صوت غريب فى الالنترا 2012 أرجو الأفاده

السلام عليكم و رحمه الله وبركاته

أنا معايا النترا 2012 و هى بصراحه عربيه جميلة و مريحانى جدا هى عاملة دلوقت 14000 كيلو من فتره كده لما أكون راكن العربيه و اول ما اجى اطلع بيها لما بلف الدركسيون ناحية اليمين بأسمع طقطقه فى أرضية العربيه بحس بيها فى مسند الرجل اللى فى أرضية العربيه الغريب انها بتحصل بس لما الف الدركسيون يمين فى الشمال مافيش حاجه و الموضوع ده بيقد حوالى ربع ساعه اول ما اطلع بالعربيه و بعدين بيختفى بالتدريج لكن بيرجع تانى يوم حد عنده فكرة ده من أيه.....
برضه معلش سؤال تانى لما بأجيب الغيار الخلفى برضه أول ما ادور العربيه بأسمع صوت تكه كده فى الجيربوكس بس بتبقى مرة واحده بس أول ما ادور و بعد كده بتروح على طول فيه ناس قالتلى علشان العربيه لسه بارده هل ده صحيح؟
و شكرا ليكوا مقدما

الموضوع دة بردة بيحصل عندي اول ما اجي اطلع بالعربية وبعد كدة بيختفي وسالت علية قالولي عادي بتبقي لسة الطنابير بتطبع او طرمبة الفرامل ،، حاجة كدة يعني

اقتباس:

---

المشاركة الأصلية كتبت بواسطة msalama

السلام عليكم و رحمه الله وبركاته

أنا معايا النترا 2012 و هى بصراحه عربيه جميلة و مريحانى جدا هى عاملة دلوقت 14000 كيلو من فتره كده لما أكون راكن العربيه و اول ما اجى اطلع بيها لما بلف الدركسيون ناحية اليمين بأسمع طقطقه فى أرضية العربيه بحس بيها فى مسند الرجل اللى فى أرضية العربيه الغريب انها بتحصل بس لما الف الدركسيون يمين فى الشمال مافيش حاجه و الموضوع ده بيقد حوالى ربع ساعه اول ما اطلع بالعربيه و بعدين بيختفى بالتدريج لكن بيرجع تانى يوم حد عنده فكرة ده من أيه.....
برضه معلش سؤال تانى لما بأجيب الغيار الخلفى برضه أول ما ادور العربيه بأسمع صوت تكه كده فى الجيربوكس بس بتبقى مرة واحده بس أول ما ادور و بعد كده بتروح على طول فيه ناس قالتلى علشان العربيه لسه بارده هل ده صحيح؟
و شكرا ليكوا مقدما

---

اولا كل عام وانتم بخير

زميلي العزيز .. عربيتك بخير .. ممكن تبطل قلق شوية ...
عندي ليك معلومة

ممكن كل يوم الصبح قبل ما تتطلع بعربيتك تدورها ( من غير ما تلف الدركسيون ) فمكنها
مده 2 او 4 دقائق ..
وبعد كده ياريت من المستحب ان خروجك او طلوعك بالعربية يكون في خط مستقيم ( عشان ما نحملش علي الكبالن ..اجزاء نقل الحركة من الفتيس الي العجل الامامي ))
وبلاش تكبس يعني طلوعك يبقي هادي شويه

خلي الموضوع ده عادة ...
وغالبا مش ها تشتكي من اللي بيحصل ده تاني ..
اعتقد دي مسألة تليين فقط ..

متقلقش عندي نفس الحوار في الاكسنت

أشكركم جميعا :)

عيد سعيد .

من الافضل عند ركن اي عربية أن تكون الاطارات في وضع مستقيم (الطارة في المنتصف) لأن عند التشغيل بيكون كده الباور (سواء كهرباء أو هيدروليك) في وضع تحميل بالظبط زي ماتكون بتدور الموتور و هو في وضع تعشيق

السلام عليكم ورحمة الله وبركاتة
الف مبروك علي العربية و ربنا يديك خيرها و يكفيك شرها
بالنسبة للتكة الي بتسمع صوتها من الجير بوكس لما تجيب الغيار الخلفي دة صوت عادي لان لما بتبقي علي p باركينج بيبقي في لوك علشان العربية ما تتحركش و الصوت دة بيبقي صوت اللوك وهو بيتشال لما بتنقل علي r

علشان كدة من الافضل لما تيجي تركن العربية تشد فرامل اليد قبل ما تجيب الغيار علي p علشان اللوك دة ما يبقاش علية حمل

ربنا يخيكو يا جماعه طمنتوني بجد انا عندي نفس الحوار وعامل 19000

انا كنت قريت فى الكاتلوج ان انت هتسمع الصوت ده الصبح وده شئ عادى لانى اول ما جبت العربيه سمعت الصوت ده وكنت مقلق