عرض للطباعة
السلام عليكم
امبارح كنت في القرش بسأل علي عربية لواحد قريبي فلقت الصني السوبر صالون موجودة
طبعا مش عايز اقولكم انا عملت ايه في العربية :grinder: فحصتها زي ما اكون بشتري عربية مستعمله ههه
بسال رجل المبيعات بكام ؟ قالي بمنتهي الثقة : 119750 !!! قولتله تسليم فوري ؟ قالي اه و دلوقتي لو تحب !!
مائة و تسعة عشر الف و سمعمائة و خمسون جنية !!! يعني 120 الف !!!! لييييييييييييييييييييييه !!!
8000 جنية اوفر برايس !!!!!!
ما احنا قولنا ونصحنا مليون مرة بلاش الاوفر برايس وخلوا التجار يشبعوا بيها وكده كده مش سرعة الاستلام لا تستاهل فرق السعر ده !!!!
سرقه
والله ده نصب علني !!!!!!!!!!!!!!!!!!!!!
يا جماعة محدش يشترى بأوفر برايس ولو بجنية واحد زيادة عشان لو كل واحد ألتزم مافيش حد من المعارض دى هيعمل كده
خليهم بتوع الاوفربرايس يشربوها و روح اشتري من وكيل معتمد و كده كده هتستني شوية في الاستلام بس هتوفر كتير
اللى هيدفع قرش زيادة في تمن عربية .. ربنا هيحاسبه عليه
السلام عليكم ورحمة الله وبركاته
ياجماعة موضوع الاوفر برايس دة بجد شئ مستفز جدا لانك لما بتشترى بية انت كدة بتشجع البائع على انة يزداد جشع وغير كدة المصنع لما يلاقى ان الناس بتشترى باوفر برايس فدة بنسبالة حجة لرفع سعر العربية و بعدين واحد مقتدر قدر على ثمن العربية بالاوفر برايس غيرك يدوبك جايب ثمنها بالعافية فلازم نقاطع موضوع الاوفر دة خوفاُ على مصلحة بعضنا البعض
سعر العربية رسمي من المصنع كام بظبط؟
112000 السعر الرسمى و استلام خلال شهرين
ماهو برده يا جماعة كتير جدا أستنى 3 شهور ,ده لو سلموها في معادها
مقصدش ال nissan بس أي عربية عموما
مش كل الناس عندها استعداد تصبر ,زي بظبط الشحن السريع و الشحن العادي
نفسي نخلص من وجع دماغ الأوفر بريس ده :(
انا بقى عندى فى السويس العكس
مستنى الصنى الاى اكس بقالى 3 شهور ومفيش عربيات بتيجى وامبارح جت عربيات السوبر صالون وقالولى لو عايز تستلم ع طول
مش فاااااااااااااااااااهم
منين مفيش العادى وفجأه تلاقى السوبر بكتره
سياسه التسويق فى نيسان مش عجبانى "ومش هقول فيها إن" سلاااااام
ما شاء الله قاللك ١١٩٧٥٠ . الله على الدقه :Copy of m-s5: و بعدين انا عندى سؤال دى لسه نازله من يومين تلاته منين لحق يستلم و يسلم فورى ؟ الموضوع ده ريحته مش حلوه و يجب على نيسان أنها تلاقى حل للموضوع ده بالنسبه لعربياتها لان بكده هى بتخسر عملاء ليها ممكن ترفض السعر المغالى فيه ده و ترفض الانتظار فتروح لحاجه تانيه مثلا و بكده هى خسرت عميل او ده اثر حتى سلبيا على رضاء المستهلك اللى بيخلل من الانتظار و هى دورها المفروض يشمل من اول التصنيع إلى مرحله التسليم إلى العميل و لو كان مثلا الإنتاج مش مكفى الطلب تزود خطوط الانتاج طالما هى ضامنه المكسب و بكده تقلل مده الانتظار إلى اقل فتره ممكنه و كمان تراقب على التوزيع عن طريق المراقبة على الموزعين المعتمدين و ايه المانع يعنى ما هى بتحمى مصالحها بدل من التحكم فيها من قبل مجموعه من الجشعين و المستغلين و كل ده طبعا مع وعى من المشترى بانه يرفض الشراء باوفر برايس و عمل قائمه سوداء فيها أسماء الجشعين و الاسعار و نجمعها و نبعتها لنيسان علشان تاخد فكره الموضوع وصل لأيه. انا عارف ان فى ناس هتقول ما الأوفر برايس ده بقى واقع و مش فى نيسان فقط لكن احنا عندنا ميزه ان نيسان بتسمعنا و بتتفاعل معانا و دى نقطه ممتازه مش موجوده فى الماركات التانيه و علشان كده لازم ننقل لها الصورة و بناء عليه هى تتصرف فى المشكله و بقيه الماركات التانيه تحاول برضه لان الموضوع يستحق المجهود و زاد عن حده قوى
لازم المعارض دول يتحطوا black list في المنتدي و ما حدش يشتري منهم تاني
كلامك مضبوط 100% وموجه للأستاذ/ أحمد مصطفى لكى يوجه لشركة نيسان فورااقتباس:
المشاركة الأصلية كتبت بواسطة land_cruiser
يا جماعة الموضوع واضح جدا .استحاله المعارض تقدر تعمل كده لوحدها .الموزعين المعتمدين ليهم دور فى كده طبعا.يعنى سياسة سلكنى واسلكك. وليه ابيع ب 102 وانا اقدر ابيع ب107 وفى الاخر العربية توصل للناس ب109 عن طريق المعرض والموزع تروحله يقولك انا قافل باب الحجز او احجز واستلم كمان 3 شهور علشان لو مستعجل روح اشترى ب109.
