ؟ وممكن بكام ؟ويا ترى ممكن ألاقيه تايلاندى برده أو صينى
والرفرفين اللى أدام الأصلى بكام والتايلندى بكام ؟؟؟؟
معلهش ولو فى حد يعرف سعر طقم الكارتيرات الجلد (اللى فوق العجل تحت الرفارف وتحت المكنه ) ياريت يقوللى على سعره
وأنا أشتريت أكصدامين تايلاندى أمامى 235 جنيه خلفى 190 جنيه شبكة 2007 95 جنيه ومش عارف بصراحه دى سعرهم ولا أنضحك عليا
وشكرا مقدما على الردود