مقارنة بين بولو وفابيا وسيفيا

السلام عليكم ورحمة الله وبركاتة
اريد اعرف من السادة الاعضاء اصحاب الخبرة ايهم افضل
1- بولو فولكس فاجن موديل 99
2- فابيا سكودا 2002
3 - سيفيا كيا 99
لانهم بالنسبة للسعر شبة متساويين طبعا دا في حالة المستعمل النضيف
انما في اوجة مقارنة كثيرة انا معرفش عنها اي حاجة بصراحة وعاوز اعرف من اصحاب الخبرة بكرمهم لاني عاوز اشتري عربية الايام دي وعلي فكرة اخوكم دي اول عربية في حياتة بعد 128 حقيرة كدا جبتها علشان اتعلم عليها وبعتها بعد ما اتكسرت ومتعلمتش بردو قيادة لاني كنت بتخانق معاها مش بسوقها يعني العربية دي هتعملم عليها بس بأحترام وهحاول علي قد ما اقدر اني احافظ عليها وتكمل معايا فترة يعني
انا طولت عليكم اسف جدا جدا منتظر بعد اذنكم الافادة في الموضوع دا وشكرا جزيلا لكل المشاركين معي

يا رجالة الموقع ويا اهل المنتدي افيدوني افادكم الله بكرا وقفة العيد الكبير وانا المفروض انزل اشتري بعد العيد باسبوع بالكتير مش عاوز البس في الحيط او اشتري حاجة ويكون من ضمن خياراتي حاجة افضل منها محتاج بجد توجيهاتكم والله المستعان

متابع

ليه رأى مخالف بس ياريت تحطه ف بالك بالمرة وانت بتقرر تشترى

القصة فى ان التلات عربيات اللى قلتهم كويسين فعلا بس لو حالتهم فبريكة
بمعنى انه لو واحدة فيهم فيها مشكلة معرفتهاش وانت بتشترى هتزعل قوى من العربية
وهتكلفك كتير وقت وفلوس
وده هيتعبك خصوصا وانت جديد فى العربيات
فى حين لو معاك مبلغ أد تمنهم (غالبا تلاتينات ) ممكن تحطهم مقدم لعربية زيرو
وتبقى معاك 5 الاف مثلا لاول كام قسط على ما ربنا يفرجها والعجلة تمشى تانى وتعرف تظبط اقساطها
اللى غالبا لو على 5 سنين وعربية ب70 الف هيبقى حوالى 500 جنيه مثلا فى الشهر

ميزة الزيرو فى ان كل حاجة على ايدك ومفيش فرصة اعطال مش معمول حسابها بالذات فى اول 5 سنين مثلا مع الاستخدام العادى
وعندك فى الفئة السعرية دى مجموعة معقولة من العربيات
الشيفروليه لانوس
الفيرنا
اللوجان سيدان وهاتشباك واسمها سانديرو
والبروتون ساجا
والبى واى دى

وكمان فيه اقل زى الاسبيرانزا
واللادا المصرى او الروسى

اختار من كل ده اللى يتناسب مع ذوقك واحتياجاتك من العربية
وربنا يوفقك للأختيار السليم.

السيفيا
فيها كماليات اكتر
اوسع
موتور اقوي
قطع غيار متواجدة في اماكن اكتر وفي الغالب ارخص

واهلا بيك عضو جديد
وكل عام وانت بخير

السلام عليكم ورحمة الله وبركاتة
انا سعيد جدا جدا بالمشاركات دي والله
وبشكر كل واحد رد علي استفساري بس عاوز ارد علي الاستاذ /haitham79 اني زي ما حضرتك عارف مش هقدر بحكم اني جديد في قيادة السيارات اشتري زيرو لانها هاتتبهدل مني حقيقي وهخسر فيها جدا لاكن مرسي اوي علي زوقك ومحاولتك افادتي
والعضو الجميل الاستاذ /al_manara السيفيا انا مبهور بيها لاكن في نظري سيارة حجمها كبير وخايف مني في السواقة اوي علشان كدا كان اختياراتي الثانية سيارات هاتش باك وصغيرة في الحجم
اتمني مشاركتكم تزيد وتفيديوني ولو حد امامة سيارة محترمة وفي حدود القلوس الي معايا ياريت يقولي وشكرا جزيلا علي الاهتمام