والموضوع ده ملوش غير حل من اتنين اما يكون فيه رقابة او المقاطعة مفيش غيرهم
اعتقد ده ممكن يبقى احدى الموضوعات المهمه اللى ممكن تطرح للمناقشه فى المقابله القادمه و اللى هيبقى فيها ممثلين من نيسان و بكده نكون سباقين حتى فى طرح و محاوله إيجاد حل لموضوع الاوفربرايس مع الشركه المصنعه و ممكن الماركات التانيه تعمل نفس التوصيات اللى هنوصلها و الهدف هو حمايه المستهلك و محاربه الجشع و الاستغلالاقتباس:
المشاركة الأصلية كتبت بواسطة saint2011
دا انا ااجر عربيع بيهم ال 3 شهور دول والباقى فى جيبى
ههههههههه
بيتهايالي هيبقى نفس التمن ,ولا إيه ؟؟اقتباس:
المشاركة الأصلية كتبت بواسطة blazer
ده غير وجع دماغ و ضمانات و بتاع
عايز أقول لحضرتك أن الموضوع ده فعلا تم توصيلة لشركة نيسان وأتضح أن الشركة بريئه من هذه الأفعال والموضوع بيتلخص فى كيفية الرقابة على الموزعين المعتمدين وتسريب العربيات للمعارض على حساب العملاء الحاجزين لدى الموزعين المعتمدين لذلك يجب مناقشة هذا الموضوع مع ممثلى الموزعين الكبار مثل أتو إيجيبت والسبع وهذا هو بيت القصيد :hitwall3:اقتباس:
المشاركة الأصلية كتبت بواسطة Land_Cruiser
انا ناوى احجزها واستى ومش هدفع قرش اوفر برايس لان الموضوع دة انا برفضة فى كل شيء مش السيارات بس
صعب يا فندم أننا نقدر نوصل لحاجه مع الموزعين المعتمدين لوحدهم و لابد ان نقفل الدائره و الرقابه تكون من الصانع شخصيا و مش اى حد تانى لانه هو و المستهلك اكتر اتنين يضروا من موضوع الاوفربرايس ده لان الموزع كده كده بيبيع كل اللى عنده لكن بسعر اعلى من الرسمى او بيدى لمعارض هى اللى بتعمل كده الله اعلم المهم ان الخلل فى الجزءيه اللى بعد الصانع او لو حتى كانت من عند الصانع عن طريق احد الافراد الصانع برضه هو اللى يقدر يكشفها و بالتالى الحل يجب ان يكون بتعاونهم معا فالصانع عنده معلومات عن الإنتاج و عارف بيروح فين و المستهلك من ناحيته يرفض الشراء بأزيد من السعر. الفكره ببساطه ان مفيش موزع معتمد او نيسان كلها بتعمل كده لان ده مش منطقى لكن هناك أفراد قد تكون من اى طرف عامله العصابه دى و بتاخد الفرق لنفسها و لو التوكيل تتبع الموضوع هيعرف يجيبهم. ابسط حاجه عن طريق تتبع معرض من اللى بيبيع باوفر برايس و يمشى وراء العربيه لحد ما يعرف ايه قصتها و عربيه تانيه من موزع او معرض تانى يمشى برضه ورآها و هيلاقى حاجه مشتركه اللى هى بتعمل اللعبه دى. الموضوع لازم يتعمل فيه تحقيق و يتكشف لان مفيش اى طرف مسؤول بالكامل و عمر ما طرف هيعترف انه بيعمل كده بدون بحث وراء المشكله عن طريق المتضرر و اى حاجه غير كده هتنتهى بمتاهات و إلقاء كل طرف المسؤوليه على الطرف الاخر و مش هنوصل لحاجه مفيده و نيسان شركه محترمه أكيد عندها مليون طريقه لحل المشكله دى من طرفها و احنا من طرفنا واجبنا أننا ننبهها و ونساعدها باى معلومات تحتاجها و كمان بأننا ما نشتريش باوفربرايس علشان ما نضرش نفسنا و لا غيرنا اللى هما هيشتروا بعدنا يعنى و نيسان بتراقب باستمرار الوكلاء بتوعها فى موضوع مستوى الخدمه المقدمه و بتقيس الاداء و رضاء العملاء و بالتالى هيبقى سهل أنها تدخل موضوع اسعار البيع و لو على انها حتى نوع من رضاء العملاء حتى وده أمر منطقى للحفاظ على مصالحها و تحقيق اكبر رقم مبيعات مع احسن نسبه رضاء عملاءاقتباس:
المشاركة الأصلية كتبت بواسطة saint2011
والله لو الناس تمشى بمبدأ سيبوها عنده لحد ماتصدى كل الموزعين الجشعين هيتخرب بيتهم
حتى الصنى هيتعمل معاها الاوفر برايس
القشقاى قولنا علشان مش منتشره بتنزل بالطلب لكن الصنى ؟؟؟؟؟!!!!!!!
ناس جشعه بس للأسف فيه ناس بتشجعهم على جشعهم وبتدفع وعادى جدا فعلا (يافرعون ايه فرعنك قال ملقتش حد يلمنى)
هوه التوكيل مش بيبيع مباشره ولا لازم موزعين؟ على فكره مينفعش التوكيل يكون بريء عشان لو العربيه متوفره عنده وبيديها للموزعين يبقى لازم يتأكد انهم بيبيعوها بسعرها المتفق عليه الا اذا كان راضي عن اللي بيحصل.