عايز اعرف اروح اسكندرية ازاى من دائرى المعادى

**engaass** · 24-10-2012 10:51 AM

السلام عليكم

لو سمحتم عايز اعرف تفاصيل الطريق من دائرى المعادى الى منطقة كليو باترا بالاسكندرية وكذلك طريق الرجوع بالتفصيييييل الممممممل لان اخوكم خييييييبة اوى فى الطرق

وكل عام وانتم بخير

**mohamed_selim** · 24-10-2012 01:13 PM

من دائرى المعادى هتمشى فى اتجاه المنيب و تعدى النيل و تخليك طوالى و عند منزل المريوطيه تخليك اقصى الشمال عشان تاخد الوصله الجديده هتلاقيها بتلف بيك و ماشيه فوق المريوطيه و هتعدى فوق الهرم و فيصل و هتلاقى يفط يمين تنزل دائرى اتجاه شبرا و شمال تنزل دائرى اتجاه الصحراوى ... هتخليك فى الشمال و هتنزل مع الطريق على الدائرى و خليك ماشى على اليمين ... شويه هتلاقى يفط اسكندريه الصحراوى يمين تنزل مع المنزل و طوالى هتعدى تحت المحور و شويه هتلاقى البوابات ... هتمسك الطريق طوالى هتوصل اسكندريه و بعدين هناك تسال على كليوباترا او تستنى حد من الاخوه هنا يكون عارف وصفتها :)

**engaass** · 25-10-2012 01:47 AM

المشاركة الأصلية كتبت بواسطة mohamed_selim

من دائرى المعادى هتمشى فى اتجاه المنيب و تعدى النيل و تخليك طوالى و عند منزل المريوطيه تخليك اقصى الشمال عشان تاخد الوصله الجديده هتلاقيها بتلف بيك و ماشيه فوق المريوطيه و هتعدى فوق الهرم و فيصل و هتلاقى يفط يمين تنزل دائرى اتجاه شبرا و شمال تنزل دائرى اتجاه الصحراوى ... هتخليك فى الشمال و هتنزل مع الطريق على الدائرى و خليك ماشى على اليمين ... شويه هتلاقى يفط اسكندريه الصحراوى يمين تنزل مع المنزل و طوالى هتعدى تحت المحور و شويه هتلاقى البوابات ... هتمسك الطريق طوالى هتوصل اسكندريه و بعدين هناك تسال على كليوباترا او تستنى حد من الاخوه هنا يكون عارف وصفتها :)

انا متشكر لحضرتك
بس ممكن تفاصيل اكتر

**mohamed_selim** · 25-10-2012 04:13 PM

مفيش تفاصيل اكتر ... هو طريق طوالى و منزل هتنزل عليه وخلاص .... لو عندك اسئله على حته معينه تحت امرك

**engaass** · 27-10-2012 03:10 PM

انا متشكر جدا لحضرتك
بس انا كان قصدى مكان كليوباترا من مدخل اسكندرية وكمان طريق الرجوع لانى تهت قبل كده

**aldesha989** · 27-10-2012 10:35 PM

المشاركة الأصلية كتبت بواسطة engaass

انا متشكر جدا لحضرتك
بس انا كان قصدى مكان كليوباترا من مدخل اسكندرية وكمان طريق الرجوع لانى تهت قبل كده

اول ما تعدى بوابة اسكندريه هتمسك الطريق الدولى وتنزل على الداون تاون وكارفور وتفضل ماسك الطريق وتطلع كوبرى محرم بك وتنزل وتكمل من قناة السويس على البحر اول ما تطلع على البحر هتكمل مع العربيات يمين هتكمل حاجه بسيطه لحد ما توصل كلوبترا هتلاقى على ايدك اليمين نفق فيه مول تحت الارض ودى هتشوفها بشكل ملحوظ لان البحر واسع وانتا يمين هتلاقى النفق بشكل ملفت للنظر دى اسمها سبورتينج بعديها على طول النفق اللى بعدها بحوالى كليو او اكتر شويه هتلاقى نفق كلوبترا انتا كده بقيت هناك

وانتا راجع بقى هترجع بس من الشمال وتلف من عند مكتبة اسكندريه وتدخل نفس الشارع اللى طلعت منه قبل كده علشان توصل للبحر وتدخل تحت النفق وبعدين قناة السويس بعدين كوبرى محرم بك بعدين كارفور بعدين طوالى صحراوى

بس السكه للصحراوى نازل وطالع بالظبط انا للأسف مش حافظها ان شاء الله حد يفيدك اكتر

**engaass** · 28-10-2012 07:20 AM

المشاركة الأصلية كتبت بواسطة aldesha989

اول ما تعدى بوابة اسكندريه هتمسك الطريق الدولى وتنزل على الداون تاون وكارفور وتفضل ماسك الطريق وتطلع كوبرى محرم بك وتنزل وتكمل من قناة السويس على البحر اول ما تطلع على البحر هتكمل مع العربيات يمين هتكمل حاجه بسيطه لحد ما توصل كلوبترا هتلاقى على ايدك اليمين نفق فيه مول تحت الارض ودى هتشوفها بشكل ملحوظ لان البحر واسع وانتا يمين هتلاقى النفق بشكل ملفت للنظر دى اسمها سبورتينج بعديها على طول النفق اللى بعدها بحوالى كليو او اكتر شويه هتلاقى نفق كلوبترا انتا كده بقيت هناك

وانتا راجع بقى هترجع بس من الشمال وتلف من عند مكتبة اسكندريه وتدخل نفس الشارع اللى طلعت منه قبل كده علشان توصل للبحر وتدخل تحت النفق وبعدين قناة السويس بعدين كوبرى محرم بك بعدين كارفور بعدين طوالى صحراوى

بس السكه للصحراوى نازل وطالع بالظبط انا للأسف مش حافظها ان شاء الله حد يفيدك اكتر

انا متشكر جدا لحضرتك