الموضوع: أنا مش هصلى ورا أخوان أو داعيين للأنتخابات فى العيد

المشاركة الأصلية كتبت بواسطة sha2e

النقطه ده فيها آراء
الاول : القتال والجهاد
الثاني : عدم القتال لان فيه معاهده بين مصر واسرائيل والاسلام أمرنا بالالتزام بالعهد
الثالث : الاستعداد زي ما ذكر فى القرآن الكريم :" الا متحرفا لقتال او متحيزا الى فئه "
يبقى القرار هنا قرار سياسي لان الاختيار فيه اجتهاد يعنى يحتمل الصواب والخطأ يبقى نطلع الدين ومنقولش اننا حاربنا او محاربناش عشان بنطبق الشريعه

تمام , و دي اجتهادات زي ما بتقول , لكن فيه واحد ممكن ييجي يقول مصلحتنا مع اسرائيل و الباقي يغوروا في داهية , ده حرام


انا معرفش بصراحه الاخوان بيقولوا ايه فى الموضوع ده لكن الدين بيقولك "الزكاه" ومتحدد على كل حاجه نسبتها الاموال مثلا " ربع العشر" الزروع متحدد نسبتها على حسب نوعها او سقايتها والماشية متحدد برضو لكل حاجه نسبتها
ده الدين لو الاخوان ليهم حاجه زياده فوق الزكاه يبقى سياسه تحتمل الصواب والخطأ ملهاش دعوه بالدين

هي نقطة فرعية لكن في العموم هما رأسماليين شوية في رأيي و اللي انا شايفه من سيرة الخلفاء الراشدين ان الموضوع اكبر من كده , مثلا ما ينفعش تبات و فيه جنبك جار جعان (ده حديث شريف على حد علمي) , مثل كمان ان الاحتكار محرم تمااااااااااما (حديث كمان) , المواضيع كتير بس مشايخنا للأسف اهملوها

الى عايز اوصله انى افصل الدين عن السياسه مش الغي الدين
يعنى لما اجي فى حاجه فى شرع الله اطبقها واقول ده دين
ولما يكون لي اتجاه معين وعايز اطبقه اقول دي سياسه

اللي بتقوله ده يا باشا ادخال دين في السياسة مع فرق المسميات , ازاي ؟ مجرد مثال , جيت اخدت قرار بمنع نشاط الرقص الشرقي في البلد , ده من وجهة نظرك دين , لكن هتلاقي الغالبية العظمى هاتقول لك دي سياسة , كده دخلتهم في بعض , فيه ناس بتغوص اكتر , ليه يبقى الزواج ديني ؟ ما يبقى فيه زواج مدني , ليه ممنوع مسلمة تتجوز واحد مش مسلم ؟ لا تتجوز طالما هي عايزة , فيه ناس رافضين للذكر مثل حظ الانثيين , كل دي اعتراضات علمانية و لو تجب اجيبها لك بالاسامي اجيب لك فلان بيقول كذا

عدم ادخال الدين في السياسة بالمفهوم العلماني الواسع يعني باختصار الدين شأن شخصي بحت , الدولة مالهاش ادنى علاقة بالدين , ولا احوال شخصية ولا اقتصادية ولا اي حاجة , اللي ربنا محرمه ده ما يلزمش الدولة و مالهاش دعوة بيه خالص, ماهياش هاتمنعه ولا ليها ادنى دعوة

حرمت العلاقات بدون زواج = دخلت الدين في السياسة , قيس بقى على كده كل حاجة


لكن مأحطش الاتنين واتوههم فى بعض عشان اخد اجراءات سياسيه متحصنة زورا بالدين واقول انا بطبق الشريعه عشان لما حد يجي ينتقدنى يكون الرد انت ضد الشريعه "زي ما حاصل دلوقتى و[/color][/size]على سبيل المثال لو ركزنا فى الموضوع او التوبيك ده وردود الاعضاء فيه خير مثال على كلامي "

دي متاجرة بالدين , زي المتاجرة بالحرية كده , انا باتكلم في العموم طبعا , ما قريتش ردود الاعضاء