ثقوب الكاوتش ..... ؟؟؟؟؟؟؟

**akmm** · 24-10-2012 10:54 AM

كل عام واعضاء المنتدى جميعا بخير وعيد سعيد على الجميع ان شاء الله ... فعلا المنتدى حافل بكل شىء من المشاكل الفنيه وطرق علاجها او تفاديها ولكن موضوع ثقوب الكاوتش وكلنا اتعرضنا ليها بطريقه او اخرى ولأسباب مختلفه ... وتروح لمحل الكاوتش وتلاقيه بيقول لك الحمه ومره بالتسخين او كشط ووضع لزق او خابور ..... ؟؟ عاوزين نعرف من المجربين والخبراء فى المنتدى الطرق دى ايه هى وافضل طريقه للحام الكاوتش وهل يفرق التيوبلس عن العاده للكاوتش فى اللحام وقاكم ووقانا الله شر الثقوب ومفاجآتها .. وتحياتى .

**Saeed-Taha** · 24-10-2012 11:35 AM

انا مش هقدر أفيدك أوى فنيا

بس نصيحتى ليك انك مع أى خرم تتعامل مع واحد فقط ويكون ثقة,, حتى لو الفردة نامت زودها من اى مكان او ركب الاستبن لحد ما تروح للى بتتعامل معاه فقط

عشان فى ناس بتهول وبتشتغل الناس ودى حصلت معايا شخصيا أول ما جبت العربية

تبقى رايح تزود شوية هوا تلاقى الراجل يقلك اوووووووبا بص ياباشا فى خرم هنا وهنا وهنا ويبتدى يخبورك

وانت مش عارف توقفه اصلا

وفى الاخر يطلع بيشتغلك ويقلك الخرم بكذا والفردة تكون سليمة اصلا

**akmm** · 24-10-2012 12:06 PM

تحياتى وكلام حضرتك صحيح والمشكله مش فى عدد الثقوب او الصنايعى اللى تثق فيه ... بمعنى لو انتى مساف وحصل لاقدر الله ثقب وحبيت تلحمه بعد تركيب الأستبن وبعد وصولك للمكان اللى تقصده علشان وانتى راجع بالسلامه تكون الكاوتشات كلها والأستبس سليمه ... ولكن اللى عاوز اعرفه المعلومات زى ما وضحت عن نوعيه اللحامات للكاوتش وماهو افضلها وايه اللى يناسب التيوبلس من غيره فى اللحامات .. وشكرا .

**momo44** · 26-10-2012 11:18 PM

اللحام المكوة
ثم اللحام البارد
اياااااااااااااك والخابور
الا فى الضرورة فقطططططططط

**akmm** · 11-11-2012 12:55 PM

مفيش ردود تانيه وشكرا للردود السابقه .

**mem** · 13-11-2012 02:04 AM

ايااااااااااااااااااااااا اااااااااااااااااااااااك والخوابير ايااااااااااااااااااااااا ااااااااااااااااك والخوابير
اخطر حاجه على الكاوتش لانها بتقطع السلك وبتضعف حوالينه وبعد فتره هتلاقى الكاوتش بقى عباره عن اخرام لا حصر لها تخلص من خرم يطلع غيره الى ان تهلك الفرده

**akmm** · 13-11-2012 03:02 PM

خالص الشكر للجميع .

**mido51eg** · 13-11-2012 03:09 PM

افضل لحام لحام المكواة ، وماتصدقش بتاع الكاوتش لما يقولك اصل الخرم ياباشا في الجنب مش هينفع يتلحم ، بتاع الكاوتش بتاعي بيلحم اي خرم في اي مكان من الفردة. دي نقطة ، النقطة الثانية لو الفردة بتاعتك تيوبليس ورايح تكشف عليها بتاع الكاوتش بينفخها على 50 مثلا ويحطها في البانيو ، فبتلاقي فقاقيع الهواء طالعة من اماكن كتير جدا ، ده اسمه "التنميل" وده بيحصل لما الفردة تكون واخدة هواء زيادة والنتيجة انك بتبقى رايح تلحم خرم تلاقيه لحم لك 15 خرم ، خد بالك من النقطة دي كويس جدا وماتتعاملش غير مع بتاع كاوتش واحد بس لأن الشغلانة دي بقت مليانة اشتغالات واياك ثم اياك ثم اياك من لحام الخابور.

**akmm** · 14-11-2012 02:19 PM

الف شكر وده المطلوب .

الموضوع: ثقوب الكاوتش ..... ؟؟؟؟؟؟؟

LinkBack

أدوات الموضوع

عرض

ثقوب الكاوتش ..... ؟؟؟؟؟؟؟ - انشر الموضوع فى :

-

-

-

-

-

المواضيع المتشابهه

الفرق بين الكاوتش التيوبلس و الكاوتش الداخلى و ايهم افضل

معالجة ثقوب الأطارات بمادة أنجليزي

ايه الفرق بين الكاوتش الناشف و الكاوتش الطرى و انهى احسن للعربية؟

ايه الفرق بين الكاوتش الناشف و الكاوتش الطرى و انهى احسن للعربية؟

ثقوب لا تراها

الكلمات الدلالية لهذا الموضوع

المفضلات

المفضلات

ضوابط المشاركة